ابي افكار للتطبيق

ممكن تعملي حبل غسيل عليه ملابس وهذه الملابس يكون عليه أوراق الأسئلة والبنت تختار الفستان
أو جذع شجرة وتضعي عليه أوراق صناعية ومن ثم تضعي عليه الأسئلة
**
بامكانك غاليتي فكره
اي بوضع طالبه تكون هي ساعي
البريد وتقوم بتسليم الرسائل الطالبات معينات تكون فيها الاسئله
***

1) لعبة x و o وهي إنك تقسمي الوحه تسع مربعات
كل سطر فيه ثلاث >> مثل لعبة إكس و او
وتقسمين الطالبات قسمين،،
ولكل مربع سؤال،، يختار فريق الإكس مربع وإذا جاوب على السؤال الموجود فيه
يرسم في المربع إكس ، وفريق o يحاول يقطع عليه الطريق،،
واللي يكمل أول سطر هو الفائز >> يعني نفس لعبة x و o بس بالأسئلة
توضيح بالشرح :
بالنسبة للفكرة الأولى ...
1) بداية ترسمين على لوحة كبيرة أو على السبورة الشكل العام كما هو موجود في المرفقات.
2) تقسمين البنات إلى قسمين، بحيث الفريق الأول هو الأو (o) والفريق الآخر هو الإكس (x).
3) يختار الفريق الاول رقم من الأرقام الوجودة في المربعات، وطبعا أنتي تكونين مجهزة
لكل رقم سؤال معين.
4) لما يختار الفريق الأول رقم ، ولنفترض أنه أختار الرقم 5، تسألينه السؤال المخصص
لها الرقم.
5) إذا جاوب على السؤال إجابة صحيحة، ترسمين علامتهم مكان الرقم اللي جاوبوا عليه، مثل ماهو موجود في الورقة الثانية.
6) طبعا الفريق الفائز هو اللي يقدر يكمل خط مستقيم أولا " الورقة الثالثة".وبس.
**
2) طريقة دكان الفصل.. >> ما خذتها من برنامج دكان الحارة
تجيبين لوحة وتعلقين عليها أنواع الشكولاتات والهدايا،
وتقوم وحده من البنات تختار وش تبي من اللوحه >> أكثر شي يحبون الشكولاته
ولكل شكولاته أو هديه سؤال،، يعني بدال ما تدفع فلوس تجاوب على السؤال
الموجود على الغرض اللي تبيه،، إذا جاوبت تاخذه،، وهكذا....

* التطبيق عن طريق الكمبيوتر وهذا إللي يبونه الموجهات .. أه
* التطبيق عن طريق أوراق العمل .
* تسوين مكعب رباعي أو سداسي ملون وعلى كل وجهه سؤال مكتوب واحد من الأوجه
فيه جائزة بدون سؤال ..!! يفرحوا فيه البنات ..
يرمونه في الهوا والوجه إللى يكون أعلى وفيه السؤال يجاوبون عليه .
* لوحة فيها كروت من المكتبة تفتح من جهتين وشكلها يكون حلو.. وترقيمينها من فوقها
بحيث البنات يشوفون الأرقام .. وداخل الكروت ورقتين على بعض فيها سؤالين مختلفين ..
وكوني مجهزة سلة فيها أرقام مكررة .. أو على كيفك لا تكرري الأرقام .. وكل مجموعة
تختار رقم.. وتروح تفتح الكرت وتاخذ السؤال وتجاوب عليه ..
وكمان حطي في كرت جائزة بدون سؤال ..!!!
* لوحة الأبواب من الفلين فيها ستة أبواب .. تقص من ثلاث جهات والرابعة تقص لكن
يبقى ملتصق بالفلينة .. وتزينيها على ذوقك ويكون شكل اللوحة ( حطيت شكل تقريبي لكن ما تنسخ .. مدري ليه..؟؟ )
وتفتح الطالبة الباب وداخلة السؤال والجائزة ..
وكمان حطي في باب جائزة بدون سؤال ..!!!
يحبون البنات هذا الجزء .. ياخذون جائزة بدون السؤال و يطيرون فرحة ..
( يمكن حسب المرحلة العمرية للبنات )
* اللوحة الضوئية وهاذي يسوونها عند الكهربائي بحيث إنه الطالبة إذا وصلت بين
الفقرتين الصحيحة .. تضيء وبعضها فيها صوت ..

هذا الي لقيته ..
وطبعا كلهاا منقووله ..
اتمنى يكوون هذا المطلوب ..
وادعيلي بالنسبه الله يجزاك خير ..

جنان المسك الله يعطيس العافيه ويجزاس خير ويخليس لعينن ترجيس والله اني استانست يووم شفت ردوودس الله يوسع صدرس بالطاعه يارب
والله يوفقس يارب وتاخذين النسبه الله ترفع راسس وراس اهلس ان شاءالله
ومشكوره على هالافكار وبنسخها بوريها لصديقاتي وان شاءالله بناخذ منها وبنطبقها

الله يفرج عليك

انا مثلك ابغى افكار

أبغى أفكار خاصه باللغة العربيه