اخواتي الفراشات اتمنى منكن الرد علي ومساعدتي ولكم مني خالص الشكر

1. توصلون للرشاقه وبصراحه مافيه وحده ماتتمنى هالشي وانا منكن

السلام عليكم ورحمه الله وبركاته
صباح \ مساء الخير لكل خواتي الفراشات
احم احم بصراحه هذي اول مشاركه لي في موضوع في المنتدى وخااصه في هذا القسم
اتمني منكم نصحي ومساعدتي للحل << ادري طولت عليكم بس اسمحولي مرتبكه
ماشجعني للكتابه في هالقسم هو حماسكم ماشاء الله عليكم ربي يحميكم ويحرسكم عشان

توصلون للرشاقه وبصراحه مافيه وحده ماتتمنى هالشي وانا منكن

بس المشكله يمكن تكون مني انا لاني مو كل شي يعجبني يعني انا في منتصف العشرينات واتمنى اني انزل وزني ومااكذب عليكم من كان عمري 15 وانا اسوي دايت فتره وارجع من جديد لمثل قبل ويمكن اكثر وفي كل سنه كنت اسوي ومافيه فايده لحد ماجا عمري 18 ونحفت من جد وهذا كان بسبب الهم وذلك لاني كنت بآخر سنه بالثانوي من جد كنت رشييقه وكل من سألني يقوول انتي مريضه فيك شي وانتوا عارفين آخر سنه ولازم مجهود عشان النسبه بس ماقدرت احافظ على رشاقتي ورجعت مثل قبل بس بعد الانتهاء من الكليه وطبعا انتوا عارفين جلوس بالبيت وملل وطفش وزاد وزني اكثر وتعبني صراحه
وسويت دايت بشهر 5 و6 و7 وكان دايت الكربوهيدرات صحيح ماطبقته نفسه مثل ماهو مكتوب بس نفذت بعضه والحمدلله نزل وزني حوالي 5 كيلو يعني كل اسبوع كنت انزل كيلو بالراحه بس تركته ولا كملت لاني مليت من نظام الاكل فيه
وهذي هي مشكلتي انا مااحب اكل اي شي يعني النفس وماتحب بقولكم الاصناف اللي مااكلها :
اللحموم الحمراء بجميع انواعها
الاسماك والمأكولات البحريه والتونه
الحليب
ولكن هناك اصناف ممنوعه منها لان نسبه الاملاح فيها كثيره مثل البقوليات بجميع انواعها صحيح اكلها بس لازم بشكل قليل جدا لانها تؤثر علي
وبعد اذا تكرر نوعيه الاكل يوميا لمده اسبوع بعدها لا استطيع اخذ هالنوعيه فتره طويله يمكن تكون بالاشهر واعود لها من جديد <<< وحده نفسها ماتحب اي شي
فاتمنى تقولون لي شي من دايت يكون متنوع ويفيدني ولكم مني كل الشكر وربي يوفقكم جميعا ً لما يحب ويرضى
عارفه ان كلامي على بعضه ولخبطه بس اسمحولي من زماان بكتب ومتردده واللحين كتب لكم
واعذروني على الخبطه
تقبلوا احترامي
مهرة الاصايل