أيام زمان تعالوا نضحك

ايام التسدح عند القناة الاولى (ايام زمان)
السلام عليكم ورحمة الله وبركاته
أيام التسدح عند القناة الاولى
خارج نطاق المذاكرة!!!
ارحب باللي يزحف والي يطير ك
موضوعنا اليوم عن القناة الأولى وما ادراك ما القناة الاولى
ياحبي لها بالتلفزيون السعودي ايام الطفولة والبراءة<<<<=== ايام السياكل والفلقات
===>>> خير وش تبي انت اي فلقا
يوم كنت فرفور صغير كنت مغير اتسدح عند التلفزيوون قبل ماتفتح القناة الأولى اشووف الألوان :::
أجلس احتري القرآن يخلص
واذا بدا الكرتون أرووح فيها وتبدأ لعنون تتفتح والسعابيل تزلق ك
المهم وبما اني مدمن افلام كرتون ايام الطفووله ولي ذوقي الخاص
اخترت لكم بعض الافلام اللي حفظتها صم من كثر ما شوفها<<<<== شكلها للحين سدااحي عليها
(( الكابتن ماجد ))
مدري وشلون يتشقلب في الهوا كم قلبه وبعدها يسدد الهدف
ويطيح عالارض ومايجيه شي ماشاء الله
ينعن بليسه كل ماجلست اتفرج على اخوي وهو يلعب كوره وبتشقلب مثله مايمديه يرفع رجله الا وهو هابد عالارض :
والا حركة التوأم منير وأنور اللي كأنهم قرود هههااي<<<== استغفر الله العظيم بس
بس احلى شيء اننا عارفين انه فايز فايز بالمباراه حتى لو بأخر ثانيه يسجل ثلاث اهداف المهم يفوز
بس والله كنت اتحمس معه تحمس مهوب طبيعي واقعد ارفس اللي قبالي ك
نشرت أحد الصحف بأن تسمية الكابتن ماجد بهذا الاسم ..
هو على اللاعب الآسيوي الأول ماجد عبدالله
فلم يجدوا من يستحق أن يسمى عليه أكثر من هذا اللاعب الفذ
هع هع نجي الحين للضحكه
قاموا الي يشجعون نادي الهلال حطوا الكابتن ماجد مع المقاطعه وقاموا يتابعون الكابتن رابح ..
بعد ماعرفوا سبب تسمية الكابتن ماجد بهذا الاسم
.
.
.
.
.
بشار
هالمفهي اسميه ( بيض عيون) جابلي الضغط وانا صغير
على كبر عيوونه امه تمر من جنبه ومايشووفها
وانا عاد من زود التحمس اصارخ اقوله امك ياغبي التفت<<<=== الي يشوفه يقول بيسمعه الحين بشار
والله (90) حلقه وهو يدور امه
وتحذير: لاصحاب القلوب الضعيفة
في حشرة خضرة لابسة باروكة قهوية, ايديها زي السيوف ..تخوف .. الحذر الحذر<<<== هع هع
وهع هع على اغنيته
((( بشار يا بشار هيا الى العمل اجمع ندى الازهار من روضة الامل )))
.
.
.
.
.
سالي
عاد تجيكم سيدة الشاشه الكرتونيه سالي يافديتها
هالبنت قطعت قلبي حته حته من تبدأ الحلقه لين تنتهي وانا صياح واهلي يجون يسألوني
وشفيك من طقك .. اخوك خذ لعبتك..فيك شي يوجعك وانا ماني معهم دموعي اربع اربع
بس كانت تقهرني بشي واحد . .يها اوشونها وهي ساكته ويكرفونها وهي منطمه
ولاعاد تجيكم بنت التسلب آنسه منشن والله انا حاقد عليها هالخايسه<<<<تحمست ك
.
.
.
.
.
.
هايدي
عاد هاذي اللي صدق بعدو عني اذا جت اخش جو بقووه
هايدي فتاة جبال الألب والعنزات والخرفان ياحبي لها هي وبيتر
كلير<<== المشلوله الحمدلله ابشركم مشت ك
وجدها الشديد<<=== بس اخر الايام هجدت شياطينه صار حليل خ
وجدة بيتر العجوز المنتهيه
ولا تهون عنزتها ويكي
بس تقهرني هايدي اذا فصخت الحياء و فصخت فستانها وراحت تطامر مع بيتر فوق التلال
هع هع
.
.
.
.
.
.
عدنان ولينا<<<=== ياعيني عالرومانصيه يانااس وه اروح انا معهم
هذاا عاد للحين عندنا اشرطته
عدنان ذا الي من اول حلقه ماغير لبسه واخر حلقه تكشخ وجاب العيد ك
والا صديقه عبسي<<<=== للمعلوميه عيارة اخوي الكبير يوم انه صغير عبسي لانه هو قدوته في تسريحات
===>>> امحق قدووة ك
والله يا ويل قلبي على المغامرات لولا اصبع رجل عندنان االي كان يكتب فيه ويدخله في خشمه<<<==== هع هع يحووم الكبد
ولينا ذي الحساسه ماهي مثل بناتنا خاليات من الاحساس والدسم ك
وعلام الشرير اكره هو وجهه المربع ك
.
.
.
.
.
الله يالدنيا الحين كبرنا<<<== يا حبنا للحش عاد والتقطيع
مير الحين القناة الاولى مانقرب حولها
طايحين بسبيس تون
المهم مالكم بالطويله بس حبيت اعيد ذكريات الماضي
وايام الطفوله التي لن انساها ولن انسى ابطالها<<<=== لايكثر
وعاد سامحونا على القصور والليمون المعصوور ك
وترى الموضووع ملتوش وسترو على مواجهتوا
اتمنى من المشرفات ماينقلوه من هالقسم
نبي نفرفش ونغير جو