ابغى حل تعبت مره

بسم الله الرحمن الرحيم
كيفكم بنات
طبعا انا عيوني متورمه مره لاني كنت ابكي بكى ماهو طبيعي ,, بنات اتخيلو عندي زوج مايحترم اهلي انا قلتله انو اهلي يقولوا لازم تجو عندنا يوم الجمعه اللي راح من اسبوع ورحت قلت لزوجي قال لا اجليها
قمت كلمت ماما قلتلها خليها الاربعاء قالت طيب وطبعا بابا داري وجا يوم الاربعا فقلتله يلا نروح بيت اهلي زي مااتفقنا
قام قال معليش اجلوها قلتله عيب مايصير والمهم اتصلت على امي وقلتلها اجليها وانا وجهي طايح
قالت خلاص متى تبغوها رحت سألت زوجي قال خلوها الجمعه المهم جا الخميس وقلتله لاتنسى بيت اهلي يوم الجمعه قال ماابغى اتخيلو قد ايش الفشله وكأن ابوي وامي مالهم قيمه
وماجا بيت اهلي وانا كنت عندهم من يوم الاربعاء
المهم طنشت الموضوع وانا قاعده يوم الجمعه في المغرب عند اهلي افتكرت اني شفت زوجي سجل في الفيس بوك من زمان
رحت اخذت لابتوبي وادور على اسمه اللي مسجل به الاقي ضايف اخوانه بصورهم وضايف وحده بنت اتخيلوا يابكيت بكى ماله حد لانها مو اول خيانه ليا قد خانني مع صديقتي اللي مره
انا وهي صاحبات بس هي مااعطته وجه ... المهم دق عليا وقلتله ليش الخيانه قال انا ما ادري عن هذي الصفحه مين مسويها
يمكن انتي تبغي تتبلي عليا او اخوي الصغير يسوي حركات ... شوفو كيف ينكر مجرم
هذا اسلوبه لمن ينكر يحطها في اللي قدامه وانا اقسم بالله عارفه انه هو اللي مضيف البنت في الفيس بوك
لا انا ولا اخوه نتجرأ نسوي كذا وانا قد شفته داخل الفيس بوك بس ماكان ضايف البنت ويقول زومان انه داخل الفيس بوك عشان اخوانه
المهم اتصل عليا وقال متى تبغي ترجعي قلتله ماادري بس اخوي لمن يجي ارجع معه لاني كنت ابغى اخذ اطول فتره اقعد عند اهلي
مع اني كنت نايمه عندهم من يوم الاربعاء
طبعا واضاربنا لانه كان يبغاني ارجع بدري قمت قفلت جوالي وطنشته الا بعد مضاربتنا بنص ساعه جا اخوي من برى كان طالع مع اصحابه وقلتله رجعني بيتي
قال طيب وطبعا زوجي مايدري اني برجع في ذا الوقت المهم واوصل البيت وادخل بشويش واسمع صوت غريب
واجري على مكان زوجي الا الاقي زوجي المصون فاتح قناه اباحيه وقاعه يسوي العاده السريه ولمن شافني رفع
ملابسه من تحت وغير القناه
وانا صرت ابكي ابكي ابكي واقوله مابغاك رجعني بيت اهلي ماابغاك طلقني وهو مطنش
بالله ايش اسوي مع العلم حاول بعد ذا كله انه يتكلم معايا عادي ولا كأن شي صار بس انا رفضت اتكلم معاه لانه كمان
مو اول مره اجي واشوفه في الوضعيه هذي
ايش اسوي بالله لاتبخلوا عليا اقسم بالله خلاص نفسيتي اندمره