أحتاجلك لاضيق الوقت صدري وربي خقق لاتفووتكم أول تأليف لصديقتي حياكم

في ليلة رقيقة في سكونها عذبة في برودها
في احد فلل احياء جده الراقيه
في بيت أبو سعود
وفي الدور الثالث
وفي هدوءالغرفة ونورها الخافت ..
ملآك على سرير من حرير تحتضنهآ الحنان والحب بكل الرقة والنعمومة
ريم .. .. 19 سنه اولى جامعةانسآنه مرحة اجتمآعية تحب الفله والهبقآت الشقآوة تجري بدمهآ رومانسية وطيوبة قلبها ابيض
ماتعرف الحقد مل حياتها تسامح تملك جاذبيه وجمال ولها غمازا وحده في خدها اليمين
كل همها في الحياة تعيش سعيدة وسط اهلها وانها تلقى فآرس احلامهآ
الي يسعدها ويغير لها حيآتها كل الي تتمناه انسان يملك قلبها بيده
ويسجنها في عالمه
قآمت ريم على صوت رعد قوي وكانت بلكونة غرفتها مفتوحة جريّت وسكرت البلكونه وانسندت على باب البلكونه
وهيا مآسكة قلبهآ وهو يدق بسرعة وجلست على الآرض
ريم:يالله ... حسيت قلبي بيوقف الحمد لله انه كابوس ..
وقفت ريم وألتفتت للبلكونه وشافت المطر ينزل بكثرة.. راحت ريم لسريرهآ وهي ترجف من الخوف
ريم تسمع صوت احد يناديهآ
: ريم . ريم تعالي
ريم تطالع في الساعة 12،42 ليل والبيت كله نآيم
ريم: سآكته ولا ردت
: ريم
ريم صارت تحس كنها بحلم ومو قادرة تقوم
فتحت ريم الباب بكل رقة ونعومة ومازآل الصوت ينآدي
نزلت ما لقت آحد الكل نآيم
نزلت بالدورالآرضي
وهي بالدرج لمحت ظل وحست من الظل انه رجال لابس شمآغ وثوب
ومآزال بنآديهآ
نزلت ودموعها على خدها من الخوف
ريم: ماما.. بابا ..
مين يناديني؟
قربت من الصآله ولمحت نفس الظل الي لمحتة من الدرج
خافت ماقدرت تنزل
وطلعت لغرفتها ودموعها مازالت على خدهآ وهي ميته من الرعب صارت تطالع حولها قالت في نفسهآ : هذا حلم لازم اقوم منه
الجو برآ هادء والوضع تمام انسدحت ريم ولحفت كل جسمهآ
فجآة ينفتح باب البلكونه ببكل رقه ونعومه ويدخل نسيم هوا بارد
وقفت ريم على السرير وهي تصرخ
تتطالع يمينهاوتلقى نفس الظل الي شافته خارج من البلكونه وهالمرة قررت تتبعه لخارج البلكونه
وآول ما خرجت شآفت شخص وسيم ابتسامته تعذب القلوب نظرته تسحر العيون كل مافيه جذآب
يعني كلو على بعضو يفتن هذا الشخص هو صاحب الظل الي اتبعته
ريم اول ما شافت هذا الشخص من جمآله مو عارفة آيش تقول كل الي كانت تبغآه يبقى مكانه ما يروح
إلآ هو بدأ يتقرب منهآ وابتسامته مافارقته وبكل رقة وصوت عذب : هلا بك في عالمي
ريم: آنت مين؟
الشخص: آنآ آحبك
ريم: انت آيش تبغى مني؟
الشخص : آحبك
ريم: ترجيتك لا تعذبني
الشخص بصوت عآلي:آحبك
ريم: ليش انا آنآ؟
الشخص: آنآ آحبك آحبك آحبك وبدآ صوتة ينخفض
وبدآ هو يبتعد عن ريم
ريم: ترجيتك لآ تخليني لوحدي
الشخص: حفضل آحبك
ريم: ترجيتك لاتروح عني
لآآآ تروح لآآآآآآ تتركني بهالعالم اتوه
الشخص وهو مختفي : حبيبتي لا تنسي اني حبيتك
ريم:انا احتآجلك
احتآجلك إذا ضيق الوقت صدري آبيك تمسح عن عيوني شقآهآ
الشخص: حبيبتي لآ تنسي .. حبيبك..
