ااه وااه يابنات قلبي بينفجر مو هم حزن حزن

السلام عليكم ورحمة الله وبركاته
كيفكم بنوتات
يارب طيبين
ادخل بموضوعي
بنات انا الان عمري 23 سنه في ال 24 سنه
بنات انا تزوجت وتطلقت قبل سنتين تقريبا
المهم تزوجت من شخص عذبني الوان العذاب من ضرب لسع بالسيجاره من تدخل اهله بحياتي من خيانه من مبيت بالشوارع مايصلي سئ الطباع بخيل كانه مريض نفسي
كان جدا ولد امه وطلقني الله ينتقم منه جلست سنه مملكه و4 شهور ونصف زواج ومااتحملته من عيشته الضنكه
بنات والسبب والدي انا مااسامحه لا هوا ولا والدتي اول شي لمن كنت بنت كانو يجوني عرسان بالهبل وانا جميله واحمد الله المهم كل ماجاني عريس الوالده ترده
تقول لا ذا راتبه 8000 الاف لا ذا امه بطاله لا دا يشتغل مراسل لا ذا يسكر لا ذا منحرف وكله من عقلها لا ذا فيه عرق هندي لا ذا فيه عرق بدوي وعلى الحال ذا المهم جاني شخص كان راتبه فوق ال 25 الف ريال وكان يشتغل بالخطوط السعوديه الوالد مثل عادته راح ورجع ثاني قال يصلي يصوم ملاك مدحه مدح ماتتخيلون وبالنهايه طلع ماسال عنه لمن وقع الفاس براس قيدي ملكت عليه المهم تزوجت بعد سنه وكان من يوم الفرح بدت المشاكل وانا قلبي انقبض قلت طاح الفاس براس وكانت ايامي اغلبها جحيم في بيتي
بنات اكتبلكم وابكي قهر ابكي وقلبي احسه ينزف دم من القهر والانهيار بنات كان يعذبني طليقي الوان العذاب وامه تدخل واخواته بكل كبيره وصغيره ماتتخيلون لدرجة انه عندها مفتاح شقتي في اي وقت تفك الباب امه وتدخل علينا مع انها مو ساكنه معانا اه ياقلبي بنات انا انحرمت من كثير اشياء
صح انه الزواج برغبتي وموافقتي طيب الوالد ليش خدعني ورماني كذا بس ونفس الحكايه سواها بااختي وانجبت طفلين وخالعت زوجها المهم كانت امه تسوي انها تمزح معي وتضربني بيدها او ترفزني برجلها
وكان اسرار بيتنا على طول بره كنت اجيله بكل الطرق عشان يسكت مافي فايده طفح الكيل عليه صرت اشتكي لابوي يقلي انا راح اجيكي وكان يجيني بيتي ويدلع طليقي ويطبطب على ضهره تخيلو بنات
كان ابوي يصرف علي وقضيلي منزلي مع انه طليقي راتبه فوق ال 25 الف ريال بس زاد الحال اشتكيت على امي امي قالتلي كلمي اخوكي الكبير عمره الان 40 سنه اشتكيله لا حياة لمن تنادي يرخي بوجهي او يعايب عليه طفح الكيل حملت بولدي الله يحفظه ولمن سمع اني حامل مافرحلي وامه تقلي ليش حملتي كنت ابغاكي تحملي بعد 3 او 4 سنوات ليش حملتي وشوي يبنات تضربني وش اسوي طيب ربي اردلي وهوا راضي اننا ننجب في يوم من الايام اتصلت عليه امه واخته وعبو راسه لين داخ وهوا ولد امه وهم يمنه الاصل انقلب عليه واختلفنا بالكلام وحصل مشاداه بيني وبينه وضربني ضرب مبرح ماتتخيلو يبنات وانا حامل بولدي بشهر ونص وخنقني وجلس فوقي كالحصان اه يبنات كل مااذكر المهم والده قلي اطلعي انا اكلم ابوكي ياخذك جاوالدي اخذني من جده لمكه وجلست