أيش رأيكم في الدخلة هذه

..أرجوان..

12-06-2022 - 06:32 pm

السلام عليكم ورحمة الله وبركاته
كيفكم يا أحلى فراشات
بأستشيركم في الدخلة حقتي
أنا في شبكتي لما أدخل على القاعة في البداية ححط أغنية يا دبلة الخطوبة وأنا واقفة بعدين لما أوصل قبل الممر ححط أغنية جواد العلي ياناس صلو على النبي
إيش رايكم بالله تقولولي رايكم بصراحة أنا أثق في آرائكم
و جزاكم الله خير

التعليقات (8)

..أرجوان..

12-06-2022 - 09:04 pm

بالله كدا يا بنات 26 قراءة و ما احد رد علي
وهذا اللي أنا قاعدة أقول أثق في رأيكم
جزاكم الله خير

mmlo7h

12-06-2022 - 11:06 pm

ربي يوفقك يالغلا
فكره حلوه
بس حلو ان الواحد يبدأ حياته الجديده بدون ميوزك
لانك بتكوني رجااء من ربك انه يوفقك هالليله ..
موفقه يالغلا

rofeen

13-06-2022 - 12:07 am

الله يوفقك بس أعمليها بدون موسيقى تطلع أحلى

فرفووشه المنفووشه

13-06-2022 - 01:08 am

بصراحهانتي طلبتي رايي
حسيت الدخله شويه قديمه
في حاجات احلى وجديده
انا على فكره مفكره باغاني مره قديمه
بس ماهي متداوله في الزفات
بس يادبلة الخطوبه وزفة جواد ....؟؟؟.....

لبانة فروله ^_*

13-06-2022 - 02:09 am

م
يعني حلوه الزفه
بس تقليديه
انا حضرت زواج بنفس الطريقه
بالبدايه يادبلة الخطوبه و بعدها جواد
بس اذا عاجبتك خلاص

سوسو 51

13-06-2022 - 03:10 am

ما تنفع دبلة الخطوبة في الدخلة إلى اذا بتلبسي في البداية ممكن
انا من مكة ومنسقة حفلات اذا تبغي اي شئ يخص فرحك انا في الخدمة
راسليني ع الخاص

فرفووشه المنفووشه

13-06-2022 - 04:11 am

يمكن ما تعجبكي الاغاني حقتي بس لو تبغي تاخدي فكره ولا يهمك شوفي وعدلي عليها لانو بصراحه انا كنتمفكره اعمل ملكتي في قاعه بس ربس ما كتبلي فاتغير كل شي

أخت راكان

13-06-2022 - 05:12 am

انا بسوي زفتي قصيده
مسويه سي دي قصيده
باسمي وباسم زوجي واول الشريط غطاريف
كلويش بعدين مؤثرات صوت حلوة زي البحر والعصافير
والقصيده
الاغاني دوشه راس ولاهو شئ مميز لان الطقاقه
بعد تغني

فزعتكم ياعرايس المدينه تكفون←
للي يتزوجون بالصيف واللي تعرف بالزواجات→