وصارت ريم تتلفت حول البلكونه وهي منهآرة والدموع بعيونه
دخلت غرفتها
ونزلت تحت وراحت لغرفه اهلها
ريم تدق باب الغرفة: ماما .. ماما. بآبآ
صارت ريم تدق البآب ومااحد يجاوبها ولما فتحت البآب
شافت امها وابوها كلهم دم
وصارت تصرخ
وطلعت غرفتها مره ثانيه
ريم:انا بحلم ايوا بحلم ولازم اقوم من هالحلم
جلست ريم عند المرآيا تشوف نفسهآوتقول :ياقلبي لا تخليني
ترجيتك لا تخليني
بعدك انا مالي وجود
وجلست على الكرسي وراسها على التسريحة وهي تبكي بصوت عآلي
فجأة!؟!؟!؟!؟!؟!؟!؟!؟!؟!؟!؟!؟!؟! ؟!؟!؟!؟
تصحى ريم على صوت رعد قوي وتلقى البلكونه مفتوحةوتقوم من سريرها
وسكرت البلكونه وجلست على الأرض
وظهرها يلامس البلكونه وهي ماسكة قلبها
يدق بسرعة من الخوف : يالله ...الحمد لله انه حلم مو حقيقة
على طول ريم راحت على السرير وقلبها يدق بسرعة من كثر الخوف
وشافت الساعة وكانت 3:30 الفجر
ريم بصوت عالي: لآآآ ماما .. بآبآ
وصارت تجري لغرفتهم ودقت الباب
فتحت أم ريم الباب وشافت بنتها تتنفس بصعوبة: ريم آيش فيكي؟
ريم: ماما انتو بخير؟
ام ريم: احنا بخير انتي آيش فيكي؟
ريم: كان كابوس .. كآبوس..
ورآحت ريم لغرفتها وهيا تكلم نفسهآ :
وحاولت تنآم. لين مانامت
الصباح
أم ريم: ريم يلآ حبيبتي هذآ آول يوم لك بالجامعة مايصير تتآخري
ريم: طيب ماما
قامت ريم وهي تشوف الغرفة من ..إلى
ومازآلت منصدمة من الحلم
فتحت دولاب الملابس وراحت تلبس وتكشخت
وهي نآزلة من الدرج
سعود: بدري.. يلا افطري بسرعة عشان انا اتأخرت
سعود )اخو ريم الكبير رابعه جامعة شاب فرفوشي كل شي عندو فري كل همو الصياعة والدشرة
وانه يتخرج من الجامعه بأي طريقه
لأنه بمسك احد معارض ابوه للسيارت
سعود قمة في الجمال من غير ما يبتسم شفايفو تسحر من غير ما يغمز نظرته تجذب
ريم:خلآص بس شوية
سعود: ترآ اروح وآخليكي
ريم: اقول فكني
سعود بنظرة تكبر: طيب
أم ريم:يلا ريم تعالي افطري
ليآن:كلو ليم ليم ليم مافي ليآن ..ليم يعني ريم بس بلهجة الصغآر ههه
الكل: ههه
.. ليآن اخت ريم الصغيرة 4 سنين تحب ريم اكثر من امها تعشقها لين ما غارت ام ريم من ريم لحب ليان لها
ريم: يآغيورة
الكل جلس على طاولة الطعام يفطر
سعود: ريم يلا ترى والله مرة أتأخرت بروح للشباب اول بعدين بروح الجامعة
الأم: ياسعود خليها تفطر وتخلص اول
ريم: لا خلاص ماما انا خلصت انا كمان اتأخرت
ريم وسعود وهم طالعين : يلا بآآآي
ليآن: ليم
ريم: هلا عمري
ليآن : نثيتي بوثة الثبآح
ريم: اوه يلا فينهآ
ليآن :اموآآآآآآآآآح الله يخليكي خليني ادي معاكي
ريم: يا حبيبتي والله ما ينفع
سعود: يلا خلصوني ليان روحي عند ماما بسرعة
وصلو عند جامعة ريم
سعود : يلا ياحلوة انزلي عآد هذآ آول يوم لك بالجامعة
ريم وهي ميته رعب: سعود والله خايفة خلاص رجعني البيت
سعود: هيا لعبة ..وبعدين خايفة من آيش ؟. انتي بس راح تلآقي بنآت متوحشآت يرعبوكي
ترآ يتكلمو عن بنات الجامعة مرة مو طيبين
وبالذات جامعتك
ريم بصرآخ : آنآ نآقصتك تولعهآ بدآل ما تطفيهآ
سعود وهو يضحك: يآحرآم اول مرة أشوفك من جد خآيفة..يلا انزلي انتي مورايحة بيت رعب
ريم: طيب ادعيلي
