ادخلي زي البرق

مرحبا بدي اجاوب على الي سالتني انا اردنيه من الزرقا اه طبعا مافيها شك يا
قلبي
وهيني جبتلك احلى حلا بجن اسمو
حلا الرمان
يمي كتير زاكي
المقادير:
الطبقه الاولى : كيكه جاهزه
الطبقه الثانيه:علبتين قشطه
ظرفين دريم ويب
علبه حليب ابو قوس
الطبقه الثالثه:رمانه واحدة
كوب فيمتو
كوب الا ربع ماء
علبه جلي احمر
ملعقتين نشاء
نقطع الكيكه ونصفها في البايركس
ونخلط مقادير الطبقه الثانيه بالخلاط اليدوي ونصبها على الكيك وندخلها في الثلاجه حتى تتماسك
ونخلط مقادير الطبقه الثالثه مع بعض ونخليها على النار مع التحريك المستمر حتى تغلظ نشيلها ونخليها تبرد شوي ونضيف عليها حب الرمان ونصبها فوق الطبقه الثانيه وندخله الثلاجه عشان تجمد الطبقه الثالثه ونقطعها
وعساها هنا وصحه على بطونكم