احساس كبير اني راح اصاب بانفصام بالشخصيه مدري السبب من هو

السلام عليكم ورحمة الله وبركاته
احساس كبير اني راح اصاب بانفصام بالشخصيه مدري السبب من هو امي او....
تضيق عليك الوسيعه كنت ارددها كل ما حسيت
بضيق او يمكن تخيلت اني اعاني من شىء
لكن عرفت معناها يوم عرفت شىء ماكنت اتخيله
راح ابدأ من اول
دخلت على راقيه
مدحوها لي حريم وان ناس تتوافد عليها
من خارج السعوديه من الكويت ومن غيرها
دخلنا غرفه صغيره
انا وامي وعمتي
قالت امي عن اعراض تجيها بسبب تليف في الرحم
فقالت لها علاجتس في المستشفى بعد الله
ماراح اكذب عليتس واقول لتس عندي حل
قاطع لكن انا مجردوحده من المسلمين مثلي مثلتس واعطي وصفات تنفع بامر الله تعالى
قالت والبنيه ذي واشرت علي : انا قمت اعبر عن
نفسي واعراضي بس كنت خايفه او متوتره
حركة راسها اشاره انها فاهمه كلامي
فقالت حسبي الله ونعم الوكيل
حسبي الله ونعم الوكيل
سئلتها وانا احس بدا يدب الخوف في
عروقي
قالت البنت معها ربط
ربط ... واضح ان معها ربط
ربط شىء مهوب سهل
طلعنا منها بعد ما اعطتني علاجات قيمتها في حدود
الا الف انا لحالي
قالت استمري
رجعنا البيت كانت عمتي توصف شكلي
لخالي <زوجها ولاخوي
تقول تكسر الخاطر
رحمة نفسي
لذي الدرجه كنت متوتره وانا ما احس
لذي الدرجه ماقدرت اسيطر على اعصابي
بديت في العلاج
اول يوم الاخلاق قافله وعلى طول زكمه
ودخلت دورت المياه بتوضا لصلاه وينطلق خشمي
الله يكرمكم مثل الخيوط وراء بعض
ومن حلقي بلغم الله يعزكم مصاحب لخيوط
الايام الباقيه ولاشىء ابد الا مغص يجي ويروح
والى اليوم رغم ان العلاج انتهى
كلمتها علمتها عن اللي صار لي
قالت هذا عقده براسك انفكت <مدري ما احسه صح كلامه ا
وقالت لازم تكحل عيونها دايم < خلقه لاكحلتها تدمع وحتى بالزوجات اتبهذل بسبب الدموع لازم تصب او تحمر او اصدع
وقالت لنا البنت علاجها راقي يستمر معها
قلت لنفسي خلاص بجلس اسبوع عند خوالي
واروح لراقي
حتى اتعالج عمري وصل الثلاثين وانا لازواج لاوظيفه
بس بذا البيت اعدد جدرانه
عرضت الراي على امي ووافقت وبلغت ابوي على هالاقتراح ووافق
جاء اليوم اللي بجلس فيه واتعالج <(كنا عندخوالي)
قالت امي تقول بعصبيه:: وتتركيني لحالي ؟؟
قلت لها انتي عارفه
قالت بنزره : امحق بنت وتخلين امتس؟
شفتها كذا قلت خلاص بروح مانيب جالسه بروح مع امي
جت امي حتى تلبس عبايتها بترجع للبيت وقالت لي بستغراب :بتروحين ؟؟ انتي وراتس تقلبين
وراتس ماتجلسين وتعالجين <ولا كنها قالت شى ابد
ولو عارضتها بتجحد اللي قالته فقلت حتى ما اتفشل او
تزعل علي او تنكر ما ابي اجلس بروح معتس
قالت وهي ناقده على :مهيب صاحيه
ناظرت في خالتي اللي كانت حاضره كل شىء وسكت
وش اقول ؟
اقول امي بتجيب لي انفصام بالشخصيه ؟
تقول امنيتي تعرسين بس مهوب ذلحين ؟؟متى يعني لاصفقت التسعين ؟
امي ماتبيني ابعد عنها ابد .. اذا رحت مكان لازم تتصل
كم مره علي وينك فيه <هي عارفه بس لازم تسئل
وروحاتي قليله اما سوق او مع بنات الجيران
زواج ولد عمي انجبرت ابات يومين عند خوالي
حتى اشتري لي لبس
تدق على كل ساعه وتقول اخلصي علي بسرعه تعالي
وتكلم خالتي وتقول لاتستعجل
مجرد فضفضه
ما ابي منكم الا دعوه صاادقه ان الله يشفيني
مما فيني من مس او حسد او سحر
ويرزقني زوج تقي نقي حسن الاخلاق والخلق