سعود:يآرب تتزوجي وتفكيني من مشوآر الجامعه ههه
ريم: طيب ياسعود وهذا لسة اول يوم
سعود يضحك
ريم: اضحك اضحك آيش عليك انت يلا باي
سعود : بايات انتبهي على نفسك
ريم اول ما دخلت الجامعة وشافت البنآت:
طبعآ لأن ريم كانت متكشخة وطالعة قمر وهي من غير شي تجنن جمالها طبيعي جمالها رآيق كل شي فيها نآعم
كانت لآبسة تنورة جنز وبلوزة فوشي واسود
وتاركة شعرها الأسود الطويل اللآمع مفتوح
وحاطة روج فوشي وكحل اسود
وكانت مرة نآعمة جذبت آنظآر البنآت اول ما دخلت
ميرآ: ريم وحشتيني
ميرآ من آغلى وآعز وأفضل صديقاتها وتكون لها اكثر من اخت لأن ريم ماعندها اخت غير ليان
ريم: وانتي اكثر ياعمري
ميرآ: ليش اتآخرتي
ريم: والله هذا سعود جالس يستهزء بيا
ميرآ اول ما سمعت اسم سعود راحت في عالمه وريم جالسة تقولها كل الي صار وهي مو معاها
ريم: ميرآآآآ
ميرآ بفجعه: هآآآ ..آيش؟؟
ريم: لا والله انا متعبة حالي وبقولك ايش الي صار وانتي ولا معايا
ميرآ : لا بس ..
ريم: يلا بس يلا
وفي وقت البريك
ميرآ : انا جوعآنه تبغي اجبلك معايا شيء
ريم:ياريت
ريم سرحآنه في الحلم الي ماغاب عن بالها
ميرآ: ريم جبت لك كابيتشينو اعرفك تموتي عليها وجبت لك كاروسون
ريم ولا معاها
ميرآ: ريم..ريم بصوت عالي
ريم: آيش
ميرآ :ريم انتي مو معايا .. ريم انتي فيكي شي انا من اول ماشفتك ماكنتي طبيعيه
ريم: ساكته
ميرآ قربت من ريم: ريم حبيبتي آيش فيكي والله قلقتيني
ريم صارت تبكي
ميرآ حضنتها : ياعمري لآ تبكي
ولأن ميرآ قلبهآ رقيق اول ما تشوف احد يبكي تبكي معاه وصارت تبكي مع ريم من غير ما تعرف ايش فيها
ريم:حلمت حلم مرة يخوف
ميرآ وهي تمسح على شعرهآ: ياعمري كلنا بنحلم..ان شاء الله خير
ريم: لالا هالمرةفي ماما وبابا .. وسكتت وصارت تبكي
ميرا: ريم اترجآكي لاتبكي كده تخليني ابكي معاكي ..كملي آيش صار
ريم: شفتهم وهم كلهم دم وصارت تبكي بصوت عالي لين خلت كل البنات يطالعو فيها
ميرا: ياعمري انتي .. مو كل الأحلآم تتحقق اهدي واحكيلي الحلم من اوله
ريم:قمت من النوم على صوت رعد قوي وكانت البلكونه مفتوحة جريت وسكرتها
وحكتلها الحلم لين وصلت عند الظل الي شافته
ريم: من ظله جذبني ..فتني
حبيت اشوفة بس لما دخل الصاله خفت
رحت لماما وبابا..... وهنا ريم صارت تبكي
ولما فتحت الباب لقيتهم مغطين بالدم وماقدرت ريم تكمل
حضنتها ميرا: ياعمري هذا كابوس لا تشيلي في بالك.. يلا كملي
ريم: طلعت على غرفتي ابكي وحاولت انام بس فجأة تنفتح البلوكه بكل نعومه ويدخل هوا بارد
وشفت ذآك الظل مرة ثانية
ولأنه جذبني قلت ابغى اشوفة رغم اني خايفة منو واول ما خرجت للبلكونه
شفت شيء بحياتي ماشفته شفت اجمل مافي الكون
شفت شي ما ينوصف
الي شفته كان ملآك
لاتوصيني { احلم } فيك مره
انت حلمي وانا { صاحي } و { نايم }
ميرا: ياعيني ياعيني
ريم:الي شفت ظله شفته على حقيقته
كل ما اقوله شيء يقولي احبك
وبدآ يبتعد عني بس من كثر ماجذبني حسيته مني وفيني
ماكنت ابغاه يبعد عني...بس لما بعد عني قلت له:آحتاجلك لا ضيق الوقت صدري
وقالي: لا تنسيني
مُسّتَحِيِل أَتّخًيَ لٍ الدِنّيَآا بَلآكٍ ..
