ادخلي عشان مايصير لك نفس اللي صار لي

1. السالفه هي كالتالي

السلام عليكم فراشاتي الغاليات
حبيت اكتب لكم اللي صار لي مع احد المحلات في الاحساء لكي لا تقعوا في نفس ماوقعت فيه

السالفه هي كالتالي

يوم الخميس طلعت مع امي حتى اكمل تجهيزات عرسي وكنت ناويه اشتري لي روب نوم لاول ليله
تجولنا في السوق ودخلنا محل اسمه (روتيلا) الواقع في شارع الماجد دخلت المحل وقعدت اتفرج ولفت نظري روب نوم حلو وقعد البياع المصري يوريني الاشكال والالوان وهذا ماركه وما تلقينه الا عندنا و وهذره طويله عريضه ويقول لي لفي الحساء كلها واذا لقيتي نفسه جيبيه وانا اعطيش 1000 ريال فوقه
اوكي شريت الروب وكان سعره 650 ريال
وبعد اسبوع رحت مع خطيبي مجمع العثيم وتجولنا وما ادخل احد الامحلات الا واشوف الروب نفسه بالضبط ونفس الماركه وسعره تخيلوا بكم
ب 400 ريال
انا لما شفت السعر انصدمت
طيب اشتريت الروب ورحت للمحل الاولي وقلت له شوف هذا الروب انا شريته من عندكم ب 650 وما اروح المحل الثاني الا اشوفه ب400 تخيل فرق 250 ريال
الرجال انعفس وما عرف شلون يتكلم وقام يهذر ويخربط بس انا قلت له ماابغي ارجع الروب ولا ابغي الف ريال بس ال 250 اللي اخذتوهم في ذمتكم الى يوم الدين ولا راح اسامحكم عليها
انا ماكتبت الموضوع الا اني ما ابغيكم تطيحون في نفس المقلب اللي انا طحت فيه من طمع بعض اصحاب المحلات والنصب والاحتيال.
حسبي الله هو نعم الوكيل الله يجازيهم يوم القيامه