اخ بس لحقو علي قبل انفجر

1. ارسلت استحي


2. قالها زوجي عشان اعرف نوعية مشكلتك وعلى اساسها ارسلك الرقم

اخ يبنات والله مقهوره وحنا طالعين نتمشى دق على زوجي رقم غريب ورد بعدين سكر الرقم وكم مره يدق الرقم ونفس الحركه المهم جته رسالة انتي الشيخ فلان رد زوجي لا ماني الشيخ فلان قالت طيب عندك ارقام مشايخ انا عندي مشكله
ارسلها زوجي طيب ليه تدقين وتسكرين كلميني

ارسلت استحي

قالها زوجي عشان اعرف نوعية مشكلتك وعلى اساسها ارسلك الرقم

انا انقهرت منه قلت خلاص عند ارقام اعطها وشوله بتكلمها قال ابعرف وش سالفتها تدق واذا سمعت صوتي سكرت يمكن واحد من اخوياي المهم مشيتها وارسلتله انا ابوي معدد ومايصرف علينا وحنا نحتاج ومااقدر اكمل لأن ماعندي رصيد
ارسلي رقم المشايخ ارسلها زوجي خلاص بكره بالليل برسلها
انا قلتله وشوه بكره ارسل وفكنا قال يبيلي ساعه اجمعها وبعدين انا موب فاضي اللحين اسوق مااقدر اسوق وارسل مشيناها
وبعدين ارسلت الله يعافيك ارسل الارقان هالحين والله محتاجتها هاذي اللي ماعندها رصيد ارسل زوجي قلتلك بكره
وكل هاذي الرسايل انا قاريتها وزوجي يدري اني اقراها
وقفنا بناخذ كفي نزل هو وانا بالسياره واتاخر علي بعدين جا وقال والله ذا البنت مادري وش تبي انها تقول الله يخليك ارسلي شحن واني محتاجه ومادري ايش انا متنرفزه ومسويه نفسي عادي
وجيت بشوف الرسايل اللي ارسلها لها وهو بالكفي الا الاخ ماسحها وافتح الجل انواع الرسايل منها ومنه
من بكره ارسلها ارقام المشايخ ومامسح الرسالة وارسلته دعاء وش طوله هاذي اللي ماعندها رصيد
وانتهت السالفه وانا مافاتحت زوجي بالموضوع قلت خلاص انصك والا اتفاجأ بعد اسبوع يدق رقم الساعه اربع الفجر ومارد زوجي انا على طول عرفت الرقم نفسها ذيك البنت سكت بشوف بيقول شي ولالا يوم جا من صلاة الفجر طول الوقت الجوا معه ويرسل ويكتب ومنشغل باله انا دريت انه يتراسل هو وياها عطاها الضربه بعدين قام يسولف معي وانا مسويه نفسي عادي ولا كأني ادري عن شي عاد هوقام يسوف يقو وش شعورك وتدرين اني متزوج عليك ووش تسوين انا تنرفزت قلت ياحبك للمواضيع اللي تغث وافطر وطلع يوم جا الظهر دخل عادي ويسولف معي وفالها وانا متنرفزه مانمت ومنغثه ماعطيته وجه المهم عجزت اصبر وقلتله اللي دق الفجر اليوم داريه انها ذيك البنت ماغيرها وش عندها سوى نفسه مايدري قال صدق مادري ماانتبهت للرقم قلت غريبه وش عندها داقه هالوقت موب انتهيتوا قال وانتي وش دراك قلت حافظه رقمها طبعا شفت السجل الا لقيت رسايل كثيره بينه وبينها وهي دقت كم مره وهو ماردعليها بس مابينت له اني مفتشه الجوال من وراه فهو منكر انه راسل لها اومرسله
المهم قال هي دقت قبل كذا بنفس هالوقت وقلت لها وش عندك داقه قالت دقيت اقومك لصلاة الفجر انا اهبلت طلعتلي قرون قلت ماشاء الله من متى العلاقه لدرجة تقومك للصلاة قال مدري عنهاوشتبين اسويلها انا مااعطيها وجه انا من عقب ماارسلت لها ارقام المشايخ خلاص مارسلت يقلع ام النصب ياشيخ قال وش تبيني اسوي قلت اللحين تدق عليها قدامي وتقولها وش عندك داقه الفجر اذا قالت عشان اقومك قل اها عندي زوجتي تقومني وعندي منهبه لاعاد تدقين قام يضحك وقول تخيلي والله من حركات المبزره عندك بكيفها تدف الين تقول بس انا مومعطيها وجه قلت طيب ياأنا ياهي وجلس يضحك علي وانا متنرفزه وقام ودخل الغرفه ونام
وش اسوي وشلون اتصرف ؟؟؟؟؟؟؟؟؟؟؟