ابي رايكم مكياجي ولون المسكه

احس لو تخلي المسكه كلها احمر مع خضاار وتدخلي الأوف وايت او الأبيض يطلع احلى ...
وتسوي مكياجك الروج احمر والضل اسود وتدخل لك الخضار والوان ترابيه يطلع حلوو

الورد سادة احمر مع اوراق خضرا او ورد ابيض بس فسة انواع للورد اختاري ورد كبير لونة ابيض كلة باوراق خضرا والمكياج اخضر الظل طبعا انا مرة عجبتني وحدة كان كذا مكياجها

والله ماادري محتاره حتى التسريحه ماادري ايش اسوي واصبغ شعري ولى اتركه اسود؟
الف شكر لكم على الرد وننتظر راي باقي البنات

وينكم بنات

شوفي ياقلبي انتي مكياجك راح يعتمد على لون بشرتك
ولون مسكتك وانا اول شي افضل تكون مسكتك لونها ابيض طبيعيه وكيوت واوراق خضرا مرا احلى شي على العرايس وممكن يضيفلك عليها كريستالات او لو لو على حسب المحل اللي راح تعملي عندو
وبالنسبه للميك اب لو كنتي بيضا خلي شعرك اسود وحطي ظل رصاصي واسود ودرجاتو وروج احمر
ومناكير احمر تطلعي كيوت
وكمان في لون حلو شفتو على بنات لو كان فستانك على دهبي يعملو اورانج مرا كمان حلو
وهادا رايي
ان شاء الله ربنا يسعدك ويوفقك وتكوني احلى عروسه
ودعواتك ليا انو مايخلص الشهر الا وانا مخطوبه

مشكوره اختي والله احترت انا شعري اسود وبشرتي بيضاء

انتي كوشتك ايش لونها ؟؟؟؟؟؟؟؟؟؟؟
انا سألتك كدا لانو
انا عن نفسي يوم ملكتي ابغا اسوي الكوشة لونها درجات الموف مع الفضي
ولون فستاني حخليه وردي اللي هوا بنكي
والمسكة راح اخليها على لون الكوشة
تجميع ورود التوليب مع البيبي اوركيد مع ورود الليلك
صدقيني !!
ترى تطلعي مراحلو لانو انو لون المسكة بلون الكوشة
اما انك تخلي لون المسكة بلون الفستان كدا راح يضيع جمال المسكة والفستان
واتمنى اني اكون ماقروشتك ^_^

هلا فيك حبيبتي ومبروك مقدمآآ
أنا أحس اللون الوردي أحلى وكيوت مره
بعكس الأحمر الي أحسه جرئ مره
وأنا أنصحك إذا كنتي تكلمي زوجك تشوفي أيش أكثرر لون هو يفضله ..!
وهذا رأي

والله حبيبتي نصيحه لا تخلي لون كوشتك لو علاقه بمسكتك ومكياجك
ايش دخل دا في دا
ليش تحرقي ع نفسك مفاجاه خلي الناس تكون على شغف ايش راح تعملي لون مسكه وميك اب
والله حتى المسكه الملونه بصراحه مو حلوه وحتى الكوشه كل ماكان ابيض كل ماكان انعم وارقى ولو تلاحظي اغلب الطبقات الراقيه
بيعملو الكوشات والمسكات ابيض
ولو انتي بيضا الاحمر زي ماقلتلك وبالتوفيق