أَن تٍ لِيِ مَادَامٍ لٍيٍ قَلّبٍ خَفُوٍقْ ..
جًآآكٍ قَلّبِ يٍ بِالهَوٍى مَلّيَآنٍ جَآاكٍ ..
وِإِجّتِمَ عٍ حُبَكْ وٍدَمِيِ بِالعُرُوٍقِ
ريم:ورآح وياريته ماراح اول ماراح صرت ابكي ودخلت غرفتي
حسيت بضيق والم
وبعدهآ صحيت
ميرا : الله الله
ريم: ميرا انتي مو فاهمتني آنا خايفة
ميرا: وخايفة من آيش اكيد هذا فارس احلامك
ريم: ميرا انا خايفة يتحقق الحلم
ميرا : طيب وايش يعني إذا إتحقق
ريم: وماما وبابا وصارت تبكي من جديد
ريم:ميرا انا اليوم الصباح صحيت على صوت رعد وكانت البلكونه مفتوحة وقمت اجري سكرتها
وكنت خايفة ونفس الي صار في بداية الحلم صرلي
يعني الحلم تحققت بدايته
انا خايفة يآميرا انا خايفة
ميرا وهي خايفة ان الحلم من جد يتحقق : حبيبتي اكيد تتخيلي إنشاء الله ما يتحقق شيء
ميرآ:حبيبتي ريم شيلي كل هذا من راسك ويالله قومي معايا
ريم: ماراح تحسي فيني
ميرا : خلينا دحين من هذا ماقلتيلي كيف الجامعة احلى من الثانوي ودوختها صح
ريم وهي تمسح دموعهآ:يعني
ميرا : لا والله مو يعني الا احلى بقوة
ريم: آكيد راح تعجبك عشان بتآخذي راحتك
ريم وهي تدق على سعود: سلآم
سعود:وعليكم السلام هلا
ريم: خلصت دوام؟؟؟
سعود:مين قال اني حضرت اصلا
ريم: ياويلي انت بتجنني انت مو خايف هذي اخر سنه خلاص
وبعدين يا مفتري هذآ اول يوم
سعود: والله الإجازة كانت نآقصة يوم
ريم: حسبيا الله على ابليسك اقصد اباليسك
سعود: من اباليسي
ريم: هالشلة الي معاك
سعود: ايوآ والله هذولة اباليس
ريم: يلا يلا تعال بس
سعود: خلاص اوكيه
برا الجامعه
ريم: ميرامع مين بتروحي
ميرا : مع بابا بس مدري ليش ما بيرد عليا
ريم: خلاص مو لازم تعالي معايا سعود يوصلنا
ميرا لما سمعت اسم سعود تنحت :هآ
..[ مليت من كثر السؤال : مشتاق لعيونك تعال
لا جيتني كل الوفا و اللي هجرني لك يعود
و الدنيا تضحك لي وفا و انسى معك كل الوجود ..!
ريم: آيش هآآ بقولك تعالي معانا
ميرا في نفسهآ: انا لما اسمع اسمو مدري ايش يصير فيني لو شفتو ممكن تجيني سكته قلبيه
ريم: ياحلو
ميرا: لالا خلاص بدر دحين يرد
ريم: يلا عآد تعالي عشان تفكيني شوية من لسان سعود
ميرا: طيب وبدر ..
قطعت ريم كلام ميرا: شوفي سعود جآ يلا تعالي
ريم:سلام سعود
سعود: هلا يلا بس اركبي خليني افتك من هالزحمة
ريم: طيب في ضيفة بتجي معايا البيت توصلها
سعود: من غير ما تشوريني هياتركب من غير موافقتي
سمعت ميراكلام سعود وابتسمت
ريم: طيب يالمغزلجي البنت هنا لا تسمعك
سعود: ريم لو كانت حلوة خليها تجي ولو كانت .. لا تجي
ريم: حسبيا الله على ابليسك
ريم: ميرا يلا تعآلي
سعود لما سمع اسم ميرا حس بشي غريب بس طنش
عندي شعور بحيرتي..
