أعترافات عوانس حصري بدون رقابه

بسم الله الرحمن الرحيم
السلام عليكم ورحمة الله وبركاته ...
حبيت أبين لكم بعض الأسباب وأثبت للبعض أنكم أنتم السبب بعد الله عز وجل
في عنوستكم ...
تدرون ليش لأن أغلبيتنا بعد سن المراهقه نتأثر بالأفلام ونعيش أحلام رومنسيه
ونخدع نفسنا خدعه تأثر على حياتنا وكل وحده فينا تقول كالتالي :
أنا أبي أتزوج دكتور وهي في بداية العشرين وكل مايتقدم لها أحد ترفض
وبالأخير تصبح عانس وتضع نفسها بموقع زواج وترضى حتى بالهندي .
والثانيه تقول ابي مهندس واللي تقول ابي واحد غني واللي تقول ابي مزيون كيكه
واللي تقول ابي فله بروحي واللي تقولي ابي واحد يوديني اوروبا واللي تقول أبي
أمير واللي تقول خليني أفلها بحياتي بالهياته أروح وأجي وأسافر وبعدين أتزوج .
يعني كل وحده رفضت عرسان في بداية حياتها , والسبب أفلام هنديه !
والأسباب الأخرى كالتالي :
يتقدم الشاب والبنت تقول ها لاهذا موحلو ماأبيه !
ويتقدم شاب أخر راتبه بسيط والبنت تقول ها لاهذا فقير ماأبيه !
ويتقدم شاب أخر في منطقه أخرى والبنت تقول ها لاهذا بعيد انا بفلها بمطنقتنا
أسولف بفلانه واحش بفلانه وترفضه !
ويتقدم شاب أخر موموظف وتقول ها لاهذا من وين يصرف علي خليه يولي يجيني غيره وترفضه !
ويتقدم شاب أخر متزوج والبنت تقول ها لا هذا متزوج ماأصير زوجه ثانيه وترفضه !
ويتقدم شاب مطلق عنده جم طفل وتقول ها لايبه هذا عنده أطفال ابتلش فيهم وترفضه !
ويتقدم شاب وتصكه بمهر 100 الف ريال وهو ماعنده وبعدين ترفضه !
النتيجه ( عوا انس للموت )
المفروض البنت ترضى بالشخص الزين اللي يخاف الله
( أن أكرمكم عند الله أتقاكم ) سواء كان موموظف الله بيسر له بعد الزواج وان كان فيج خير توقفين معاه
وتشجعينه وتعينينه .
بعدين ليش تطلبون المهور الثقيله ماتدرون أن خير الزواجات اللي مهوره قليل .
أن كنتي بتصيرين زوجه ثانيه عادي هو ماتزوج ثانيه الا انه يبي يرتاح يعني يبي وحده يحبها
أويبي زوجه تجيب له عيال وتكون أم وممكن أنتي تكسبينه أكثر من الأولى والشرع حلل ( 4 ) .
وأن كان مطلق وعنده عيال عادي أخذه وأحتسب الأجر في عيال يمكن أنتي ترفضينه وبالأخير
تتزوجين وتطلعين ماتقدرين تجيبين عيال وتطلقين وتقولين ياليتني أخذته.
الفقير واللي دخله بسيط واللي متزوج أنتي ماتدرين يمكن سعادتج تكون معاه .
المهم النظريه واضحه البنت بالمراهقه تبي واحد ملاك توصل فوق العشرين تصير تبي
واحد صاحب مركز وتوصل فوق ال 25 سنه ورفايجها متزوجات تلقينها تبجي بينها وبين نفسها
تبي حب ومحتاجه احد بجنبها توصل قريب من الثلاثين تعرض نفسها بكل مكان حتى بالنت .
بالنهايه تزوج أردى شي منو السبب طبعا هي من بعد الله عز وجل .
أرجو الأجابه بكل صراحه :
أبي كل وحده تدخل هنيه تعترف جم من العرسان رفضت ؟؟؟
وشنو أسباب رفضها ؟؟؟
وشنو شعورها وهي سبب عنوستها من بعد الله ؟؟؟
نصيحه للمراهقات وللي أبتدأو في سن العشرين :
( وافقي على أول شخص تشوفين أنه يصلي ويخاف الله مولازم ملتزم مولازم غني
مولازم حلو مولازم موظف مولازم مولازم مولازم أهم شي يخاف الله ويستر عليج ) .
أدعو لي