اابغى استشيركم بموضوع تاعب نفسيتي

بسم الله الرحمن الرحيم
السلام عليكم ورحمة الله وبركاته
فراشات ابغى اعلمكم معاناتي مع زوجي واهله
وابغىمشيرتكم
انا متزوجه من سنه وشهر بدايت زواجنا اكتشفت ان زوجي بخيل
وصرت احاول اغيره وصار يصرف علي لكن بعد اربع شهور ولما حملت
تغير علي صار بخيل ولو طلبت منه شي يقول ماعندي ولما اطلب اروح
السوق يتهرب مني هو ماعلى لسانه الى ماعندي لكن يوم اهل يطلبونه
يجيب ولو اظطر ان يضغط على نفسه تعبت معه حاولت اغيره سنه مو راضي
واكتشفت بعدين اهله وخاصتن حماتي تحاول تسيطر علي وتفرض علي حياتها
لكن انا طبعي مو زي طبعهم هم منعزلين لكن انا اجتماعية احب ازور الناس والناس
يزوروني وتتدخل في كل صغيرة وكبيرة بيني وبين زوجي طفشت مو قادرة اصبر هو
بخيل وبخله ماينطاق واهله يتدخلون في انا وهو واكتشفت انه متزوجني طمعان في
مال ابوي لان ابوي ولله الحمد انسان مقتدر ويوم طلبت منه عيدة عشان اشتري قالي
استني لما ينزل الراتب وولدت وبعدها طلبت منه العيدية عشان امي تشتريلي للعيد
قالي ماعندي ولا ريال تعبت وطفشت اشتكيت لامي وابوي ابوي قالي انا اصرف عليك
(جيت باعبد المعين تعين) وامي قالتي هذا نصيبك اصبر البخل مو عيب انا مو كاسرني الى
ولدي اللي مالع الى اسبوعين في الدنيا فكرت كثير مالقيت الا الطلاق حل لحياتي كرهت
كل مااشوفه اذكر بخله وانه متزوجني عشان مال ابوي اتعب زيادة انا ولله الحمد جميلة وهادية
واخلاقي زينة لكن حظي قليل والله كل يوم انظر بولدي وابكي كل مااشوفه بس انا موقادرة اعيش
مع واحد زيه قلولي اطلب الطلاق ولا اصبر واموت بحسرتي ساعدوني الله يفرج عليكم