ابي مساعدة اهل الكويت

قوه حجيه
انا برد عليج طالما محد رد
هالدراريع اللي تشوفينهم بمسلسل عديل الروح من عند انسام الخلف المصممة الكويتيه ومكانها فالجابرية مقابل السفارة السعوديه بالضبط انا ادل الوصف لكن ما اعرف اي قطعه بالضبط لكن هي الاكيد في منطقة الجابرية
اما المحلات اللي تبيع دراريع كشخه ومرتبه مثل ما تبين فعندج اكثر من مكان
المجمع الاول وهو مجمع الاوقاف وهو بيبع كل مايطري على بالج من الموديلات بس انا شخصيا ما يعجبني دايما لانه اوفر والوان الدرارييع مو على ذوقي
وعندج مجمع النقرة في حولي كذ محل يبيع دراريع وحليوين
وعندج مجمع الدبوس فالفروانية في محل اسمه السفيرة الشرقيه عنده موديلات شغل عدل بس ما يطلعهم الا للزباين عاد انتي حني على راسه وهو يطلع لج من القطع اللي تيي حبه وحده
وفي بالجهرا بعد بس ما ادلهم عدل اما المنطقه العاشرة والاحمدي اكيد فيهم بس ما اعرف وين بالضبط
وسلامة عيونج

السلام عليكم ،،
تسلمين أختي هناي ع الرد ... بس لي سؤال ؟؟
ممكن تعطينا أسعار تقريبية لهالجلابيات "الدراريع" ،،، تقريبا ً كم ؟؟
وأشكرج أختي

روحي لمجمع العربيد اكيد اكيد بتلاقين طلبك واهو يخيط ويقلد جلابيات المصممات باقل اقل من ربع الثمن بس للاسف يااختي مايفتح بالعيد تعالي قبل بيوم او بعد بيوم والاسعار مابين 10 دنانير الى 30 دينار كويتي

هلا فيك اختي وحياك الله بالكويت
وانا بذكر لك مجمع بعد اللي هو الحمرا موول بالفروانيه فيه جلابيات حلوه
وفي عندك دراريع وبدلات للمصممه الكويتيه عواطف الحاي ومحلها في مجع بلازا بالسالميه
بالاضافه للمحلات اللي ذكروها اخواتي الكويتيات

في بعد مشغل زينيا بشارع فهد السالم وايد حلو ومشغل زوغه على البلاجات عجيب بس شوي غاليين وبيني وبينج احنا الكويتييات اغلبنا نخيط تصميم من مخنا احسنلج وارخص وفيه بعد المعارض اللي مقابل مستشفى الاميري ديفا وكاريزما كل 3 ايام بضاعه جديده وبالتوفيق

هلا هنادي
هههاي حلوه((قوة حجيه ))يعني علشان ابي دراريع صرت حجيه
لول
مشكوره حبيبتي
الف الف شكر لك وعلى تواصلك معي
وكل عام وانت بخير

مشكورة حبيبتي شهد الكويت
بس ما اعتقد اني بقعد مدة طويله يعني مايمديني افصل عندكم
مشكورة ياكل الغلا
وعيدك مبارك

حياك الله اختي سمبوسه
ماقصرتي ياقلبي
والله مو غريبه عليكم يا اهل الكويت طول عمرنا نعتبركم خوات عزيزات لنا
وعساك من عواده