أنت دبدوبه ضايق صدرك من وزنك وودك تفضفضين تتفشلين من الناس وهيك تعالي

اهلين توفي راح افضفض الي بخاطري معك لاني احسك مثلي وضحكتيني الله يسعدك انا معاك

آنا آنا آنآ ويآآآآآآآآآآآآآآآآآآآآآكم
وه فديتك توفي ..
مدري وش آقول << آجل وشوّله طآبه هوون ..
ام ايه بسم الله الرحمن الرحيم ..
رتبت كلآمي <<
الموقف الاول /
آخر مره تحطمت قبل شي 10 شهور ..
قهرني هندي الك .. << مشهد تم حذفه
استغفر الله ..
شفت فستان وعجبني .. قلت آبيه
الا يطآلعني الهندي كذا
لا مايجي مقاس آنتآ
ويروح لآختي يقول لها مافيه مقآس حق هذا << ويأشر علي
وسوّا توسيع للفستآن << نآس تضيّق وآنتي وسعّي
و تقول له آختي مقآس من عند الصدر 105 سم
قآل لآآآآآآآآآآآ هذا مقآس 125 آو 135 سم
!! خير !!
وبعدين سوّا لي 105سم وهو موب مقتنع مآلت عليه
رجعنا البيت وبكره العرس
وآلبسه آقيسه .. الا طلع وآسع شوي من عند الصدر ..
صحيح تضآيقت كون آن العرس بكره لكن اللي ريّحني آني الحمدلله صرت آقل من 105 سم
الموقف الثاني /
آو بالاصح موب موقف قد ماهو مدري وش آسمه ..
المهم ام من النآحيه اللبس الحمدلله آلقى لي بسرعه نسبيه << متعوب عليها
وآطلع كوشيخه بعد على الرشيقآت ..
الحمدلله ماشاء الله ..
بس آحس بآحرآج لما آطلب مقآس
وآنا آقول xxl يا آنّي آتحطم بهاللحظه ..
آو آذا قآل مافيه الا m
آحسه تحطيم .. بقوه وش جآب لجآب الله يهديك ..
اللي ما آسويه من نآحيه اللبآس هو البنطلون .. يعني آهلي مابيرضوش وبنفس الوقت .. آنا ما البس << غصبا عليك
فعشآن كذا ما احس بالمأساه ..
الا لمآآآ آشتري تنورّه .. وآحآول بالسّحآب ومايرضى يسكر .. آو لما آسمع .. صوت ..
شق << صوت السحّاب لما ينقطع ..
يوه تحطيم ياشيخه ..
يكفي آني قصيره ..
بس يلا .. بإذن الله رآح آوصل للوزن اللي آبغاه قبل رجب من عام 1431 هجري ..
الموقف الثالث /
لما تدخلين مكآن وآنتي وآثقه من نفسك << ترى آهم شي الثقه صبآيآ
المهم تدخلين بثقه .. الا تشوفين حرمه تطآلعك كذا
خير آول مره تشوفين وحده دبدوبه ..
آو
تشوفين بزر يسوي كذا
ودي آقوم آصفّقه لما يعرف آن الله حق ..
من زينك يعني وجع يوجع العدوو ..
كفآيه موآقف اليوم
لي عوده مره ثآنيه لتكملة الموآقف البآقيه ..
روحي توفي عسى الله يسهل آمورك ..

الله يوسع صدوركم مثل ماوسعتوا صدري .،
انا اقرب موقف رمضان اللي راح ماخليت ولا موول
يابنات والله كل ماشتري شي لازم يرجع والا اعطيه بنات خالتي
والمشكله انا من النوع اللي ذوقي صعب مايعجبني اي شي
بالايام الاخيره اخوي ارتفع ضغطه قال انا مب شغال عندك رايح جاي ياتاخذين واالا مايصير خير
قلت له خلاص بااخذ اي شي وامري لله واروح محل واستانس اخووي يوم شاف انه بالمحل غرفة قياس قال يلا قيسي كل ملابس هالمحل
مب طالعين لين تشترين وتفشلت قدام راعي المحل وانا كل شوي ابدل اخر شي اخذت لبسه وطلعت برغم انها ماجات مقاسي بس تعبت من فلسفة اهلي
كل يوم مول كل يوم مول
وبالاخير تدرون بوشو عيدت ؟؟
عيدت بقميص نووم
وبعدها قلت خلالاص لازم اسوي رجيم والحين لي كم يوم بدأت فيه ادعوولي اوااصل
تحياتي

