أفكار لتقديم الهدايا للخطيبك زوجك

هلا اختي
اولا الف مبروك وربنا يتمملك على خير ان شاء الله
ثانياً بالنسبه لاول هديه انا ماافضل انها تكون عطر , احس العطر لاحقه عليه
لازم تكون اول هديه مميزة وتبقى معاه طول العمر ان شاء الله
وصدقيني كل ماكانت هداياكي لخطيبك مميزة كل ماحتكسبي انتي كمان
طبعا حيعرف انك ذويقه ودي الهروج , هدا غير انه حيسير يجبلك هدايا عليها القيمه بنفس مستوى هداياكي له
انا اقولك هدا الكلام عن تجربه
طبعا في الاول لازم تكوني عامله ميزانيه معينه لقيمة الهديه وعلى اساسها يسير تقرري ايش حتشتري
وكمان لازم تكوني عارفه ايش ميول واهتمامات خطيبك وهدا حيساعدك كتير في اختيار الهديه
عشان يفرح بيها
لو تقوليلي كم المبلغ الي حاتطه للهديه ممكن اساعدك باافكار كتيره حسب ميزانيتك
اعطيكي نبدة عن بعض الهدايا الي جبتها لخطيبي ربنا يخليه ليا ويحفظه
مره جبتله جوال ان 95 اول مانزل ,, كان سعره تقريباً 2400
ومره جبتله لاب توب , لانه كان عندة كمبيوتر من العصر الحجري , وكلفني تقريباً 4000
ماتتخيلي قد ايش فرح ماشاء الله
ومره جبتله ساعه فخمه مره روعه من ديبون , علماً انها الماركه الوحيده الي مااتقلدت وكان سعرها تقريبا 3500
ومره جبتله صندوق هدايا كبير وحطيت جوته::
سي دي حطيت فيه اغاني حب مره حلوة كااهداء مني
ومعاها عطر + طقم علبه جلد كغلاف لبكت الدخان ومعاها ولاعه فخمه برضو ديبون
وحطيها كلها في علبه وحده وفوقها اوراق ورد احمر طبيعي , وحطيت العلبه جوة علبه اكبر منها ومن فوقها ورد مجفف ريحته جنان والعلبه جوة علبه اكبر
التغليفه عملتها في بيبر مون الي في البساتين
المهم وارسلت الهديه لبيته , ماتتخيلي قد ايش فرح بيها موت ومره عجبته فكرة التغليفه
انا خطيبي يحب اي شيء يخص التقنيه عشان كدا احب اجبله هدايا توافق ميوله
,, على فكرة اغلب الرجال مايعرفو يختارو الهدايا , يكون الواحد يبغى يجيب الدنيا كلها لحبيبته بس مو عارف
فالمفروض انتي تعلميه بطريقه غير مباشرة , عن طريق هداياكي له
اسفه لكثرة كلامي بس حبيت اقولك تجربتي امكن تستفيدي منها
موفقه ان شاء الله

وعليكم السلام
الهدية تعتمد على زوقك وزوق جوزك
ايش الاشياء اللي يحبها وبناءاً عليها تكون الهدية
يعني ازا يحب الكمبيوترات شوفي احدث البرامج اللي نزلت واعملي له كوليكشن واهديها له
وازا كان يحب البلاي ستيشن اشتريله العاب جديدة
أو ممكن تشتري طقم مكتبي
أو طقم عطور أو ميدالية عليها حرفك وحرفه
او زا يجب الاجهزة ممكن تجيبي له كاميرا
ولا آي بود
ولاتنسي انه تغليف الهدية مايقل اهمية عن الهدية نفسها
وربنا يسعد الجميع

