اتطلق ولا لا

السلام عليكم بنات ..
بليز تساندوني وتعطوني رايكم انا احترت احترت بين قلبي وعقلي ,, بليز اقروو للاخير
انا متزوجه وعندي بنت عمرها 8 شهور .. المهم انا احب زوجي كثير وهو يحبني بس مشكلته عصبي واذا عصب مايعرف اذا انا زوجته ولا عدوته .. وبسرعه يتسرع في ردة الافعال ..
المهم طلقني مره وكان ضاربني فيها ورحت بيت اهلي ورجعت وانا حامل بعد ضربني وطلقني وبعد فتره رجعنا وطبعا انا البلي ارجع اما انو اقول لاخواني يكلمونه او غيره .. المهم ومره ثالثه بعد ماولدت .. وكانت احد المرات مطلق وكان معصب مره وماكان بوعيه يعني غصب عنه على حد قوله ..
ورجعت له على اساس الطلقه الثالثه مو محسوبه لاني بحثت بالنت وسمعت انو اختلف فيه العلماء وفي حديث ( لاطلاق في اغلاق) ..
تعبت نفسيا رجعت له وانا في هواجيس ياربي هو جد مانحسبت طلقه والا كيف . ياربي علاقتنا هذي حرام الحين
.. ومع هذا اسوي له اللي يبي بس هو بسسرعه يزعل .. ويبيني اراضيه واذا زعلت انا قلبها عليه وزعل هوو ويالله تعالي راضيني ..
المهم صارت عندنا حفله وقلت له بروحها وقال اوك يصير خير .. لين جا يوم الحفله وقلت له خلاص بروح وقال لي لا وقلت لييش انا من يومين اقول لك وانت تقول يصير خير وشكلك راضي .. المهم مارضا وانا كنت ابي ارووح ومتحمسه المهم اني زعلت بيني وبين نفسي .. بس غصب يبين عليك يالبنت ورحت احط له الغدا وقال لي ايه الحين زعلي وعفسيني عشان انا اعفسك .. وهذي الكلمات زادت من زعلي وخلاص وزعلت .. وهو مايحب اني ازعل مو يعني مايحب يجي يراضيني او حبا .. لا بس كذا ليش تكتمين قدام وجهي .. واروح اصلي وطولت بالغرفه وبنتي كان يلعبها وهي بالمشايه .. المهم اشوي واسمع صوت المشايه طايحه من فوق الدرج لي تحت وافز واطير لبنتي اللي طاحت والحمد لله ماصار لها شي .. المهم انه شالها وصار يفر فيها مو عارف وش يسوي وكانها بتموت من البكى .. وجيت له وقلت له بصرخه ليش مانتبهت لها .. ويضربنيويقول زعلانه لي وجالسه بالغرفه مانتبهتي لبنتك ويطيح فيني ضرب سبب لي رضض برجلي وفوق عيني انتفخت وتالمني للحين مع راسي . واتصل علي ابوي تعالة خذ بنتك .. المهم اني رحت . وانا خلاص مابيه مابييه كلا ضرب ضرب .. غير مايمر يوم بالاسبوع مايزعل ويقط كلام وامشي وانا لو ازعل زعله بسيطه ضربني .. والله لو تركتني اشوي بجي لحالي ..
واللي قبلها ضربني مسك شعري وضرب راسي بالثلاجه عدة مرات ورجعت له عشان بنتي .. ومحتاره هالمره ارجع له ولا له .. مع العلم انو اتصل فيني وقام يهذر انتي ماربوك اهلك وراح اطلقك ماتهتمين في بنتك .. ماتاكلينها ماتسوين لها .. وكم مره تطيح .. غير انه وسواس في امر التنظيف يعني مايبي يشوف الشقه معفوسه .. واتعب نفسيا بينه وبين بنتي والشقه والجامعه ..
المهم قلت له انت المسؤوول عن طيحة بنتك مو انا انا كنت اصلي وانت المفروض تنتبه .. وقال لاتقولين اني انا المسؤوول وبنبره عصبيه حاده ويهدد لايصير شي .. ورددتها الا انت المسؤول . وقال روحي يابنت .... انتي طالق .. وسكر ..
كان حده معصب وحسب ماقلالو لي اهله انو يوم سكر منك صار يضرب بنفسه ويصرخ وسووا لين شي ماينتسوا وبعدها طاح مغمى عليه ..
محتاره هل هذا حبا فيني لانه حط في باله انو هذي اخر طلقه وماراح ارجع ابدا ومافي مجال للرجعه ولا خلاص انفذ بجلدي منه ومن ضربه قبل لاجيب اعيال اكثر ..
اكيد بتقولون خلاص كيف تسالين وهذي الاخيره ..
اهله قالو انو جاته شبه الحاله الهستيريا وفي هذي الحاله ماتحتسب طلقه ..
والله ضايعه ومحتااره .. وقلنا بنسال الشيخ .. الحين وش رايكم ارجع له ولا له .. مع العلم اني احبه موت ومو متخيله حياتي بدونه .. بس كل ماتذكر اللي يسويه فيني اقول لا ماراح ارجع له وبضغط على قلبي
مع العلم انو اخذ بنته مني وخلاها عند امه ومسكينه بنتي من ايد لايد من امه لحامتي لمرت حماي يعني ماخلاني اخذها معي بيت اهلي ..