وتغلبتي مره وحدتي..
ودي اجي مثل الطفل احضنك..
وانسى دنيتي..
ريم تكلم سعود: سعود آيش فيك مو على بعضك فيك شي
سعود من اول ما سمع اسم ميرا وهو ما يدري شو صار فيه
سعود: هآ .. لآ.. آنتي ايش فيكي عليا اليوم؟
ريم: لاانامافيني شي
سعود يوقف سيارته: وهذا البيت يلا انزلو
ريم: يلا ميرا
ريم:ميرا آيش فيكي
ميرا: نعم .. لالا بس .. احنا فين؟
سعود : ههه
ريم وهي تطالع في سعود بحقد يعني اسكت
سعود : اوكي
ميرا: معليش سرحت
سعود: لا ولا يهمك
ريم بإبتسامة:طيب يلا تفضلي
ميرا وهي منحرجه من الي صار: طيب ريم عمري لوابوكي بالبيت
ريم: لالا بالشغل
وجلست ريم وميرا طول اليوم مع بعض
سعود بعد ماخلص دشره وجا بالليل يبغى ينام
وهو حاط راسه ع المخده والنور خافت
بْديتْ أغليْكَ وأشْتآق لْحضْورْكَ وْأكرْه غيْآبْكَ
بْديْت أحْسْ أنْآ صْوبْكَ شْعوْر يْهزْ وْجدآنْيْ
أحسْ أنكْ ( أْملُْ رُْوحُْيُْ ) وْرَوْحيْ تسْكَنْ أهْدآبْكَ
أحسْ أنْيَ مْعكَ بْنسْىَ هْليْ وربْعيْ و خلآنْيَ ..
أحسْ الْحبَ مْنثْورْة عبآرْآتْه عْلىْ / بْآبْكَ
أحسْ أنْكَ بتسْعدَنيْ وتْآخذْنيْ مْن أحْزآنيْ ..
تْعآلْ وخلْنيْ أنقْشَ حرْوفْ ( الشْوقَ ) بْ ثيْآبْكَ
تعْآلْ أعْزفْ عْلىْ أوْتآرْ آل سْعآدهْ أعذبْ ألحآْنيْ .. !
جات على باله ميرا
سعود يقول في نفسه:انا عمري كانت محترم مافي بنت ماطالعت فيها وفصلتها تفصيل
شمعنى لما سمعت اسمها وشفتها حسيت ب ... وسكت
ليش ماحاولت اشوفها .آيش الي معني؟؟
وآيش معنى هذآ الأحسآس.. لآيكون....وسكت
في غرفة ريم
ريم وهي تمشط شعرهآ
ياربي ممكن الحلم يتحقق
ممكن يكون كلآم ميرا صح واكون اتوهم
يارب بكون اتوهم وما يتحقق الحلم
بس لو يتحقق واشوف الي شفتو في الحلم
كان اجمل شاب شفتو بحياتي
آآخ لو يكون موجود بالدنيا واقابله
ريم تبتسم :آآآآه
في الصبآح
في السيارة
سعود: ريم
ريم: هلآ
سعود: ريم آ آ آ
ريم: سعود آيش فيك تبغى تقول شي؟
سعود: لالا خلاص
ريم: سعود
سعود: نعم
ريم: يعني ما اعرفك آيش فيك؟
سعود: لا بس حبيت اسئلك. كيف حال ميرا؟
ريم: ياربي الفيلم الهندي الي سويتو عشان تقول كيف حال ميرا
سعود : ريم هوآ مجرد سؤآل
ريم:لا ميرا مآآآآآآآآآآآره تمآم
سعود يطالع في ريم وهومنحرج عشان حس ان ريم حست انو في شي
ع الغدآ
أم سعود: يلا حبايبي الغدآ
جآت ليآن جري : يآثلآآآآآآم رآح نآكل
ابو سعود: حبيبتي انتي يخليكي
سعود: لالا مااقدر على كده
ام سعود:: هذي حبيبة الكل فديتك
اابو سعود: والحبيبة الكبيرة فين؟
اام سعود: والله مدري لا يكون نايمة .. ياقلبي شكلها تعبت اليوم خليني اروح اصحيهىا
سعود: لا أمي أنا بروح اصحيها اتغدي انتي
سعود وهو يدق الباب: رومي يلا الغدآ
ريم: آآآآآآآآه
سعود: وهو مستغرب
يدق الباب مرة ثانية: رومي يابنت
ريم بصوت نآآآآعم: آآآآآآآآآآه
سعود: حس ان ريم فيها شي فتح الباب بقوة ولقى ريم طايحة بالأرض
