ابغى اطباق تصلح للرمضان

اهلين ياعسوله وعليكم السلام
وانتي بألف صحه وسلامه
عندي مكرونه كل ماسويتها تعجب الكل ويطلبني الطريقه
جربيها وما راح تندمي ان شاء الله..بس الله يرضى عليك ماتنسيني من دعواتك بظهر الغيب..
مكرونه اسباغتي لذيذه راح تعجبك وتعجب الكل واعطيني خبر اذا سويتيها
تسلقي مكرونه والكميه على حسب صينيتك..
وع الجنب تاخذي اي خضار عندك وتقطعيها بعد غسلها وتنظيفها(جزر..كووسه..فاصوليا..بطاطس)انا اكتفي بهذي
تقطعيها مكعبات وسط موكبيره ولا صغنونه
وتاخذي طبق صدور دجاج اللي بدون عظم وجلد يكفي طبق واحد للصينيه الوحده
وتقطعيه مكعبات ..
وتكشني بصل وزيت وتحطي الدجااج والبهارات والفلفل والكمون والملح وتتركيها شوي
وتضيفي عليها الخضار اللي قطعتيها وتغطي عليها وتفتحي بين وبين تحركي الين يستوي الدجاج
والخضار..
وتشوفي المكرونه اذا استوت ونشفت مويتها ع الاخر حطي عليها الدجاج والخضار وحركي الين تتجانس
وتكتسب الكرونه لون الفلافل وضيفي عليها (قشطه..3ملاعق مايونيز..4ملاعق جبنه) اخلطيها وضيفيها ع المكرونه
وبعدين حطيها كلها بصينيه وابشري ع الوجه جبنه تشدر او موزريلا ودخليها الفرن من فوق بس تذوب الجبنه
وعليكم بألف عاافيه.

وعليكم السلاام
وهذي احد الطرق
صينية الدجاج بالخلطه السحرية >> وش اسوي فكتاب الطبخ اسمها كذا
المقادير :
بهارات منوعه بما مقدارة ملعقة لكل نوع
كمون / كزبرة / فلفل اسود / بابريكا / ثوم / زنجبيل / كركم / ملح " انا عندي بهارات تكا جامعه الكل
خردل / زيت زيتون / معجون طماط
أفخاذ دجاج ،،
خضار مشكلة مجمده
بطاطس / فلفل أخضر
الطريقة :
اولا نسلخ جلد الدجاج و نعمل فيه ثقوب
و نخلط البهارات مع الطماط و الخردل و زيت الزيتون و نخلطها مع بعض لينما تتمازج
و نغمس فيها قطع الدجاج ونصفها بصينية ،،
بعدها نضيف الخضروات المجمده و البطاطس مع الفلفل الأخضر
طبعا فائدة المجمدات عشان يضيفون شوية مويه ع الطبخه
و ندخلها الفرن يبي لها تقريبا من ساعه الا ربع الى ساعه
بأمانه كذا عمر حد صور من جوا الفرن
بعد ما خلصت الصينيه
و هذي لعيونكم تفضلو لا حد يستحي
اضفت مع الصينية ع العشاء رز ابيض كان من اجمل الأرزات الي طبختها فحياتي

وعندي كمان المنسيه روعه جربيها واحكمي بنفسك..
المقاادير..
2 بصل..4طماطم..2بطاطس كبير..4 فصوص ثوم..2فلفل رومي
دجاج مفرووم(اللي مثل اللحم المفروم)..3ملاعق جبنه سائله..1قشطه
الطريقه..
1..قطعي البطاطس شرائح واقليها
2..كشني بصل وزيت وثووم و2 طماطم وملح وفلفل وحطيها بأرضية الصينيه
ورصي شرائح البطاطس المقليه فوقها..
3..في قدر ثاني كشني بصل وزيت وفلفل رومي وطماطم وملح وفلفل والدجاج المفروم بعد غسله وتنظيفه
وخليه ع النار الين يستوي الدجاج واحطها طبقه ثالثه فوق البطاطس..
واخلط 3ملاعق جبنه ..والقشطه ..واضيفها عليها وادخلها الفرن من فوق النار بس تتحمر ..
وخذي معاها خبز وذوقيها انا واثقه انك راح تدعيلي>>تجن

اعذريني غلاي ماعندي صور لطبخات اللي نزلتهم..
اتمنى تجربيها بنفس المقادير والخطوات سهله مرره ولذيذه..
دعواتك

من جد حتى انا اتمنى القي صوانى حلوه برمضان

ملف متكامل للحلو والمعجنات
http://m002.maktoob.com/alfrasha/up/...2099587696.rar

ربي يسعدكم كلكم ويوفقكم ويكتب لكم الاجر ويحقق امنياتك
وااذا في جديد ارسلو لي