ابي مساعدتكم

السلام عليكم يافراشات
انا محتاجه مساعدتكم بمشكلتي
الصؤاحه مو عارفه من وين ابدا بس لكل واحد مننا اخطاء وقول الرسول الكريم ((رفع عن امتي الخطا و
النسيان))وان خير الخطائون التوابون
راح اقولكم قصتي
انا متزوجه من ثلاث سنوات واخذت زوجي عن قصه حب المهم عشنا اول 6 اشهر مثل العسل بعدين دخل
النت على حياتي وكان يوم اسود
زوجي من محبين االالعاب الالكترونيه يعني مثل البلايستيشن ويحب الكمبيوتر من حط او شبك البلايستيشن
على النت وانا حياتي تدمرت صار يقعد عليها بالايام والله انه كان يروح للدوام مواصل يومين او ثلاثه عادي
مايهمه وبديت افقده شوي شوي
وبعدين جينا على الكمبيوتر صار الذا مايقعد على السوني يقعد على الكمبيوتر وكان يقعد عليه بالايام بعد
يعني اذا السوني مي شغاله يقعد على الكمبيوتر وكذالك الين راح مني الرجال حاولت بشى الطرق اني
اقعد معاه اني احاول اخليه يتركهن ماقدرت لدرجه اني مره خربت البلايستيشن وهو ما يدري راح اشترى
وحده ثانيه وانا بديت احس بالملل والقهر وتكلمت معاه اكثر من مره يارجال تعال اقعد عندي سولف معي
مافي فايده سويت ليالي حمرا وزرقا وخضرا ما في فايده لدرجه اني بطلت اسوي اي شي وصار كل شي
عندي عادي يكون موجود مو موجود مثل بعضه يعني كني عايشه لحالي راح تقولون اطلعي استانسي
طلعت واستانست واهملته مافي فايده هو هو وانا عيشه عند اهله بالبيت وكل وقتي برا عندهم والله
يابنات اني عايشه بجحيم تخيلو تعيشون مع انسان بس جسد من غير روح يعني يعني من يقعد من النوم
يشغل البلايستيشن ويقعد يلعب بها الين ثاني يوم او الين يروح للدوام يجي من الدوام يشغل الكمبيوتر
حتى حقوقي الزوجيه بطل يعطيني اياها على اكمل وجه وانتو فاهمين قصدي...............
بتقولون يمكن يكلم احد او يدخل مواقع مش ولا بد بقولكم لا لانه كل وقته على المنتديات ومنتديات العاب
تختص بالبلايستيشن والالعاب الالكترونيه
بس انا تسلل الشيطان لقلبي واغواني لاني يابنات انا ما عصم نفسي من الخطأ ولا اقولكم صفو معاي لا
وانا عارفه اني اللي سويته غلط بس الشيطان لعب بعقلي
المهم سويت لي ايميل مع اني والله ماعرفت النت الا لما جيت عنده سويت ايميل وضفت فيه شباب وبديت
اسولف وادردش بس والله كلها سوالف عاديه لا دخلت بالحرام ولا من هالكلام ويومها كنت داخله المسن
من جوالي وفعلا اللي قال حبل الكذب قصير نزلت الجوال بالغرفه ورحت اشرب مي من المطبخ وبهدي
اللحظه اخذ جوالي ودخل الايميل وشاف اللي عندي انا من قو الصدمه ما قدرت اتكلم وانا مالي اي حق اني
اتكلم وابرر ما خلى شي ما سواه حرمني من الجوال ما قلت شي حقه حرمني من الطلعات حرمني من كل
شي وظلينا على هالحاله لمده 4 شهور يجيني ياخذ حقه مني ويروح توفى ولد عمتي ما خلاني اروح
اعزي عمتي وبعد 4 شهور سامحني ورجعنا لبعض بس مو مثل اول اكيد ضليت محرومه من اشياء بس
سكت على شان بنتي واللي جاي بطني وصرنا حلوين مع بعض المهم جدي سوا حادث ودخل المستشفى
قلت عاد لازم اروح اشوفه بالبديه ما خلاني بس بعدين قالي روحي رحت لاهلي والحين انا لي اسبوعين
عندهم كلمني او ما وصل لاهلي يقولي ليش تكذبين عليه قلت باي شي كذبت عليك قال انتي قلتيلي
انك بتقعدين بالمطار 4 ساعات قلت له انا ماقل لك كذا قلت لك اقعد يوم كامل عند خالي وثاني يوم طيارتي
قال لا انت تكذبين عليه انتي بس هذا اللي فالحه فيه الكذب وبس وسكر التليفون بوجهي وصار يرسل
رسايل انا فقدت الثقه فيك وانا ما اقدر اعيش معك خلاص خليك عند اهلك ما ابيك هذي مو اول مره يجيب
طاري الطلاق قالها كذا مره وانا والله يابنات حياتي واقفه معاه على كلمه قلت يابنت اعقلي واذكري الله
عندك عيال وحاولت اني اقنعه يغير رايه قالي خلاص الورقه بتوصلك بعد اسبوع وهذا اخر شي بيني وبينك
قولولي يابنات الحلال وش العمل انا بحاله ما يعلم فيها الا رب العالمين شورو علي