ابي الجواب هل انا غلطانه

لازم تكوني معاه عايديه بس لما يرجع كلميه بالسياسه لاتكلميه وانتي منفعله

لازم تكوني معاه عايديه بس لما يرجع كلميه بالسياسه لاتكلميه وانتي منفعله

اختي ...حبيبة يوسف...
الله يكون بعونك..ويهدي زوجك...طبعا انتي معاك حق تزعلين..
اذا كل فتره مسافر ويتركك لوحدك واهلك بعيد..صراحه صعبه..
بس انا انصحك تردين على مكالماته عشان يطمأن عليك..
واذا رجع..تناقشي مع زوجك وحطي حدود عشان مايتجاوزها..
ذكريه انه اذا سافر تجلسين لحالك..هو مسئول عنك ..وانتي امانه عنده لازم يحافظ عليك..
(كلكم راع وكلكم مسئول عن رعيته)..تمنياتي لك بالتوفيق..

الله يعينك
انتي ردي عليه بس لاتاخذين وتعطين بالحجي وياه يمكن يحس على دمه
حسسيه انك زعلانه واذا جا تكلمي معاه وفهميه لو صار ماصر بعد الشر عنك شو تسوين وانتي بلحالك
الله يعينك ويهدي زوجك يارب

انا اقول ... لاتردين على مكالماته ...
ولاتستعدين له ...
كلميه ... وتفاهمي معاه ... وحسسيه انج حاطه بخاطرج ...
ولاترظين لين اتحسين انه راظاج عدل وأقنعج بحجج مقنعه ..
ساعتها . اتدلعي عليه وسوي له مفاجآت واتعدلي له ...
بس انا اقول طولي الزعل ...
وعقبها عوضيه ...
والله يعينج يارب .

انا اقول خليج زعلانه عليه لان شغله غلط بغلط انا السنه الماضيه زوجي سافر مصر من غير رضاي ومانعني من اني اطلع مع صديقاتي وقلتله بالطقاق الي يطقك راح اروح غصبن عليك وفعلا يوم سافر واتصل علي قلتله انا طالعه مع رفيجاتي وحتى يوم رجع قلتله ما خليت مكان ما رحت له مع صديقاتي من مجمعات وسينمات عشان اغثه مثل ما غثني بس كشختله يوم رد وتعاملت معاه عادي المهم انتقمت منه والحين نفس الشي ناوي يسافر وقلتله راح اطلع مع رفيجاتي وهو مارضى بس قلته مثا ما انت مو حاط لي اعتبار حتى انا ماراح احط لك اعتبار وكيفك رضيت ولا كيفك بطلع يعني بطلع اخر شي قال لي كيفج بس عاد المره اليايه بطنشه ولا راح اسويله جنطته وحتى اذا رد ماراح اكشخ وراح اتصرف ببرود عشان ما يكررها انتي مو غلطانه ولا شي بالعكس لج حق تزعلين كلميه واذا مافاد كلمي اهلج واهله خل يوقفونه عند حده

