اجهزه تساعدك في رمضان

هلا حبيباتي
طبعا رمضان جاي على الابواب الله يبلغناه
ويجعلنا من صوامه وقوامه يارب
واكيد في رمضان يكثر الشغل والكرف وتصير الوحده يحول ماتدري
وش تبدي
تعجن ولا تطحن بسكوت ولا تكشن ولا تصلح توت
ولا القهوه وتطير بوهتها في المطبخ واخر رمضان تدور شيخ يقراعليها
هذا غير اذا عندها بزر في الاشهر فاتح خشته يصيح يبيها تشيله
وتفزعين بالعيال ولا احد يعطيتس وجه الي نايم والي مقابل النت والي السوني
وتفزعين بالابو يقولتس ابقرا مانيب فاضي لتس
وه قسم خنقتني العبره
المهم
ربي سخر لنا التكنلوجيا اللهم لك الحمد والشكر
ليه مانستفيد منها قد مانقدر خاصه في اوقات الزنقات وتراكم الشغل
حبيت افتح الموضوع وكل وحده تفيدنا بخبرتها
وانا راح ابدا
انا في نظري اهم شي واول شي راح يريحك غسالة المواعين
نعمه من رب العالمين
وغير انها تريح تظف الحوسه والفوضى من على الطاولات والمجلى
الشي الثاني
محضرة الطعام
تبي تختصر لك كثير من الجهد تبي تقطع لك البصل والطماط وتبشر وتفرم وتطحن وتخلط
يعني من جد صدق الي سماها ست البيت
الشي الثالث
العجانه
من جد رهيبه وتضمنين والله الضامن
ان عجينتك ماراح تكون فاشله ودايم الفطاير الي تكون معجونه في عجانه تصير هشه وروعه
رابعا
القلايه الكهرب خاصه الي تكون بمؤقت تريحك من طرطشة الزيت
وعمليه جدا
وجينا هنا
لاهم شي عندي وهو
قدر الضغط
كانه سحر في عشر دقايق يسوي اللحمه الي تاخذ ساعه وكذالك الدجاج
يعني اذا تبي تسوين حشوة دجاج تخلصينها في ربع ساعه
انا الي عندي سب والله كلمة روعه شويه عليه
ونجي بعد كذا
للفرن الصغنن الكهربائي
مرره مريح وسعره رخيص تسوين فيه الحلا والفطاير
او البيتزاء بدال فرن الغاز او اذا كان الفرن مليان ولا الكميه شويه
مايسوا من يشغل الفرن عليها
واخر شي بعد الفطور
مدخنة الكهرب والبخور الزين عقب ريحة الطبخ
اتمنى اني افدتكم لو بشي بسيط
الله يبلغنا رمضان ويجعلنا من عتقائه من النار
لكم وودي وحبي
نقلته لعيونكم يا احلى فراشات
اللي تستفيد ولو بشي بسيط تدعي لوالدي بالشفاءالعاجل
اللهم اشفه شفاء لا يغادر سقما
اللهم اشفه شفاء لا يغادر سقما
اللهم اشفه شفاء لا يغادر سقما