فتره وتم الطلاق ولله الحمد بنات وبعدها الوالد دمر حياتي كل شوي مشاكل مايصرف عليه ريال واحد والله يبنات اني اجلس بجوعي حتى امي تكرهو ماتبغاه وامي من هنا وهوا من هنا بالمشاكل وعلى راسي انا واختي بنات اتغير علي ضعف الاضعاف يتكلم فيني كلام وسخ مايسال فيني مايعطيني اي شي امرض والله يبنات امرض لوزي الان لها 3 شهور مريضه مااسمع زي الناس شي يبنات صاير فيني ماتتخيلون انا وضعي وضع شحاته متسوله والله يبنات تمر الايام العطش والجوع ببيتنا ولا يدور ولا يسال وبس يقول ماعندي فلوس وهوا عنده راتبه كبير والحمدلله ويدسه تخيلو بنات وازيدكم من الشعر بيت جات اختي اكبر اخت سرقتلي ذهبي ا ااه يبنات ميته قهر تخيلو هيا وزوجها سرقتلي 13 طقم ذهب الذهب حقي قلبي يبنات مفجور يوم عرف ابوي انه انسرق وقلتله هيا وفي اثباتات قلي يوميها ماتبلغي الحكومه وانا اعوضك الكلام ذا من شوال المهم جينا هالايام الحين ابوي ابغى ريال ماعندي ابوي ابغى 5 ريال ماعندي انسو يبنات انه يعطينا ريال واحد انا جالسه بعطشي بعطشي اشرب من الصنبور يبنات تخيلو مكيفي خربان 3 شهور ولا على باله انا وولدي نترمي بصاله قرب المطبخ ولا يسال المستشفى ماعد طبيتها من بعد ولادتي 11 شهر تخيلو كل ماامرض اجلس اترمي والوالد يتعالج بااحسن مستشفى واحسن اكل ولبس بنات انا عهدي على شوال اولت العام طلع بالقوه ابوي 200 ريال قلي انتي وولدك لملابس العيد اخر يوم برمضان وش اسويبها رحت اشتريت لي قمصان ام 10 ريال يعني ابوي متقصدني متقصدني باهالحركات وفوقها يبنات يتحكم في ولدي ولدي الان ابوه يشوفه بالحقوق المدنيه ساعتين تخيلو يابنات انا دبرت من فلوسي حقت الضمان واشتريت كرسي اطفال يركب بالسياره قلت اليوم اللي مااقدر اطلع مع الوالد اودي ولدي لابوه ارسله مع الوالد يحطه بالكرسي ياما اترجيته الوالد يشتري لولدي كرسي راح اشترى لولد اخوي و وبنت اخوي كراسي ياخذهم يطعمهم وانا اتحلله مرو راضي باالاخير اخذت تكسي طعمت ولدي من غير علم الوالد ولو درا يطبق الدنيا بنات قلبي محروق
تخيلو وش سوا الوالد فيني عشان هالفتره مااروح معاه يقوم وش يسوي يعطي طليقي الكرسي اللي بفلوسي بسيارته يقله عشان ترتاح ماتتعب على بال توصل تخيلو يبنات انا بس اعض على اسناني من القهر اعصابي متشنجه الضغط يرتفع الانيميا معي كله من الزعل كله تخيلو بنات جاني يكذب عليه الوالد يقلي العسكري كلمني بالحقوق المدنيه اي شي يجي من ابو الطفل ترجعونه عليهه اي لبس مهول ويصارخ فيني الوالد وانه اضارب مع العسكري العسكري ابن حلال انا دايمن اكلمه في امور ولدي وجدا متفاهم وطيب وعاد
