ابوي وورق العنب

خذي طريقتي وانا شاء الله تفيدك
تحمسي البصل والطماط ومع ماجي حسب كمية الرز
وتغسلي الرز وتحطي الحمسه وليمون وزيت زيتون
وتخليه ساعه او اكثر قبل اللف
وتلفيه يصف في قدر وتضيفي معجون طماط مع المويه مااتضيفي مويه كثير تروح النكهه على حسب الكميه
وتسكريه بغطاء قدر صغير
وتضغطيه عشان مايتفكك ويقصدر القدر وتخلي النار خفيفه وكل شوي شيكي عليه

حبيبتي انا أختي الكبيره كانت تقول لي سر لمعان ورق العنب أنك لما تخلصين طبخه وقبل التقديم بشوي حطي عليه زيت زيتون وكثري شوي وغطيه وبعدها على طول قدميه وبالعافيه يارب...

السر في جعل ورق العنب طري وحامض هو
دبس الرمان

يااقلبي عليك الله يوفقك ويزيدك بر لو الديك
اتمنى البنات يفيدونك
up

سوي طريقتك المعتادة في لف ورق العنب
بعدين رصيه في صينية فرن فوق شرايح بصل وبطاطس ورشة زيت
وبعدين بس حطي عليه مويه وملح بس وغطيه بالقصدير وحطيه ساعة تقريبا
في الفرن ولعي من تحت
وإذا استوى جيبي كاسه وحطي فيها ثلاث أوأربع حبات ليمون وملح وزيت زيتون تقريبا نص الكاسه
وشوية مويه حاره حركيه وصبيه على ورق العنب وأرجعي غطيه وخليه إلين ينشف وبالعافيه.

يابعد روحي انتن ادري دايمن راعيات فزعه مشكورات وراح اطبق طريقة كل وحده منكن حتى اتوصل للي يرضيه مشكورات

خذي هاذي الطريقة دايم اسويه ويهبل ماشاء الله تبارك الله
المقادير
ورق عنب العلالي كل العلبة افضل ماركة بورق العنب
كاستين أرز أسترالي ( صنوايت )
حبتين كبار طماطم بندوره
حبتين كبار بصل .
ح زمة بقدونس . تقدرين تقولين مقدار اربع قبضات .
ربع حزمة نعناع . قبضه وحده .
شوية شبنت( اختياري ) . مايقارب ربع الحزمه
كأس عصير ليمون
كأس زيت زيتون عصره أولى .
من أربع الى خمس فصوص ثوم أو حسب الرغبه .
ملعقة طعام صلصة طماطم .
مكعب ماجي ( مرقة دجاج)
ورق نعناع مجفف او مفروم طازج تقريبا ملعقه طعام .
ملعقة صغيره بهار حلو .
ملعقة صغيره فلفل أبيض .
ملعقه صغيره قرفه .
ملح .
ماء للسلق .
طماطم وبطاطس .
طريقه :
اغسلي الخضار وصفيه من الماء .
أغسلي الارز
حشوة اليالنجي شبيهه لحد كبير بالتبوله بس بدل البرغل نضيف الرز . لذلك افرمي الخضار ناعم ، شخصيا افضل اقطعهم بالسكين ماحبذ استخدم المكينه .
صفي الرز من الماء زين واضيفيه للخضار . مو ضروري نقع الارز بس أفضل انقعه .
حطي البهارات والملح . ونصف كمية زيت الزيتون ونصف كمية الليمون . والنصف الثاني خليه للسلق
نحضر قدر كبير نسبيا ، ونرص شرائح البطاطس وفوقه شرائح الطماطم . عشان مايحترق القاع .
على فكره الحشوه مليانه سوائل ( زيت - ليمون ) فأفضل اني اصفي جزء منها بالمصفاه عشان ماتعب اثناء اللف ويقعد يقوطر لي .
ونرصها بالقدر
صبي الزيت وباقي الليمون ، وأيضا ماتبقى من ماء الحشوه صفيه وحطيه
نجي للخلطه السريه .
دقي الثوم مع ورق النعناع المجفف او المفروم ( ناعم) ، مهم تحطين نعناع ماتتصورين قد ايش يعطي نكهه مميزه غير كذا يشيل ريحة الثوم القويه .
ذوبي الصلصه ومرقة الدجاج واضيفيهم للقدر وإذا احتاج ملح اضيفي شوية ملح
إضغطي القدر بصحن سيراميك او اي شغله ثقيله . واضيفي الماء لين يغمره
وخليه لين يغلي ، اول مايغلي هدي النار عالآخر ، وخليه ساعه بالتمام.
بعد ماينضج احب اخليه يبرد اربع ساعات او خمس بعدين اقلبه ، بصحن . واصفه بوعاء بايركس او اي صحن بغطى
بعدين آخذ الماء اللي بقى واصفيه وارجع اصبه في ورق العنب عشان يحتفظ بطراوته ولونه الزاهي بالثلاجه لحين التقديم
ولاتنسيني من دعواتك وربي اهلي يوم سويته تهبلوا عليه وقالوا ماعاد نبغى حق السووق سوويه وراح تدعيلي من طعمه وقريب راح اسويه وانزلكم صوره
والله يحفظ اهلك ويجعلك قرة عينهم