ألم الركبه والمفاصل عالجيها بنفسك هنا

السلام عليكم ورحمة الله
اتمنى للجميع الصحه والعافيه من رب العالمين
كثير منا هالايام يشكو من الم الركبه والمفاصل..وصايرين مثل العجايز ..وفشيله عند الزوج اذا بغيتي تقومين من النوم يبي لك ساعه عشان تتعدلين او تقولين قومني .. خ << الرجال بتحوم كبده
الاكل وقلة الحركه والسمنه كلها عوامل تزيد الم الركبه وتتخزن الاملاح والسموم في المفاصل ..
طيب العلاج وشو ..
بتكلم عن تجربتي
كل يوم اقوم من نومي من فراشي لاني على الارض..ما اقدر الا اذا تمسكت بالجدار وشوي شوي الين تلين واقدر افلها واتحرك .
امس الظهر جلست على الكرسي وتفحصت اماكن الالم ولقيت كل جهه من ركبتي توجع حتى من الخلف وعلى الجوانب الداخليه .. جبت عدتي .. اللي هي كؤؤس الحجامه..<<لاتخافون ترى اسمها يخوف والا هي ابد تسليه .
وهذي صور رجل بنيتي آخر العنقود ياربي تخليلي ذا السويداء ههه...تراها نونو بس دبيه
طبعا معي مسحات ومناديل وابره انسولين جديده في قراطيسها
صرت احط كأس الحجامه على مكان الأم واشفط وانتظر دقيقه..وافكها واجيب الابره واسوي وخزات في مكان الشفط ..وارجع اشفط واشوف شوية دم يطلع ..امسحه واشفط واكرر 3 مرات ..الدم خفيف لانه وخز وما يخوف ...
واكرر في كل مكان يؤلم حول الركبه..سويت 6 اماكن في الركبه وواحد خلفها على جنب لان الركبه ألمها منتشر من الامام ومن الخلف ...
المهم اليوم يوم قمت من فراشي ما تمسكت في الجدار خ وما حسيت بالم ولا احتكاك وصرت خفيفه ... ياربي لك الحمد .. ( وتذكرت قول الرسول _ صلى الله عليه وسلم-خير ما تداويتم به الحجامه )
وهذا ينطبق على جميع المفاصل ...وعندي الم بمفاصل القدم وان شاء الله بعد شوي بروح اشفط الالم وانظف مفاصلي من الترسبات
وحنا نتخوف منها ونحسبها تشريح ..لا الم ولا خطر ولا شي ... التهويل اللي يقولونه عن الحجامه هو اللي خلى الناس تهابها ... الرسول صلى الله عليه وسلم احتجم حين آلمه رأسه .. بدون توقيت .. وترى اكثر الاحاديث اللي فيها توقيتات وتذيرات ضعيفه او موضوعه بعد ...
لا تنسون تسمون بالله
صايره افرح القى شي يوجعني عشان اشفطه ... حتى الشفط تحسين معه براحه
واي استفسار حاضرين للغالين