أبي أنحف لكن مافي أرادة طالبتكم مساعدة

سآآره

15-09-2022 - 05:09 am

السلام عليكم ورحمة الله وبركاته
كيف حالكم يافراشات؟؟
اشتقت لكم
لي فترة مادخلت هذا القسم
وبصراحه جايه وانا خجلانه منكم لأني كل مره اسوي رجيم وارادتي تضعف
واترك الرجيم مادري شنو الحل مليت والله وخاصة السنة بأذن الله لو درست بالجامعة
ابي اتلبس ابي افرح بنفسي(والله اكتب وانا خجلانه منكم)
والله والله بس ابي انزل 10 كيلو في ذي الفترة مابي اكثر
بس ابي وحده صارمه صارمه صارمه تسوي معاي رجيم وتتابعني
والله وبكون معاها صادقه ومع نفسي بالذات لا تقولون ماحد يقدر يوجهك الا انتي
انا اعرف نفسي لو ماحد تابعني ومسكني بخبص
خاصة بيتنا ماحد يسوي رجيم غيري
الله يخليكم طالبتكم لاتتجاهلوني ودي وحده كل يوم تدخل تتابعني وتشجعني
ومستعده انزل وزني لها بالصور و اكلي بالصور بس ابي تشجيع
أنا عارفه نفسي بس أحد يشجعني والله امشي زين
بس ماعرف اسوي بروحي
يالله بنات لا تتجاهلون الموضوع اطلب منكم تعينوني مليت
من نفسي ماهنا ارادة كل ابلع
ياجعل ذي الدبه تفش وارتاح
طالبتكم طالبتكم عينوني والله خجلانه من نفسي لان كل مره اسوي رجيم ورجع وزني
وخجلانه منكم ثانيآ

التعليقات (9)

سآآره

15-09-2022 - 07:47 am

ومستعده ابدأ من اليوم

أم فادى وفارس

15-09-2022 - 08:48 am

موفقة يالغلا
يله شدي حيلك ولا يهمك احنا كلنا معك
بس اقترح عليك تاخذي حبوب ميزيتانق مع الرجيم
ورح تلاقي نتيجة مرضية
انا جربتها شهر ونزلت 10 كيلو
موفقة
ورح امر موضوعك كل يوم ان شاء الله

وحدهـ ذوق

15-09-2022 - 09:49 am

حطيت موضووعك بالمفضله
نزلي لي يومياتك اشوف وامشي 10 دقايق اليوم فقط
وحبذا تحطين توقيت اكلك
انا معك ي قلبي الين ربي يكتب
بسس ساعديني واساعدك
لازم تبدئين من هاللحظة اذا ودك بالتغيير ماينفعك التأجيل
جاي رمضان والعيد والكشخة والملابس الحلوة شدي حيلك قلبوو
عيب يصير الأكل أقوى منك ومن عزيمتك
هاه شو قلتي ؟؟؟؟

ريتال برستيج

15-09-2022 - 10:50 am

ماشاء الله
لاحول ولاقوة الا بالله

نزف اليراع

15-09-2022 - 11:51 am

سارونه انا معك قلبي
وانا كمان ودني انزل اقل شي 10 كيلو بهذا الشهر لانو جاينا العيد وبعده زواج
اخوي وودني اطلع غير وش رايك نكون مداومين مع بعض ونشوف الوقت اللي ندخل فيه استناك ياعمري لاتسحبين علي وبالذات برمضان لازم نخفف علا الاقل

وحدهـ ذوق

15-09-2022 - 12:52 pm

نسيت أسألك كم وزنك ي قمر
من باب التفاؤل ولا جد ؟
اذا جد فماشاءالله الله لايضرك ولاتحتاجين متابعه

مجننها السعودي

15-09-2022 - 01:53 pm

ماشاءالله
يارب تخفي من غير ضرر يارب
وتوصلي اللي تبي

آمال@

15-09-2022 - 02:54 pm

المشكلة الارادة انا والله وزني 71 وطولي 170
ودي اوصل لل60 بس كيف

وانطفى ضي الشموع

15-09-2022 - 03:55 pm

اذا وزنك الحالي 120
بسهولة ينقص وزنك ...
وممكن تنزلين الى 30 كيلو بعد بسهولة
مشي + نظام مناسب لك .. شبعي نفسك بالسلطات والاكل الصحي دايم
وشرب ماء 10 كاسات باليوم او اكثر
وقبل هذا كله توكلي على ربك ..

معدل حرق السعرات الحرارية في كل رياضة←
استفسار اخصائيات تغذيه→