شوفي حبي مافيه بنت مو حلوه كلنا حلوات بس السمنه لعبت فينا
اكثر شي مأثر فيني انو اختي كانت دوبا وصارت نحيفه ماشاء الله عليها وامي نحيفه يعني
مافيه غيري دوبا بالبيت قبل كانت المواقف تتوزع بيني وبين اختي بس الحين كل شي علي انا لحالي
اول موقف
اتذكر من قبل كم شهر كان عندنا عزيمه وعمي شافني بالعبايه يسلم علي يحسب اني امي
ويظن ان امي انا مو بس طاح وجهي الا حسيت اني بصيح لهالدرجه مو مبين علي اني بنت
خصوصا هالشي صار قدام عماني كلهم وليته سكت لا كملها وصار يعطي محاضره
عن السمنه وهو اسمن مني .. وجع ماحبه ابد هالدووب كرهته <~ بعدو عنها حقدت
الموقف الثاني
لما كنت مسافره اتذكر فيه اطفال صغار يشحذون واحد منهم قال عطيني وادعيلك تنحفين
ويجلس يدعي لي انحف ويصير جسمي حلو وكل اهلي معي موقف لااحسد عليه بعدها
يومين جلست بالشقه رافضه اطلع من التحطيم
وكثير مواقف منها اللي يقول خاله ومنها اللي يقول مدام وانا لسى آنسه
بس السمنه عطتنا اعمار اجدادنا
تصدقون بنات اذا رحت السوق مع امي وخواتي مستحيل امشي معهم على طول اروح
لحالي عشان ماتحسر على المقاسات ولا اتفشل قدامهم كل شي صغير وكل شي مو زين علينا يالدوبات
مليت من محلات ايفانز وطقته ابي محلات كشخه مو محل معروف
مايدخله الا الدووبات
<~ ودها تصيح من قلب
يسعد لي قلبك ياتوفي
الله ينحفنا من غير شر ونفتح موضوع ثاني بعنوان
<~ هع شرايك فيني على هالعنوان
شووكرا قلبو :$

ههه
هذا حال الكل انا مشكلتي فعلا لما بتصير مناسبة ما احصل مقاسي لفستان السهر ونهههر
يعني اذا ابي اكشخ للازم طلبية من مواقع االانترنت حطي مقاسك واختاري اللون وبعدين يجيك في البريد
لا اله الا الله احس ان حنا مدفنون بالحياة ودي افتح غرفة ملابسي اشوف فيها فساتين السهر تضوي
لكن للاسف ماشوف غير اليشمك وطقته اخذت علي روحي عهد اذا انحف اعمل بالسردب حق البيت بترينات
وحط مقساتي حتى اخذ العضة والعبرة واقول تنذكر ماتنعاديا شينكم ههه
تعبت وانا اصرف على اللبس كل شهر بغير المقاس انفجعت مرارتي ......
اللي يقهرني اكثر لما اروح اشتري جزمه وانتم بكرامه العامل كل يقولي مافي مقاس كبير او يجيبلي مقاس فوق
الاربعين مع اني اقدامي صغيره البس 38 واحيانا 37
وفي مرة وااحد سعودي يقول للعامل مسكين هنعال بتلبسه دبابه واخر عنه خالد بونجا هوهو صاير كانه
بلونه تبي من يفشها والمواقف كثيره لكن هذه الموقف اللي كانه شريط على طول يتكرر
ههه الله يمنى علينا جميعا بااراده وثبات وننحف من غير مرض
يسلموو ي قلبي شكلنا كل يوم جالسين هنا

