احس كني فاقده كل ذاتي

احس كني فاقده كل ذاتي ....
مدري وش اللي بعدها يحتريني
من غاب اللي حضوره غناتي ...
وانا ادري ان اقصى المواجع تبيني
حاولت الملم بالقصايد شتاتي ..
اثر القصايد همها محتويني
وشلون اب أهرب من بعض ذكرياتي ...
دامه جميع الذكريات وحنيني
من قبل ما البس غشوتي او عباتي ...
وغلاه لابس نبضه القلب فيني
كنت افتخر قدام كل البناتي ...
واقول هذا اللي ابيه ويبيني
وكان الغرور ب داخلي من صفاتي ...
وكان الجنون ب دنيته يعتريني
واليوم والله راس مال سكاتي ...
نظره وداع ساكنه وسط عيني
اعيش فيها مابقى من حياتي ...
ماهمني من ذنبها وش يجيني
لابد ما يوم يجي به وياتي ..
ويشوف ب عيونه سوايا سنيني ...