معليش كنت بااضيف كم فكرة كمان للي ميزانيتها بسيطه
ممكن تشتري مجموعة عطر فخمه وتغلفيها بطريقه مبتكرة
وممكن تشتري كوب فخم ويكون افضل لو كان له غطى خزف بحيث تقوليله يحطه في العمل عشان يشرب فيه ويسير يفتكرك في عز زحمة الشغل
ممكن تشتريله طقم كبك مع قلم , طبعا في ماركات تعبر اسعارها معقوله زي ديور و دنهل و قزاز
خاتم الماس رجالي او ساعه الماس , علماً ان في خواتم الماس اسعارها تبدا من 1500 وانتي طالعه
جوال جديد , طبعا في جوالات اسعارها حلوة
طقم كامل للمكتب من هوم بلازا ومن باتشي عندهم فضيات للمكاتب مره فخمه وراقيه وجلديات خاصتاً لو كان متوظف جديد او دوبو مترقي
شنطة للعمل تكون فخمه وماركه
ميدالية مفاتيح تكون ماركة وحلوة خاصتاً لو كان دوبو مشتري سيارة جديده
في فكرة برضها مره حلوة انا قدمتها لخطيبي في اول رمضان وكانت عبارة عن سجادة صلاه حرير مره فخمه وشكلها غير تقليدي , بخرتها عودة ودهنتها مسك ابيض ورشيت عليها عطر مرره كتير وبعدين حطيت جوتها فل وحطيتها جوة كيس لمدة يومينعشان تثبت الريحه
والله الريحه طلعت جنان
طبعاً قدمتله السجادة في كيس فخم وحطيت معاها عودة في علبه مزينه بكرستالات اشتريت العلبه من ستي بلازا
الهديه هدي كلفتني تقريباً 700 ’ بس كانت مره حلوة
ممكن اذا حبيتي تظيفي عليها سبحه فخمه تكون فضه ماشيه على الوان السجادة
انا شفت في قزاز التحليه سبح فضه مره فخمه سعرها 600 بعد التخفيض , كانت ب 1200 قبل التخفيض
سامحيني على كثرة كلامي , بس انا احب اتفنن في الهدايا خاصتاً لما تكون للزوج

هلا حبايبي
بليز الي تقدر تساعدني لاتبخل علي عيد ميلا د زوجي قرب وانا حابه اسويله مفاجئه لانه يدرس برى فابقى هديه غريبه يعني مو مثل الهدايا المعتاده ساعه اوعطر ابقى شي غريب لما يوصل له ينبسط مره بليز الي عندها تعطيني خبر في اسرع وقت وشكر لكم

السلام عليكم ورحمة الله وبركاته،،،،بصراحة أول شي المفروض ينشأ فرع في هذا المنتدى اسمه الفراشات الكسولات وتكون أول عضوة فيه أنا ههه انا كسولة جدا في الرد وبصراحة اقرا وأطلع من المنتدى.... بس ان شاءالله بشد حيلي معاكم،،، وأخواتي الفاضلات حبيت أنقل لكم فكرة طبقتها مع زوجي وعجيته،، لا واستحى بعد منها،،، مرة اشتريت له هدية وكانت عبارة عن ساعة يد ألماس بمناسبة عيد ميلاده وغلفتها، وخبيتها بشنطة اليد مالي، وعزمته على مطعم (تشيليز) واحنا قاعدين قلت له ابي أروح الله يعزكم الحمام ورحت واتفقت مع النادل انه يحط الهدية في صحن تقديم الأكل ويغطيه، وفعلا لما جا وقت الأكل وحطوا الصحن قدامه رفع الغطا واتفاجأ بالهدية واستحى وبعدين استانس،،، الله يسعدكم مع ازواجكم وادعوا لي بالتوفيق في حياتي كلها

حلو الموضوع
مشكورات يالغاليات
اول خلي خطيبي يجيب لي هديه وبعدين وبعدين افكر وش اهديله

وعليكم السلام ورحمة الله وبركاتة
ماشاء الله تبارك الله
البنات ماقصروا معاك ..أفكارهم مره حلوه
بارك الله فيهم....

هلا حبيباتي هذا رابط موضوعي عن الهدايا وتغليفها انشالله يعحبكم والله يحيكيم لأي خدمه
http://alfrasha.maktoob.com/showthread.php?t=357782

تقدري تجيبي شي حلو وبنفس الوقت على قد ميزانيتك
وبعدين اصلا الرجل لما تعطيه هدية ينبسط مهما كان نوع الهدية