الله ينحفك حبيبتي بصحه والعافيه والجميع

ههه
والله رهيبات
انا بقولكم موقفي انا مره كنت مع زوجي بالسوق المهم انا ما احبه ينزل معي
لاني انحرح بمقاساتي لكنه اصر الا ينزل المهم دخلت لقسم الكلوتات
وتوقعته بعيد وانا اقلب ابي مقاسي واحصل واحد وانا اخذه المهم الا يد زوجي فوق يدي
يرجعه قال هذا مو مقاسك اهذا صغير عليك انت ........... كبيره
وربي مت من الفشله حسيت اني بقره مو حرمه ومنهاا وانا احول انحف
والموقف الثاني
امي تقنع اخوي بوحده يتزوجها قال كيف جسمهاا قالت انحف من اختك بشوي
طالع فيني متعجب !!
تخيلو وش قال قال لمي انا ابي زوجه تنام جنبي او مصارعه مثل هالدوبه تهي تهي تهي
وربي تحطيم قوي بس ان شاء الله الله ينحفني ياربي

يسلمو على هيك موضوع
بس ان شاء الله برجع لكم ...

السلام عليكم ورحمة الله وبركاته
اعرفكم بنفسي : الرشاقة <<< حلم ماهو حقيقة ...
عمري:21,,, وزني:76,,,,, طولي:158
متزوجة من 3 سنوات عندي بيبي اسمه عبود
.....................
طبعا اختكم طويلة العمر <<< الي اهي انا
لها باع طويل مع السمنه ....
طبعا انا منذ <<<< متعوب عليها
من لما كنت بالمتوسط وزني كان 62 وبداء يصعد خلال سنتين ونص الى 70 وطبعا لاخفيكم اني عريضة وغير كذا سمنتي كلها باكتافي وصدري ..
وطبعا اختكم الكريمه <<< طبعا انا ....
كانت تجيني فترة اشترك رياضة واعمل حمية لمدة 2 او 3 شهوروارجع لعاداتي القديمة وتزوجت ووزني 70 خلال سنه وكم شهر صار 73 ومع الحمل والولاده صار 76 والله يستر من الجاي ...
حياتي سلسلة مواقف ...
الموقف الاول:
انا متزوجه من ولد عمي طبعا ولد عمي كان مخير بين 3 بنات وكلهم بنات عمي
فاهو اختارني انا ومره من المرات كنت ببيت عمي انا وامي اسمع زوجت عمي<<< وحدة من بناتها ظمن الثلاث تقول لامي: بنتك سوت ريجيم لزواج قالت: لها امي ولد عمها يبغى ها كذا ردت عليها بنتها الكبيرة قالت لها شوفيني انا على وزني وزوجي يبغاني كذا تخيلو كان عمري17 صغيرة رحت البيت وقلبتها مناحه على امي <<< حساسه رغم الشحوم المكدسه قالت امي ولاعاد تروحين لهم قبل مايتم الزواج ....
الموقف الثاني :
قبل كم شهر كنت بزواج بنت عمتي وصديقتي العزيزة الا اشوف 2 من الزميلات ايام الدراسه يقولون لي وبعالي الصوت واهم على المنصه وانا تحت البس عباتي على جيت المعرس الرشاقة وش اخبارك وش فيك سمنتي صحيح صرتي حرمه وقامو يضحكون بصوت عالي وانا في ذيك الحظة تمنيت الارض تنشق وتبلعني تخيلو امي وعماتي وبنات عماتي كانو جنبي والكل سمع والله اني نزلت دمعتي وانا البس عباتي ...
الموقف الثالث :
مره من المرات بعد ماتزوجت بكم شهر كنت معزومه عند بيت اهلي على الغداء وبعد
ماخلصنا وانا جايبه الشاهي الا يشوفني ابوي << ابوي من النوع الصريح بعفويه
كان يقول لي اوه يبابا كأنا طلعت لك كرش ليكون حامل وماعطيتينا خبر كان يصير شكلي كذا ...
اه بس اه
صار لي فترة على التخيف والدرج ويارب انحف ...
ياتوفي صحيح فتحتي الجروح بس جد ريحتيني من هم كان على قلبي ...
ربي ينحفك وينحفني وينحف كل وحده تتمنى ...
اختك :: رش رش