ابي انحف بس اعاني من امراض كثيرة

حبايبي كيفكم ؟؟؟
عساكم طيبين واجازة سعيده على كل البنوتات الحلوين
انضم بدوري الى قائمه الدببه
والله اني سويت اكثر من رجيم ونحفت عليهم زمان من 3 سنين كان وزني 107 سويت رجيم مع رياضه نزل وزني الى 94 كيلو في 3 شهور >>>>>>> شوفوا الحماسة
ومن يومها كل ما اسوي رجيم ارتفع ثاني لنفس الوزن بس لاني بسوي رجيمات كيميائيه فاكيد مالها فايده
المهم
مشكلتي الاكبر هي اني اعاني من امراض عديده وفي كمان اعراض مادري اشلون اشخصها !!
اولا عندي فقر دم ولكن بنسبه بسيطه
ثانيا عندي ارتفاع في ضغظ الدم مدري وشلون يجي هو وفقر الدم >>>> ولا عادي والله ما ادري بس كثير يرتفع عندي الضغط ويجيني صداع وآآآآآه من الصداع واوجاعه
ثالثا والنكبه الكبرى عندي قولون عصبي وهذا من زمان يمكن صارلي 8 سنين اعاني منه مع ان توي صغيره يعني ماني بعجوز >>>> لا تشكون فيني عمري 22
وطبعا بسبب القولون كل ما جيت اسوي رجيم يلحقني امساك مره قوي ومن 3 سنين زي ما قلتلكم ونحفت بسبب الامساك اللي سببه الرجيم صارلي شرخ ومن ذا اليوم وانا في عذاب
وطبعا بسبب كل هذا ما اقدر استمر على رجيم معين غير اني لمن اسوي رجيم ورياضه الحين احس صدري مره ثقيل وما اقدر اخد نفس يعني مو نهجان بس احس قلبي زي اللي يقف
واحاول امشي في البيت على السير الكهربا هذا بس المشكله لازم تخفيف في الاكل وانا عاد لا فضيت ادور علطول اي شي اكله واحب اتفنن فيه بعد .
ودي يكون عندي اراده زي الاول ترى والله جايني احباط مره مو طبيعي وكل الرجيمات احاول ابدي فيها وعلطول لمن اجوع اروح واتركها.
انا الحين وزني 97 وطولي175 والدكتور قاللي ان ورني المثالي يكون 82 لاني عظمي عريض وزايد الوزن
بنات الله يجزيكم خير لو في واحده تعاني نفس معاناتي ونجحت انها تنحف لا تبخل علي بالرد وبعرض تجربتها خلونا نشجع بعض
انا عندي استعداد لو واحده حليوه شجعتني برجيم معقول ينحف زين بس المهم ما يكون فيه دوخة لاني ادوخ على الرجيم واحس اني ابي انام ليل ونهار
ادري طولت عليكم >>>>>> قصه حياتي
بس ابي منكم النصيحه والتشجيع والله يوفق كل من ترد علي او ترفع موضوعي او تدعينلي دعوة ولو في ظهر الغيب
ويوفقكم كلكم وتنحفون وكل واحده تصير ملكه جمال