ايام الثانويه

وحشني شوفة أصحابي وربعي والغلا مستور...
أخبي عبرتي لامن ذكرت بيوم جمعتنا...
تغير قولتي(أبله)وصرنا نقول يادكتور...
نقول(القاعه) يادنيا زمان نقول حصتنا...
جلست بداخل القاعه ذكرت أيامنا بالدور...
وضحكن كان يحوينا ولا تكفي شطانتنا...
نزعل بعضنا أحيان ولكن مانعرف نجور...
ونرجع من بعد زعله ترجعنا صداقتنا...
نحاتي بعضنا دايم ويعجبنا رجل مشهور...
سوالفنا عن الموضه عن الحب وعلاقتنا...
وهذا اليوم قد صارت سنه راحت معاها شهور...
وأفكر كيف هالدنيا خذت منا وناستنا...
أنا مابين ناس أغراب وسط قاعه مع دكتور...
أحاول أخنق العبره وأنا أذكر كل حكايتنا...
سمعة أغنيتن جابت من أقصايا بقايا شعور...
يغنيها علي محمد وهي اعيال حارتنا...
رجا فيها الا دنيا الا ليت الزمان يدور...
ويرجع وقتنا الاول وننعم في بساطتنا...
وأنا رديت في بيتن من الخافق ولامكسور...
أضحي بالعمر كله لجل ساعه بشلتنا...
وأبيع الناس والعالم ومستقبل وراه قبور...
وكلن راح يمشي له طريق يقول:عيشتنا!
أنا مابي سوى لحظه وعلى الفرقا أنا مجبور?
نظيق اليوم من يقدر يبدل وضع ضيقتنا!
ظلامن دامسن موحش أنادي فالخفا يانور?
أبي ربعن ليا من طحت عرفت شلون قيمتنا!
بساطه في فرح دايم غلا صادق وله وسرور؟
نخطط كيف بالكذبه نضيعها دراستنا!
تخرجنا نعم ادري وكلن داخله مقهور؟
فرح لكن مع الفرحه دموع تضم حفلتنا!
بكينا والبكي فينا ولا لحظه ابد مهجور؟
دموعن حرفها صادق وتعرف كيف وحشتنا!
تعرفنا على ناسن جديده والغلا مستور ؟
ولاحدن يوصل لحبن جمعنا وسط شلتنا؟
بصراحه اهديها حق كل رفيجاتي ايام الثانويه ... صج كانت احلى الايام
مع حبي لهم ... صعب تفهمني!!!