أدخلو وشوفوا

مرحبا كيفكم يالغاليات
كلما ضاق صدري دخلت على المنتدى أتسلى وأنسى بس هالمره أنا داخله أفضفض عن نفسي
ويمكن تقولون روحي لمنتدى أفتح قلبك
قبل كل شي ما شاء الله تبارك الله على كل اللي نقصو ومستمرين في النقصان والله يزيدهم يارب ويثبتهم إن شاء الله ,,
ما جاني النوم من ضيقه الصدر بكيت على مخدتي وتبلل شعري بدموعي يمكن البعض يقول سبب تافه بس بالنسبه لي شي معور قلبي
ليتني نحيفه وماعرف للسمنه طريق تعبت وتعبت نفسيتي ماني قادره أسوي رجيم أنقص كيلو وكيلوين وأرجع ما عندي إراده ,, أبدا كم يوم وأبطل ,, وزوجي يبي يتزوج علي عشاني سمينه ما يمر يوم ألا لازم نفس الإسطوانه بس المشكله مو مشكلتي من قبل الزواج وانا سمينه وهو ما شافني وقالو له ان جسمي زين وكان شرطه في العروس اللي يبيها الرشاقه ويقول لو إنك تحبيني كان نحفتي عشاني ,, أنا متضايقه مره معاد أقدر أكتب ما شوف من دموعي
ودايما يقول فلانه نحفت وفلانه نحفت إلا أنتي دبى مدري وش أسوي تعبت نفسيتي من كثر الرجميات
كل أسبوع برجيم شكل
ياصاحبات الإراده القويه كيف أقوي إرادتي ووش أسوي عشان أواصل على الرجيم أنا وزني 90 وطولي 165 يعني يبي لي 30 كيلو و أنقصها وخاصه ما عندي أطفال وانا مفكره في رجيم التمر واللبن
وكم مره أشتركت مع قروبات بالمنتدى بس ما أكمل
الله يوفقها ويسعدها ويرفع مقدارها اللي ترد علي وتعلمني تراي تعبت ولي 3 أيام مصدعه من التفكير والقلق النفسي الله يجزاكم الجنه ساعدوني