الله يصبرك إختي ** حبيت أعطيك وجهة نظري في الموضوع ** أنا مو متزوجة ولا مخطوبة ** لكن الدنيا نورتني على أشياء كثيرة ما لها حدود ** إختي العزيزة ** ما أبيش تتسرعي أو تتهوري ** خذي الأمور بتروي ** ولا بقولك إن تصرفك صح لا مبقولها ** ولا بقول لك إن تصرفه غلط ولو كان بلفعل غلط ** لأن الله أمرنا بطاعة الزوج وإحترامه ** إختي ** ردي على زوجك ردي ** ولما يرجع إتجهزي له وإستعدي ** وأبيش تفتحيله الموضوع معه بعد فتره من رجوعه ** تكوني هيئتي نفسك شو أو الطريقه الصحيحه للمناقشه ** وأبيش تعامليه مثل أول واحسن شوي ** يمكن من أسلوبه معك راح يحس ويندم على أنه تركك لاحالك ** وخلي في بالك إن الرجل طفل صغير كل معاملتيه ودللتيه يصغر أكثر وأكثر ** وهم تذكري إجابياته قبل السلبيات ** وإفتحي معه الموضوع معه بدون عصبيه ولا تكوني مضايقه وبقدر المستطاع لالالالا تتنرفزي ** خليك حكيمه لتكسبي زوجك ** خليه يتأسفلك بطريقتك يعني بالدبلوماسية ** ترى الزوج إذا راح صعب يسترجع *** وأصبري ( إن الله مع الصابرين ) ** وعلى فكرة العناد ماله أي فائدة ** يعني كل معانتي بعاند وكل معملتي فجوه مابينك وبين زوجك بشوف له شوفه خارج البيت ** وآخرتها بلومك وبقولك إنتي السبب ** إنتي إلي خليتيني ........ لأنك كنتي ...... ** مثل هذي المواضيع يبيلها تروي وحكمه ** ميبيلها سرعه وتهور ... ** لأن الوحده منا ملها إلا زوجها يحبها ويرعاها ** وكثري من دعائك في صلواتك إن يصلح من شأنه .... ** صبري صبري صبري ** والله بيفرجها ** وإذا حاب يراضيك ( إن تسافروا مع بعض في السفرة الجايه ) ** وأبيش تحتوي زوجك قدر متستطعين ** والله يسعدك دنيا وآخره وينور طريقك ** وسمحيلي .

انا من وجهه نظري ترا مو رياييلنا اللي ينفع وياهم السياسه والكلام الحلو وهالسوالف في ريايل ماينفعوياهم الا انه تعاملينه بالمثل
ولو انه هالطريقه بعض المرات اكبر غلط بس شنسوي يعني بس انا برايي انه تظلين زعلانه ولوو دق عليج ردي عليه بس كلميه باسلوب جاف يعني لا تعطينه وي وجذبي جذب ابيض يعني قوليله انا صارلي يومين مريضه ماقدر اروح مكان ولا شي انا بروحي واتدلعي عليه شوي ولما يرد خل يصير عندج موقف جاد يعني حاولي تكلمين احد من اهلج او ابووج يكون احسن يمسكه ويكلمه ترا هالطريقه وايد زينه لانه اذا سكتي سكتي راح يمصخهاوايد وتطول السالفه خل ابوج يحاول يكلمه شوي شوي ويبنينله انه انتي بعديه عن اهلج وهو اللي يتحمل مسؤوليتج فهمتي فهمي وحفظي الكلام عدل وانمتي بعد حاولي تتغيرين وايد للافضل مو للاسوا يعني لما يرد من سالفر خل يحس جنه متزوج وحده ثانيه فهمتي يمكن غيري تسريحه شعرج ولونه وطريقه لبسج وطريقه مكياجج فهمتي واذا ماكنتي انتي اللي تطلبين منه ممارسه الحب طلبي منه وخلج جريئه وبينيله انج مشتاقتله وايد وانج مارضيتي تهدين بيتج تحت اي ظرف وانج متمسكه فيه لي اخر عمرج بس اللي تطلبينه منه شويه اهتمام .... وبس انشالله الله يهديه ويهدي ازواجنا كلنا

هلا أختي أنا رايي من راي الاخت هجاوي فعلاً لا تخسرينه لو شو ما كان واتفاهمي معاه لازم تحطي حد لهذا الشيء بالتفاهم وبالعقل مش بالعناد وردي عليه وخليج عادي ولو سألك ليش كنتي ما تردي تحججي بأي حجه حتى ولو قلتي له أنك مريضه كذبه بيضاء والله يعينج أنا زوجي من تزوجنا سافر عني مرتين وهم تايلاند 10 أيام ويوم سالفة الكويت الاخيرة كان رايح من شغله، وطّول شوي بس ، ولكن حسسته أني تضايقة ومن بعدها ما عادها لكن لشغله مش مشكله أما ربعه لا أنا أولى منهم وبالفعل يكفي أني لما ولدت بنتي الاولى كان مش معاي وكان مسافر لشغل برع وكان كل دقيقه يتصل وكان حاشرني بأنه يريد يشوف بنته وأنه متضايق أنه ما كان موجود ورجع لي بعد 5 أيام وجاني على طول لبيت أهلي وايد فرحت بعد ما شفته