ادخلي ماراح تندمين وبتصيرين رشيقه بدون تعب

السلام عليكم احلى بنوتات خصوصا الدبدوبات مثلي خ
قبل ماابدأ بموضوعي الخطير والمهم والعاجل واللذيذ ابغى كل وحده تدخل ترد قبل تطلع خلونا نتعاون مع بعض ونتحمس مع بعض عشان نحارب السمنه ونصل لهدفنا الرشاقه
آآه ياسلام تخيلو نصل للي نبي ونصير رشيقات
واللبس علينا حلو خصوصا بالكليه كل وحده
فيها كأنها عارضة ازياء في لبسها
انا باخليك غصب تنحفين يادبدوبه(تدليع تراها مو سب خ) اذا قرأتي موضوعي ليش لا
مافي شي مستحيل وكل داء له دواء الاالموت بس نبي شوية اراده,,
المهم انا كتبت الموضوع هذا بسبب كثرة
التجارب اللي شفتها بعيوني في القضاء على
السمنه والوصول للرشاقه ..
اليكم التجارب:
اكبر شي يعطيك دافع قوي ديانا كرزون كيف كانت وكيف صارت الحين حلوه ورشيقه
والمذيع المعروف بقناة العربيه اللي اسمه تركي
الدخيل كان سمين سمنه مفرطه والحين وسيم
وجسمه رياضي وصحي صاركأنه عارض ازياء
خ امزح لاتصدقون
المهم نرجع لمحور حديثنا خ
والصراحه القنبله الذريه برنامج الرابح الأكبر
شوفوا شلون صاروا فرق شاسع قبل وبعد بجميع
النواحي..ليش هم من كوكب آخر لا هم بشر مثلنا
بس عندهم اراده قويه وصلتهم لسلم النجاح وتحقق الحلم الجميل
وانا شفت بعيوني بنات عندي بالكليه كانن دبدوبات اكثر مني ألف مره
وكنت لما اشوفهن ارحمهن واقول حمدلله انا اخف
من غيري .. المهم مع بداية الترم هذا جان ولما
شفتهن انصدمت تغيرن 180 درجه مسويات
رجيم وناحفات كثير صارن رشيقات
صارن انحف من ماشاءالله عليهن حتى الوحده
تصير حلوه اكثر تبان ملامحها مع النحف كثير
وصراحه ندمت اني ماسويت مثلهن وراحت علي
العطله بدون ما انحف
انا خلاص قررت انحف بس ماراح اسوي رجيم لاني تعقدت منه زمان
لما كنت بثالث متوسط سويت رجيم قاسي ونحفت
اكثر من نصف وزني ولما شافني صديقاتي بعد
الأجازه تجنن على شكلي قالن صرتي احلى وحده
بالفصل واستانست مره كنت سعيده بشكلي لكن
للأسف بعد فتره رجعت سمنت اكثر من قبل
تحطيم والسبب انه رجيم ماكان صحي
فاأفضل طريقه لنحف تأكلين من كل شي بس
بدون شبع+مشي كل يوم اقل شي نصف ساعه
وافضل شي ساعه والسير الكهربائي ممتاز
للي تبي تنحف ان شاء الله باشتريه .
.
طولت عليكم بنوتات لاتحرموني ردودكم وابي تسون طريقتي هذي معي (اكل من كل شي (الله وناسه)بس بدون شبع + رياضة المشي فقط)
وان شاء الله بتنحفون صدقون وعقبالكم تنحفون حبيباتي وتخبروني بتجاربكم يالله ردو عاد بنوتات خلونا نسير كلنا في خطه واحده ونتعاون مع بعض بطريقه سهله وحلوه والنتيجه احلى واروع :0100::0100: