اخواتي ابي رايكم بموضوعي ومشورتكم ابي الكل يشاركن ي ويعطينى رايه

الشهاده مهم في حياتك اذا تركتها راح تتحسفين يوم من الايام
انقلي معه في الرياض ان شاء الله يقبلونك الرياض اكبر من القصيم اكيد فيها كليات وجامعات مو مثل القصيم
لا تفكري تتركي دراستك هذي الشهاده راح نصف عمرك عشانه

صراحه كلهم مهمين
بس انا لو منك صعبه اترك زوجي بلزق فيه
وبحاول أكمل دراستي وبيعيني ربي أنشاءالله

والله وضعي زي وضعك تمام
بس الشهاده ضروريه فى ه الزمن حتى قدام زوجك واولادك يوم تكونى متخرجة افضل بكثير,,,,
حاولى تنقلين معاه إنشاءالله ربي يوفقك وييسرها لك حبيبتي,,,,

كملي في بلد زوجك
وبنتك خليها في حضانة

إذا ماانتي قادرة تحولين للرياض حولي انتساب وبكذا تصيرين مستقرة وعند زوجك بس وقت الاختبارات ترجعين للقصيم وتاخذين الشهادة إن شاء الله .
ومسألة انك تعيشين بعيد عن زوجك تراها صعبة مرة ومن واقع تجربة مهما كانوا أهلك طيبين وماهم مقصرين

نصيحتي لك كملي الدراسه
انا اتزوجت وجبت ولد وبنت اثناء دراستي الجامعيه
ولافكرت اتركها
اولا زوجك راضي
ثانيا تكبري في نظر زوجك واولادك
ثالثا ماتدرين عن ضروف الحياه
رابعا الدراسه توسع ثقافتك في كل شي موبس في تخصصك من خلال تواصلك مع الطالبات
وقبل هذا كله من سلك طريقا يلتمس فيه علما سهل الله له طريقا الى الجنه
بالنسبه لبنتك انتي تبي زوجك وتحطيها في البنت<<<ههه امزح
لكن تقدري تنقلي او تنتسبي
بس ما انصحك بالانتساب
اتمنى اكون افدتك

نصيحة لله نك تكملين ماحد يدري عن هذي الدنيا انا تزوجت وانا بالجامعة وبعد مااستقريت في بيتي رسبت في مواد وانا بالسنة الثانية في الجامعة وطفشت وقلت خلاص يترك الدراسة بيت وعندي وزوج وعندي و كنت حامل يارب لك الحمد بس زوجي كان مصر جدا اني اكمل وقالي اوكي اعتذري ترم لين تولدين وبعدين فكري زين وانا كنت مصممة اني اسحب نهائي المهم ولدت بالسلامة واقنعني اني اكمل انتساب على ان كان عندي شغالة وكل شي متوفر ولله الحمد بس دلع بنات المهم سمعت كلامه وكملت انتساب وحولت قسم جديد وكل ترم كان يدفع لي 3000 الالاف وكان مجاهد معي لين تخرجت وكان يقولي مو لازم تتوظفين اهم شي شهادتك بيدك ... وبالفعل بعد سنة وحدة بس من تخرجي جات ارادة الله وكان القدر بيني وبينه وتوفى بحادث الله يرحمه ويسكنه فسيح جناته ويجمعني معاه يارب العالمين . ومن غير شر على زوجك ياقلبي والله يخليه لك طوول العمر بس الانسان مايدري عن المكتوب
دامك بصحتك وعافيتك كملي دراستك واذا تخرجتي علقي الشهادة اهم شي انك اخذيتها . والله يكتب لك الي فيه الخير قبل كل شي.

مشكورين اخواتي الله يجزاكم خير على مشورتكم لي
وانتي اخت شهد الله يرحم زوجك ويسكنه فسيح جناته ويعوضك خير
انا ودي انقل الرياض بس النقل بنت اختى لها سنه ماقدرت تنقل
الرياض مايقبلون بسهوله
ومادرري وش الحل بس الله يعين والله كل ليله ابكي طفش ومحتاره في اتخاذ قراري
المشكله هاذي اول سنه يعني باقي وقت مب قصير الله يعين

حاولي تنقلين معه الرياض وتكملين هناك والله يوفقك وتلقين قبول بالكليه