احس أني مقهوره

السلام عليكم كيفكم فراشات
انا بقولكم شي قهرني من امس وانا افكر فيه
امس كان عند زوجي طلعه للاستراحه يجتمع مكتبهم كل شهر ويسوون احتفال
قال ابيك تسوين لي حلى وقهوه وشاهي العشاء طلبيات
قلت سم عاد انا كنت فاضيه ماعندي شي
سويت 3 انواع حلى قهوه اخذهم زوجي وراح للخوياه
يوم رجع زوجي قالي تصدقين واحد من الشباب قالي زوجتك اسمها رولا
قال زوجي وش قصدك قال يعني مب سعوديه يقول لا قلت سعوديه
قال اجل امها سوريه قال زوجي سعوديه ومن عروق سسعوديه
يقول زوجي قال غريبه مسويه كل شي في البيت السعوديات مايسوون شي
انا هنا طقت كبدي انقهرت ودي معطيه خويه بوكس يطير ضروسه
زوجي قال لي صادف ان اغلبهم جايبين الحلى من برى البيت
قلت مالي دخل ليش يسب السعوديات وربي اني ماروح بيت اواسير الا
الاقيهم فارشين سفره طويله عريضه من شغل يديهم ونادرا
من برى وربي يابنات مقهوره اذا يفكرون فينا كذا ومايقدرون
بس كنت منقهره وقلت ماعندي الا خواتي الفراشات افضفضلهم