ابد ما جيت اباركلك ولكن جيت با وصيك

ابد ماجيت ابارك لك ولكن جيت باوصيك
على اللي ناوي تدخل بها الليله معذبتي
ترى لولا الظروف اللي عطت وحدت محاكيك
قسم بالله ماتدخل عليها لو على رقبتي
ولكن النصيب اقوى ولا ادري وش اسوي فيك
نعم صارت معزبتك ولا صارت معزبتي
كذا شاءت بنا الاقدار تحرمني لجل تعطيك
كذا لازم عشان تفوز انت .. آخذ بتجربتي
تراها غاليه جدا وتكفى والله يخليك
تدللها تدلعها تنسيها مصاحبتي
انا من كثر ما اغليها احس اني بديت اغليك
ولا تسأل بأي حق ولا وش مناسبتي
لأنك لو بتسألني بتسمع شي مايرضيك
لذا ياخوي لاتسأل ولاتسمع اجوبتي
ابيك تحطها في داخل عيونك وبين ايديك
وهي دلوعه اعتادت على كثرة مداعبتي
فداعبها شوي شوي حتى تشتهي طاريك
وشاغبها الين تقول لك بطل مشاغبتي
واذا هي مالها خلق لك ولاتضحك ولاتسليك
تحملها واسألها ياعمري ليش عصبتي
وبالك اسمع انك يوم تضربها وهي تشكيك
مايحتاج اوري لك بعين الضرب موهبتي
صحيح انك بتملكها ومعك العقد بالتمليك
وانا عارف حدود الله ومن حقك معاقبتي
ولكن قالها المجنون وصاتي وهو يعنيك
يقول انه بينتظرك ولو شيب وشيبتي
وانا مجنونها اللي ما نساها وانت مايمديك
تغطي ذكرياتي في هواها وربع تجربتي
احس اني تماديت بكلامي والقضب حاديك
لوانك في مكاني ماتفكر في محاسبتي
كفاك اني تركت الليله اشغالي عشان اجيك
دخلت القاعه برجلي ولا ادري ويش عاقبتي
وانا ماجيت اخرب عرسك الليله ولا اذيك
انا جيت عشان اخاطبك واسمع مخاطبتي
توصى وانتبه واحرص عليها والله يهنيك
ترى كل الكلام اللي طلع من ضيقي وكبتي
ولكن ما قدرت اني اقوله وانت ما يخفيك
اخاف اني ان قلته تقوم وتقطع ارقبتي
اتمنى يعجبكم ...** صعب تفهمني **