ابي احس بحبه لي

Gr0r-0ntha

26-02-2022 - 12:49 am

السلآم عليكم ورحمة الله وبركآته ه....~
كيفكم فراشآت عسآكم منآح ...
بطرح لكم مشكلتي مع زوجي...
الحمدلله زوجي انسآن مثآلي بكل شي
ملتزم .. كريم ..خلوق ..يعني كل شي اتمنآه لقيته فيه
الا الشي المهم عندي مااعنده يآه بالمره ..
ابد مايعرف شي اسمه رومنسيه او اظهآر الحب
مع اني اعرف انه يحبني بس وش الفايده دامه مايبين ..؟!!
مدري هو تكبر ولا شنو.؟
تصدقون من تزوجنآ مافكر يجيب لي هديه ..!!
مع انه ابد مو مقصر معي في لفلوس بس نفسي يجيب لي شي على ذووقه
قبل كم يووم رجعت لشقتي بعد ماخلصت الاربعين
تخيلوو جابني من عند اهلي لشقه وطلع سهر مع ربعه .....!!
احسآسه عدم
ولا جاب لي هديه ولا شي <<~ مأثره فيها هالنقطه
والي قهرني زود انه يجيب لبنووته هديه في العيد وانا امها الي جبتها مايجيب لي شي مع اني مانسيته بالعيد وجبت له هديه
اعرف انه ماعنده خبره في اشياء الحريم بس لوو علبة كاكاوو جبر خاطر
قرب عيد زواجنا الاول ودي اسوي شي بالهلمناسبه
بس خايفه ماايبدي اي اهتماام وانقهر زوود
اه منه ..
المشكله اني ماقدر الوومه لانه مو مقصر علي في اي شي ثااني
ولانه طيب وبسررعه يزعل اذا حسسته انه مقصر معي بشي
:
:
سوري طولت عليكم بس ابي نصايحكم عشان يتغير شووي
ابي احس بحبه

التعليقات (7)

قمر الشرقيه ..

26-02-2022 - 03:15 am

يعني عشان هدايا متضايقه ؟؟
في بعض الرجال مايهتمون من هالاشياء
يكفي انه يحترمك ويقدرك وخلوق ومطوع
//
احمدي ربك غيرك رجالهم دمار
//

نفسي احضنه^_^

26-02-2022 - 04:16 am

عادي حبيبتي
فيه رجال كثير الا من رحم الله ماعندهم شي اسمه رومانسية
يصير يحب زوجتة بس ماعنده قدرة على التعبير
عودي نفسك على هذا الشي ..
انا زوجي نفس مواصفات زوجك .. مايبين انه يحبني ابد
فدربت نفسي على انه اذا مو مقصر معاي باي شي
لايعبر عن حبة مو لازم
والحمدلله على كلامك انتي واثقة انه يحبك بس مو مصرح لك..
هذي نعمه يابنت الحلال ..
لاتدققين وربي تتعبين وهو ولاهمه ..
بس انا لسى ماجاء النونو عشان اشوف اذا يجيب له هديه وانا لا ..
الله يثبته ويجي بالسلامه ..
وانتي على كلامك انه يزعل اذا حسستية بتقصيرة ..
بس اذا تقصيرة بنظرك انه مايبين حبه ..
طنشي ولاتناقشي ..
واحمدي ربك ياقلبي ..
وطبيعي المرأه اكثر عاطفية من الرجل فتلقين نفسك تدققين باشياء هو مو داري عنها
لانها بنظرة مو مهمه ..
ادري طولت عليك بس لاني حاسة فيك وحالتي زي حالتك..
لاتزعلي ياقلبي ...
تقبلي مروري وتعليقي ..
نفسي احضنه^_^

اللهم الجنة

26-02-2022 - 05:17 am

كلام الفراشات مرة حلو بس أبي أقولك أغلب رجال الخليج كذا ما عندهم رومانسية وزوجي منهم لكن مع الإصرار والمحاوله قدرت أغير من طبعه نوعا ما يعني كنت في كل مناسبة أجيب له هدية وأحيانا من غير مناسبة بس أقول تذكرتك وأنا بالسوق مثلا..بين فتره وفتره أسوي حفلة ..لمن طلعت نفاس وما جاب لي هدية انقهرت قمت وريته الهدايا الي جتني من أهلي وأهله بدون ما أقول له ليش ما جبت لي ...طبعا هو حس انه مقصر...دايما أجيب هدايا لأمه وأبه وطبعا أمي وأبوي وأحيانا أقول له من زمان ما أهديت أمك وأبوك وكان يقول مالها داعي عندهم كل شي كنت أقول الهدية تقرب بين القلوب وتحسس الإنسان الي تحبه بحبك وانك تفكر فيه
حبيبتي أتمنى أكون أفدتك دعواتك بس لا تيأسين واستمري بالمحاوله ترى أنا قعت سنوات على ما حققت الي أبيه

مذهلة جده

26-02-2022 - 06:18 am

عادي ياقلبي أغلب الرجال كذا مايعرفون يعبرون
احمدي ربك انه يحبك ويقدرك هذي بحد ذاتها نعمه كبيره

بنت وخلاص

26-02-2022 - 07:19 am

حبيبتي حاولي انك تلمحي له لعل وعسى يعني مثل قوليله وحده من صحباتي مره زعلانه ومقهوره من وحده من صحباتنا طول ماهي جالسه وهي تقول زوجي جابلي جوال زوجي اهداني عطر زوجي وزوجي الله يهديها ماتراعي انه فيه حريم يغاروا لانه رجالهم مايعطيهم هي علشان زوجها مدلعها تسوي كذا كل يوم يخترع مناسبه ساعه ميلادها ساعه يوم زواجها ههه لاتنسي جيبي طاري المناسبه علشان ينتبه بس اهم شي يحس انك بتتكلمي عادي وعلى طول قومي من المكان خليه يفكر بالموضوع
الله يعينك سوي فلم هندي
الله يسخره لكي يارب ويصير قمه الرومنسيه موفقه يارب

ام سُلاف

26-02-2022 - 08:20 am

انتي دايما لمحي له عن الهديه و قيمتها عندك
و قولي سوالف البنات لانه جاب لها زوجها كذا من باب السوال لا يدري انك تلحين
وكمان قولي مشاكل البنات في المنتدى من موضوع الرومنسيه لا تقولين انتي قولي قريت كذا و كذا
والله يسخر لك

اللمسة الخجولة

26-02-2022 - 09:21 am

عادي ياقلبي أغلب الرجال كذا مايعرفون يعبرون
احمدي ربك انه يحبك ويقدرك هذي بحد ذاتها نعمه كبيره

خمس حركا11111ت تحبها المرأه شي واقعي←
احاسيس→