احدث الطرق لإزالة الكرش

للورد نغم

28-05-2022 - 04:19 pm

السلام عليكم ورحمة اللة وبركاته
طبعا الكل يعاني من الكرش وما فية احد سلم من شرها...واولكم انا عشان كذا كل بحث في النت عن الخلطات اللي لها نتايج مذهلة في إزالة الكرش وكل جلساتي مع البنات في العزايم والافراح نتكلم عن هذا الموضوع وخصوصآ اني بنت(يعني لا ولدت ولا حملت)عشان يصير هالترهل وكمان انا مو سمينة يعني عشان تطلع لي كرش...واللة العظيم مضايقتني...
استخدمت الرياضة وملاحظت نتايج مشجعة والرياضة جد متعبة...
داومت على الشاي الاخضر وبرضو مافية فايدة...
اخيرآ نصحوني بالماء الدافئ على الريق مع شفط البطن فترة20دقيقة او موية دافية وليمون او معها كمون..
وانا بصراحة محتارة ابغى اسالكم عن الموية الدافية هل تنفع غي حالتي ؟احد جربها وراحت الكرش؟
العيد جاي يا بنات ما نبي نستقبله
بكروشنا كالعادة....انتظركم

التعليقات (7)

~ ريتاج ~

28-05-2022 - 07:16 pm

وعليكم السلام ورحمة الله وبركاته ،،
أفضل شي للكرش الليمون والكمون بلا منازع ،، حاولي تشربي ثلاثة أكواب أو أربعة في اليوم وبإذن الله خلال أسبوع بتلاحظين إنها خفت كثير عن أول ،، وأهم شي إبتعدي عن المووية الباردة والمشروبات الغازية لأنها معروفة إنها تنفخ البطن ،،
وبالتوفيق إن شاء الله ،،

للورد نغم

28-05-2022 - 08:17 pm

يا هلا بريتاج
مشكورة ع الرد يا عسل.....بس شلون الليمون والكمون مع بعض والا كل واحد لوحدة
وفية احد جربة

~ ريتاج ~

28-05-2022 - 09:18 pm

شوفي حبيبتي تقطعين الليمون شرايح بقشرها وتحطينها في الكوب وتحطين عليها كمون غير مطحون يعني تقريبا ثلاثة ملاعق كبيرة أو أربعة وبعدين تحطين عليها الموية المغلية وتغطينها وتخلينها لمدة ساعة وبعدين تصفيها في كوب ثاني وتشربيه ،، حاولي إنك تسوي ثلاثة أكواب في اليوم أقل شي ،،
وبالتوفيق إن شاء الله ،،

~ ريتاج ~

28-05-2022 - 10:19 pm

أنا مجربته يااقلبي ،، وإنتي سوي بحث في جوجل عن الليمون والكمون وشوفي تجارب البنات ماشاء الله ،،

همسات الطيف

29-05-2022 - 12:21 am

انا كمان سمعت عنها كثير ان شاء الله بجربها وتروح كروشنا

souzzie

29-05-2022 - 01:22 am

w ana

فهمة

29-05-2022 - 02:23 am

وانا بجرب معكم علشان كرشتي مره كبيره

أردافي متعباتني حتى الأن لايوجد حل لها←
مشكلة الزنود→