سعود: ريم... ريم ياعمري آيش فيك ريم ريم قومي
شالها سعود وقام يجري بالدرج
ام سعود: آيش فيه سعود اتأخر
ليآن شافت سعود وهو شايل ريم
ليآن شهقت: ماما ليم آيش فيهآ
ام سعود: بنتي .. سعود ريم ايش فيهآ
سعود: مادري لقيتها طايحة بروح اوديها المستشفى
ابو سعود: سعود بسرعة يلا خلينا نوديها
في المستشفى
لما طلع الدكتور
الأم والدموع بعيونها: طمني بنتي آيش فيهآ
الدكتور: تطمني بنتك مافيها شي بس لأنها كانت مشغولة بشي متعبها او زعلت من شي يعني كانت تفكر بشي مو مخليها مرتاحة
ولأن جسمها ضعيف ماتحمل كل هالتعب لأنها يمكن تكون مانعة نفسها من الأكل
ام سعود: معقولة ريم يكون بالها مشغول بشي وما قالت لي
ابو سعود: المهم انا ارتحنآ وطلع مافيها شي
سعود: الحمد لله خوفتني عليها
ام سعود: طيب دكتور اقدر اشوفها
الدكتور : تقدري تشوفيها
دخلت الأم عند ريم: سلآمت حبيبتي
ريم: الله يسلمك ماما
الأم وهي تحضن ريم وتبكي: خفت عليكي كنتي رآح توقفي قلبي
ريم: ماما لا تبكي ما احب اشوف دموعك وانا السبب انا مافيني شي
ابو سعود: الحمد لله على سلامة حبيبتي
ريم: الله يسلمك بابا
ليآن: ودع في شكلك احثبك متي.. يعني لو متي آنآ آنآم جمب مين
ام سعود:: ليون لا تفاولي على اختك
سعود: تصدقي ياريم
ريم: شو؟
سعود: كسّرتيلي ظهري لما شلتك وجبتك هنا
ريم: لا والله يعني كل الي همك ظهرك
سعود : لا مو هذا همي انا همي الغدآ
ماخليتينا نتغدآ وربي جوعآآآن
الكل يضحك
ريم: لا بالله طيب روح عن وجهي ولا تكلمني
سعود: الله الله اشوف زعلنآ
ليآن: هي انت ثعود وخر عن ليم حبيبتي ليش دعلتها
سعود: اقول روحي انطقي اسمي صح اول شي بعدين تعالي وعاتبيني
الكل يضحك
ريم: حرآم عليك زعلتها
سعود: اشوف انا جالس وبزعل كل الي حولي
ابو سعود: .. تربيتي ههه
في البيت
كانت ريم تاخذ دش والكل بالصالة
ام سعود: تتوقعو آيش الي شاغل ريم
سعود: معقولة يكون الجامعة والتغيير الي صار لحياتها
ام سعود: ما اتوقع
ابو سعود: ليش ما تتوقعي انتي عارفة ان ريم مرة حسآسة من هذي الناحية
وغير كدآ انها فقدت كثير من صاحباتها لما دخلت الجامعة
سعود: انتي فاكرة ايش صارلها لما نقلت من المتوسطة للثانوي وفقدت اعز صاحباتها
ام سعود: بس ماقد وصلت للمستشفى
ابو سعود: لا تشغلي بالك
سعود: طيب ليش ما تسأليها
اام سعود: بستناها هيا تجي وتقولي ولو طولت انا اروحلها
الساعة 3 الفجر
سعود كان صاحي وكان خايف على ريم وآيش الي شاغل بالها
وقال في نفسه خليني اشوفها لوكانت صاحية بكلمها
راح لغرفتها وفتح الباب بشويش
ريم كانت نآيمة وبحضنها ليان
قرب سعود منها ولأن ريم نومها حساس قامت منفجعة
سعود: نامي نامي كنت بتطمن عليكي
ريم: انا بخير انت ليش ما نمت
سعود: ماعليك نامي
وهو طالع ريم نادته: سعود
سعود: هلا
ريم: سعود كنت تبغى شي؟
سعود: لا خلاص الصبآح ان شاء الله
ريم: سعود انت تعرف انا ما اقدر اصبر
