أحلى حلا بالعالم عن تجربة

هلا ياأحلى فراشات راح أعطيكم أحلى حلا بالنسبة لي سهل ولذيذ بسم الله نبدأ:
المقادير:
1)6 قطع من جالكسي عادي اللي بريالين ونص
2)كيس شعيرية مقلية تلقونه في البقالة بريالين
3)علبة نستلة أكبر حجم
4)كيس بسكويت شاي أولكر أكبر كيس هو مو كيس بس مااعرف كيف أقول اسمه المهم بسكويت
الطريقة:
1)جيبي الصينية وخليها على جنب وهاتي صحن كبير شوي
2)هاتي البسكوت وكسريه بإيدك مو كثير يعني خليه قطع كبيرة شوي
3)هاتي الشعيرية وكسريها بإيدك بعد بس هنا عاد اطحنيها طحن مرة
4)حطي البسكويت والشعيرية في الصحن وصبي عليهم النستلة وابدي حركي بس بشويش عشان ماتكسرين البسكويت .اخلطي اخلطي إلين ماتحسين أنهم اختلطوا مع بعض.
5)حطيهم في الصينية بس الأفضل إنك تساوين الوجه عشان لما نصب الشوكولاتة ماتصير فيه مرتفعات أتمنى تكونون فهمتوا قصدي.
6)الحين جاء دور الشوكولاتة حطي ال6 حبات كلهم في قدر( الأفضل إنك تكسرينهم أول ) وحطي القدر جوا قدر أكبر منه وإملي القدر الكبير موية حارة لازم حارة يعني مغلية وخلي الشوكولاتة تذوب بس حركيها كل شوي. إلين ماتصير مرة سايلة .
7)صبي الشوكولاتة على الصينية وخليه في الثلاجة شوي
8)وبالهنا والعافية
أتمنى اشوف ردود حلوة لأني والله تعبت في الكتابة بس عشان العيون كل شي يهون