ابطل شاورماا

هاي يااحلى فراشات ^_^
انا من عادتي مااواطن ادخل المطبخ
بس اليوم قريت موضوع باحد المنتديات عن طريقه عمل الشاورما وكانت بصراحه سهله وكانت المقادير كلها متوفره عندي
فقلت يابنت ليش ماتتكرمين وتنزلين المطبخ ولو مره بحياتك
وسويتها وبصراحه طلعت مره بطله
وعجبت كل العايله حتى الخدم خ
ونصيحه لاازم تجربونها لانها خطيره طبعا انا سويتها مع الخبز حقها
الكميه تكفي 10 اشخاص
يلا نبدا بالمقادير :
للشاورما :
صدور دجاج حسب الكميه اللي انتي تبينها
نص كاس عصير ليمون
علبه زبادي
بهارات ..... انا كل البهارات اللي بالمطبخ حطيتها بس اللي تخص الدجاج طبعا
ملح وفلفل اسود واذا عندك نوع فلفل ثاني حطيه انا حطيت معاه فلفل احمر حق الخدم اللي ياكلونه خخ
للخبز :
3 كاسات طحين ابيض
كاس مويه
ملعقه كبيره خميره فوريه
شويه ملح
ملعقه كبيره سكر
بيضه
للصوص :
علبه زبادي
3 ملاعق كبار مايونيز
2 ثوم
ملعقتين كبار طحينيه
وممكن تحطون معاه شطه
وللي يحب مخلل وطماط وهالاشياء هذي يحطها بس انا مااحب
نجي للطريقه :
نقطع الدجاج لقطع صغيره مستطيله و نحطه بصحن عميق ونحط عليه الليمون والزبادي والبهارات والملح والفلفل
ونخلصهم مع بعض ونخليهم بالثلاجه لمده 3 ساعات
وبعد ساعه ونص جهزي العجينه عشان الخبز
وطريقتها انك تخلطين الطحين مع الماء والخميره والبيضه والملح والسكر وتخلينهم لمده ساعه ونص عشن تتخمر العجينه
وبعد ساعه ونص يكون الدجاج خلص ثلاث ساعات تطلعينه من الثلاجه وتحطينه بمقلى مع ربع او نص زبده حسب كميه الدجاج اللي عندك
وتخلينه على نار متوسطه لمده ثلث او نص ساعه لمى تحسين ان الدجاج استوى
وعلى بال ماتستنين الدجاج ابدأي بالعجينه واعمليها على شكل كور وافرديها
وحطيها على صاج اذا عندك او مقلى تيفال المهم انه مايلزق
وبعد ماتخلصين من الخبز يكون الدجاج خلص خذي الخبز وادهنيه بالصوص وحطي الدجاج ولفيه
وانا احب احط معاه فرينش فرايز بس في ناس مايحبون انتي وذوقك ^_^
والف صحه وهنا ^_^
بالعافيه عليكم بس لاتنسوني من دعاءكم واللي تجربها تقولنا وياويل وحده تدخل وماترد