أبي أمل

السلام عليكم و رحمة الله و بركاتهكيكفم يا خواتي
مالي بالطويله بقول لكم السالفه على طول
أنا بنت عمري 21 سنه و أعاني من سمنه مفرطه
أكره نفسي كثيرر أكره إني أشوف نفسي من بعيد بالمرايه
عندي أحلام كثيره و أمنيات كثيره ما يحققها إلا النحف بعد الله سبحانه
أتمنى ألبس زي البنات الي بسني
إذا نزلت موضه جديده لبسوها و يحسون بأنوثتهم و بثقه في مظهرهم
أما أنا ف أدور في ملابس الكبار من يوم كنت صغيره
كل الناس تعايرني بهالشي
أهلي صديقاتي بنات المدرسه
و كان أستهزاء جارح وياليته كان بطريقة مزح
كان جاد و مقصود
أما من ناحية ملامحي ف أنا جميله جداً
جمالي فوق العالي جداً
وكل ما كبرت كل ما زاد جمالي أكثر و أكثر
حتى أقاربي الرجال إذا ما شافوني فتره طويله و بعدها شافوني ينبهرون من جمال ملامحي
وأنا والله ما أقوله غرور بس أقولكم هذا الشي الي يعطيني ثقه بسيطه
لما أشوف نظرة الأنبهار والأعجاب في عيونهم
حتى واحد من خوالي جلس فوق ال 5 سنين ما شافني و يوم شافني جاته ربك وبدا يلخبط الكلام
حتى ما ترك يدي بعد ما سلم علي
بس مع هذا كله أنا ما أحسس فيه أبد
بسبب سمنتي و بشاعة جسمي
الحين أعلمكم مواصفاتي
طولي 167
وزني 130
وأنا عظمي عريض و سمنتي متوزعه على كامل جسمي
حتى ما عندي كرش
بس ضخمه و هالشي مكرهني بنفسي
وربي يا بنات إني أعيش معاناه محد يعلم فيها
أهلي يكرهوني بسبب سمنتي لدرجه كرهت أطلع من الغرفه
لأنهم إذا شافوني يقطون علي كلام جارح
غير كذا أنا أسمن وححده بالعايله كلها
ومليون مره أسوي رجيم ورياضه و آنزل بالكثير 9 كيلو و أتعبب و أرجع أدبلهم
وغير هذا بلاوي جسمي الداخليه
سواد المنطقه الحساسه و مابين الأفخاذ
والأبطين و ترهلات الجسم و التشققات البشعه
وربي أذا شفت جسمي أتحسر
أحس خلاص بجلس للأبد كذا ما راح أصير مثل أي بنت طبيعيه
تكفون بنات أبيكم تقولون لي عن تجارب فادت معكم في النحف أو أختفاء هالسواد أو التشققات
و حتى الترهلات
عطوني أمل في أني أصير طبيعيه
أبي تجاربكم الخاصه
أبيها مضمونه
أبي أحس أن مافيه شي مستحيل
أنتظركم