قلت للوالد مايامرني البس ولدي اللي هوا يبغاه انا البسه بكيفي لمن كنت زوجته يامرني وانا قيدي مكلمه العسكري وحكيتله الحكايه قلي والله ياامي ماحصل شي من ذا الوالد بيتبلا عليه تخيلو يبنات طلع اظنه متفق مع طليقي وازيدكم من الشعر بيت اه مادري وش اقلكم عفشي وملابس كلها لسه عند طليقي وانا طلبت انه اخذه عن طريق الحقوق المدنيه لانه يحتوي على طقم 1 ذهب وفلوس واجهزة كهربائية المهم تخيلو طليقي اقنع والدي ماناخذه عن طريق المحكمه يقوم يقلي ناخذه كذا الوالد ومقلوب عليه قلتله مااخذه كذا قلي مااطلعك للمحكمه كله عشان يرضي طليقي بنات والله مظلومه طليقي هوا واخوه جرجروني بالمحاكم لين دخت وظلم ظلم ياناس والله ظلم ربي شاهد ابوي ماحسب حساب انه بنته كيف يجرونها بنات يبي ياخذ ولدي الوالد يحاول بكل الطرق يعطيه لابوه مع انه والدي مابيصرف عليه ريال كله انا استلف ومن الضمان ليش يابوي تسوي فيني كذا ليش وش ذنبي وش سويت ياربي وامي دايره بالعايله كل ماسمعت مشكله من بنات عماتي حلتها وكلمت رجالهم لين تقنعهم يجيبو هدايا لزوجاتهم وانا لمن جيتها ولا حركت ساكن كلهم عيونهم مرسوم فيها الشماته والوالد وش اسوي معاه عاد اي شي مااوافق عليه يقوم يصارخ ويقاطعني ويرخي بوجهي السماعه معاملته سيئه تعبت تعبت تعبت وش اسوي انا كاني كلب انا كلب اكرمكم الله مرميه مالي داعي حسبي الله ونعم الوكيل على والدي ووالدتي مااحبهم تعبت منهم انا يجيني الضمان اصرفه على امي وولدي وانا والله انسى نفسي مامعي ولا ريال مكيفي خربان وصيف والوالد لا حياة لمن تنادي واخواني يحبو انفسهم حسبي الله عليهم يلاقوه بحياتهم انا تعبانه يارب تعبانه امي ماقبلت طليقي الا لانه غني وعنده فلوس لاكن من كثر ماتهرج بالناس ربي فعلا سخرلي بزوج مايصلي ويضربني كثير ويحرقني وهايني ويسهر بالشوارع وامه فعلا خبيثه واخواته لما كانو يتقدمولي المحترمين تقول لاء عليهم ياما جوني ناس فوق محترمين تمنيت اكون بيناتهم بس للاسف للاسف وقعت بيمني خسع مايتمر فيه الخير حسبي الله عليه هوا واهله وخواته يلاقوه بحياتهم يارب يلاقوه ان شاءالله ربنا يقتصلي منهم ومن كل ظالم او ظالمه ظلموني يارب الحين كل مايجيني عريس ارجعه اخاف على ولدي ياخذه مني طليقي والحمدلله سامحوني يبنات اللي حكيتلكم هوا شئ من لا شئ على الله على الله نصرا من الله وفتحا قريب يارب
سامحوني طولت عليكم ذا ولا شئ
الحين ابوي مااحب اكلمه لانه مامنه اي شي بس يكسر بخاطري وينكد عليه وجالس يحب في طليقي بدال مايربيه وابوي كذا سلبي
تمر الايام واحنا بالبيت جيعانين عطشانين لو ماربي سخرلناا الصنبور نشرب مويه كان جلسنا ومتنا وابوي حتى على امي مايصرف ريال واحد ولا منه فايده
وولدي صغير يحتاج لمصاريف لسه عمره 11 شهور على الله وابوه مايجيب دايمن مصروفه ولو جابه 150 ريال بالشهر وش تسويلي طلمني هوا والقاضي جايبه عن طريقه كذب عليه قله راتبي 7000 الاف وهوا كذاب يمين الله كذاب
وانا من مكه دورت وظايف كثيره ولاكن اهلي يبغون نسائيه لا وفوقها معي شهادة ثانويه عامه وليس معي دورات يارب تعبت والله