سعود:عارفك والله
ريم: يلآآآآآ
سعود: طيب خلاص
ريم: طيب خلينا برآ بالصالة عشان ليان ما تصحى بالقووة نومتها
ياقلبي تقولي اخاف انا وانتي تروحي المستشفى تاني
سعود : يسعدهآ
ريم بعد ما طلعت من الغرفة ورحو للصاله الي فوق: هآ آيش بتقول؟
سعود:ريم انتي عارفة انو الي صارلك اليوم من ايش
ريم: إيوآ لأني ما فطرت كمان انت راح تعطيني نصايح زي ماما وبابا
سعود: لا انا موضوعي مررة مختلف
الي صارلك اليوم كان من التفكير وان بالك كان مشغول بشي مزعلك
ريم انتي عارفة قد آيش آنآ آحبك واخاف عليك
انتي في آيش تفكري؟
ريم: طيب شوية شوية عليا انا مو قادرة استوعب
سعود:ريم.. أمي مررة زعلآنه منك لأنك ماقلتي لها على الي ببالك
ريم: سعود أنا... وسكتت
سعود: ريم .. ريم آيش فيك
ريم صارت تدمع لأنها اتذكرت الحلم وقالت لسعود على الحلم بس ماقالت له على الرجال الي شافته
سعود: ههه دحين هذا الي شاغل بالك
ريم: سعود لا تضحك وتاخذ الموضوع لعب او مجرد خرافة
لعلمك ترى يوم ماقمت من النوم صارلي نفس الي صار باول الحلم
سعود: سكت وقال في نفسة
معقولة ..؟؟َ!!!
ريم وهي تبكي: لا تسكت قولي انه مستحيل يصير اقنعني انه هو مجرد حلم وبنساه
سعود:ريم صدقيني يتتوهمي وبعدين انتي مرة حساسة
ريم: سعود انا بلا ماما وبابا ما اعيش مااعيش
وصارت ريم تبكي
سعود يحضن ريم: ريم لا تقولي كذآ ان شاء الله بيعيشو معانا طول العمر
ريم: ان شاء الله
سعود: يلا ريم روحي نامي بس قبل لا تنامي ابغاكي توعديني انك ما تفكريني بهذا الموضوع نهائيا ..اوكي
ريم: مااقدر ماقدر
سعود: إلاّ تقدري.. يلا اوعديني
ريم: خلاص اوكي
ورآحت ريم نامت وبحضنهآ ليآن
سعود بغرفته وهو على سريره وحاط راسه ع المخده
سعود: معقولة حلم ريم بيتحقق.. انا آيش بسوي بلا امي وابويآ
لآلآ انا بخرف صرت زي ريم
الظهر بعد الغدآ
الأم: ريم... حبيبتي ريم
ريم: جآيآ ماما
الأم: ريم جهزي نفسك الليله عندنا عزيمة
ريم: ليش على فين ان شاء الله
الأم: رايحين عند خالتك عازمتنا ع العشآ
ريم: أم اوكي
لأن ريم تحب الشيىاكه وما تحب تظر للناس بأي شي
طلعت على غرفته وفتحت دولا ملابسها تدور آيش تلبس
ريم وهي غايصة في دولا ب الملابس: يوه مو لاقية شي ألبسه
كلو لبسته مافي شي جديد
بعد صلآة العشآء
ام سعود: سعود انت مالبست يلا لا تأخرنا
سعود: خلاص رايح ابلس
ام سعود: ريم حبيبتي تعالي لبسي ليان خليني اخلص من اشغالي
ريم وهي بالغرفة: ليان حبيبتي تعالي غرفتي
ريم كانت لآبسة بنطلون برمودآ جينز وبلوزة حمرآ تيشيرت وكعب احمر ومسيحه شعرها
ابو سعود: يلا خلصونا ترآ تأخرنا
ام سعود: والله هذولة عيالك انا جاهزة
ابوسعود:سعود .. ريم.. ليان يلا
سعود: انا كمان خلصت باقي بناتكم
ريم ومعاها ليان: احنا خلصنا يلا
هل حلم ريم بيتحقق؟؟
وايش الي بيصير لريم؟؟
ممكن ريم تحب؟؟
ولو حبت ايش بيصير لها؟؟