ابيه يتعود بس كيف انصحوني

هلا وغلا ومساء الخيرات
ابي استشيركم بشي مضايقني شوي
ودي اتصرف التصرف الصحيح فيه عشان مااندم بس مدري كيف
انا طبعا قريب متزوجه ماكملت سنه وحامل وبعد كم شهر بجيب بيبي والله يقومني بالسلامه
السالفه ومافيها اني بديت اتقضى للطفل انا موظفه وزوجي موظف بس يمكن مرتين طلعنا نشتري له
وانا الي احاسب وماودي يتعود كل شي انا اشتريه اوكيه انا ماراح اقصر على ولدي بس هو بعد لازم
يتحمل المسؤليه ومابيه يتعود اني كل شي انا اشتريه وودي انه يحاسب بس بطريقه ماتبين له اني يعني
قصدي اني مابي اصرف يصرف هو والله جت ببالي افكار كثيره منها يعني اقول انا بشتري الملابس واغراض الصيدليه
وهو السرير والعربه وكذا يعني ولاتقولون لي زي صديقتي قولي نسيت الصرافه مب عذر دايم والمشكله يقول
لي الحين اذا رحتي عند امك اطلعي واشتري بحكم امي عندها خبره بالاطفال وكذا بس ماجاب سيره اني
ابي ادفع والا اي شي واحسه يستغل وضعنا اذا طلعنا للسوق يقول يالله انحن بالسوق خذي كل اللي تبيه
وش رايك نشتري السرير من الحين وكذا وانا عارفه ان كل شي غالي ومااقدر على المصاريف ولمن يقول لي
بنجيب اطفال كثيرين اقول له الحياه غاليه يقول لاتقولين كذا كل طفل يجي رزقه معه
مابي اصير هبله وفي نفس الوقت مو عارفه اتصرف انصحوني تكفون وعطوني افكاركم