احكموا مين الغلطان

1. مرحبا

مرحبا

بنات انا عندي مشاكل مع زوجي هو مايحترم اهلي ودايم يتكلم عليهم قدامي ويقول ماوراهم الا المشاكل وهم يحرشونك علي وتجين من عندهم موب طايقتني وهذا الكلام يابنات كذب والله اهلي ناس طيبين ومحترمين ومقدرينه لكن هو عليه حركات وسوالف مااحد يسويها وتحملوه كثير كله علشان احنا قرايب وكمان علشاني انا ..لكن هم عارفين اني بالعة الموس وساكته كله عشان لا اخرب بيتي واصبر على قولتهم والله يابنات انه يقول كلام مااحد يتحمله بس انا ساكته وصابره وهذا بعد انه الصلاه يأخرها للوقت اللي يناسبه واحسه مو معلق قلبه بالله والمسجد جنب بيتنا ولا يروح للمسجد ابد ويتعذر بااعذار مالها مبرر واقوله ماراح تحاجج الله فيها يوم الحساب والجزاء وصبرت وادعي له بالهداية والله اني انقهر يوم اسمع الا قامه بالمسجد وهو بالبيت من خوفي عليه من الذنب لكن الله يصلحه...
أمس بعد الغداء جيت بكنس الغرفة وهو كان على اللاب توب قالي لاتزعجيني قلت طيب تسمع الاذان صل أن الصلاة تنهى عن الفحشاء والمنكر وتذكر ان الله يراك "" يابنات مره اختي طلبت مني رابط موقع دخلته من كميوتري وقالتي روحي للتاريخ ودوري عليه ورحت وشفت صفحات مواقع اباحيه انقهرت وسكت وماهي اول مره ولا ثاني مره وكل ماواجهته يحلف مايرجع ويندم ويعتذر المره هذي يوم واجهته ضربني كف وقال انتي تشكين فيني وتقذفيني انتي ماتستحين انا متأكده انه هو لانه كل مايجلس على الكمبيوتر واكون انا نايمه او منسدحة بعد مايخلص يتروش والله العظيم انه هولان مافي غيرنا انا هو في البيت ونسخدم كمبيوتر واحد.. انه هو اللي دخل المواقع ومتأكدة وهو مكذبني.. وأنا الغبية مسحت التاريخ ولا لقيت اثبات عليه الحين انا عند اهلي وزعلانه ادعو لي يالفراشات ان الله يختار لي الخير ومعليش غثيتكم طيب انا بغيت اسكت لكن تذكرت قول الرسول عليه افضل الصلاة والسلام " من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان.."ومعليش انا مااحب اكون سلبيه ومالي دور ولا تأثير في حياته اما امساك بمعروف اوتسريح باحسان ..... أنا حاولت اصتصلحه واشوف الخير فيه لكن هو مايسمع النصيحة ولا يقدر لا كبير ولا صغير وحاولت اتناقش معاه قام وكسر اللابتوب.... لو هو واثق من نفسه ماسوى كذا !!! صح لكن لا حول ولا قوه الا بالله اللهم اجرني في مصيبتي يارب ...