ابي اسمع رايكم

شوفي اختي ..
انتى لازم تقررين على حسب مزاج زوجك
يعني اذا كنتى تحبين تروحين اسواق و مجمعات و تاخذين وقت
و تحبين تزورين صديقاتج و تروحين حفلات اعرس و تتأخرين زوجك يعصب ..
من الأفضل تجيبين لج سواق ؛؛
بس اذا انتى بيتوتيه و ما تطلعين أبد و مشاويرج قليله خليها على زوجك
بس انا والله ما تعلمت سواقه و اخذت الليسن "رخصه سواقه " الا بعد ما طفشت
مع خطيبي لاني احب وايد اطلع و اتأخر في حفلات زواج و عزومات
و خطيبي يرجع من الشغل تعبان و دايخ و ماله خلق يوديني و يرجعني
بس الحين كل شيء اوكي ما يصير بينا اى اختلاف او هواش
و بس

هلا بأهل قطر
شوفي الأفضل ان تطلبين منه يصبر لين تولدين على الأقل الله يقومج بالسلامة
وبعدين ممكن تطلبين منه ان انتي تسوقين هذا اذا ما عندة مانع
انا زوجي هو يوديني ويبني مع ان عندة زامات لكن مرة طلبت منه ان نحط سايق
رفض وقال لي انتي تسوقين احسن علشان السواقين ما وراهم الا التعب والمشاكل
والله هو الصاج الحين الواحد ما يأمن على شي
اتمنى لك التوفيق

يا عمري ديري بالج..
قوليله انج ما تبين تركبين مع السايق بوحكم..لانه حرام..
قوليله بعد الولاده تسوقين انتي وتروحين كل مكان تبينه..

مشكورين اخواتي عالرد..انا قلت اني انا بسوق قالي لا نو واي مايرضى قلت له السايق حرام اروح معاه لانها خلوه قال بجيب لج سواقه فلبينيه ههه
عالعموم انا اقتعنت بكلامج نموله صج هو يتعب من الشغل والمفروض اني اراعيه..وبالنسبه لام مرام وليتيل ومين شرايكم في سواقه فلبينيه؟؟

لا تجيبي سايق لانه دمار للعلاقة الزوجية لانه يبدأ يبتعد عنك شوي شوي وانتي تلهين بخرجاتك وحتى التمشاية تصير مع السايق وبعدين يعطيك مصروف البيت وانتي لوحدك تبدأي تشيلي مسؤولية البيت والعيال و يصير بيتك فندق بالنسبة له ومن هنا يبدأ التفكير بالزوجة الثانية للبحث عن الفراغ العاطفي وهذه تجربة لإحدى قريباتي
ونصحتي لك خلي إعتمادك على الله ثم عليه

هاي سويت .. اهو زين وشين بنفس الوقت
زين انك تنبسطين بروحاتك وجياتك وشين لانه بيعتمد عن السواق ويبعد عن مسؤلياته وانا مجربه هالشي
.. شوفي انتي شاللي يناسبك اذا كنتي مو مهتمه بمشاويرك معاه خليه يجيب سايق احسن وخلصي اشغالك
ورايي السواقه الفلبينيه احسن بكثير ولو في مجال بالسعوديه كان جبت سواقه افضل ..
دمتي بحفظ الله

هلا الغاليات ..اولا اختي الغاليه henhena صح السايق ممكن يلهيه عني لكن انا عقدت معاه اتفاق انه السايق او الفلبينيه راح استخدمهم عشان اروح وارجع من الجامعه لانه الصراحه هو مايقدر يوديني اوقاته وايد مختلفه عن اوقاتي ولو كان بكيفي ماجبته لكن شسوي مع الجامعه؟؟ واتمنى انه الاتفاق يكون جد ومايخلف بوعده..ومشكوره حبيبتي عالمرور والرد الكريم
اختي فجر هلا فيج الغاليه ومشكوره عالمرور ..صحيح كلامج الفلبينيه احسن وانا يوم كلمت زوجي في الموضوع اقتنع وان شالله في اقرب وقت اذا جبت خدامه بعلمها تسوق ..مشكوره حبيبتي على مرورج وردج الطيب

والله انا افكر فيها هالسواقه الفلبينيه
بس المشكله عندي خدامه اندونيسيه ... وهالفلبينيه ما تبشتشتغل لانها بس سواقه ....
عشان جذي احس صعبه اخلي عندي ثنتين وانا ماعندي عيال ...

انا بالنسبه لي ما احبذ فكره السواق لاني احب ان زوجي يشيل مسؤليتنا كامله هو اللي يوديني السوق ومشاوير الزيارات والمستشفيات يعني معاي في كل خطوه (((ولله الحمد)) واذا صار مشغول وانا عندي مشوار ضروري امي الله يسلمها تجي توديني
بس يمكن انا ظروفي غير لاني مخلصه جامعه ومااشتغل وعندي ولدواحد
بس مسأله الفلبينيه انا ماانصح بها لانها بتوصلك الجامعه وبترجع بروحها يعني ماتدرين وين تروح ووين تجي والله مشكله وغير انها راح تقول لك انا مااشتغل بس سواقه