اخواتي في احد منكم يعرف طريقة فرد الشعر اللي اسمها الريبوند بنات البحرين تعرفونها

هلا والله اختى شعوله عندي الجواب الشافي لج ... انا سويتها بس باقول لج اش صار فيني
لما رحت الصالون قالت لي شعرج مايحتاج لان شعري مب خشن لكن عيبه يكش بالرطوبه المهم قلت لها معليه ابي المهم حطت لي الخلطه لمدة 6 دقائق لان شعري مايحتاج مثل ماقالت لي وعقب حطت لي بعد مثبت وحمام زيت اعتقد المهم كلش ماعجبني لاني لما شفت ويهي في المنظره صرت جنى فلبنيه من زود ماشعري صار طايح وناعم وكان جنه اسيام من تحت ورحت البيت وكنت مستحيه ان زوجي يشوفني المهم غسلته يوم ثاني وستشورته بروحي ولفيته وصار احلى من الروعه بس اللي صار لي ان شعري بعد 3 شهور بدا يحت بشكل فظيع والمشكله انه ما يحت من الجذور لا يحت لي من النص يعني الشعره اتقصص وصار شعري كانه منتف بس عشان الذمه مادري صار لي جذي بسبب الريبوند او بسبب اني بعد ماسويت شعري فرد صبغته فمادري حت بسبب الصبغ او الريبوند وانا سويته عند زويا وعندي رقم الحرمه اللي سوته لي اذا بيغيتيه بادزه لج على الخاص وان شاء الله فدتج..

مشكوره اختي جزاج الله خير
والله ينعم عليج بالشعر الحلو اللي انتي تبينه
انه قريت اعلان صالون زويا بس اختي خايفه ومو عارفه هل اسويه ولا لأ
محتاره ..أنه شعري عادي خفيف بس كشه ويتأثر بالرطوبه حتى شعرتي خفيفه ضعيفه فمو عارفه اسوي الريبوند ولا لأ
ومشكوره اختي على مرورج وجزاج الله خير على هالشرح

تغربلنا والله بالكشيش
انا بعد اختي ابغي اعرف عن الريبوند ,, بس شكله ماينفع ولا شيئ نخليه طبيعي احسن لنا
ان شاء الله احد يفيدنا بالريبوند

هلا والله خواتي انا في رايي انكم تروحون الصالون وتشوف المره شعركم احسن واهيا بروحها اللي بتقرر عشان لو صار ماصار لا سمح الله تكون اهيا المسؤوله

كيف طريقة فرد الريبوند بالتفصيل ....
بنات لا تفشلونا؟؟؟؟