ادري بتقولو مشكلة تافه بس مالقيت لها حل

1. وجبت حلويات وباسين وجلست أكل معا طبعاهوا ماعلق عادي

مرحبا الساع >> احب دي الكلمة
كيفكم ايش اخباركم عساكم بخير>> أخلصي
طيب من غير مقدمات بدخل في الموضوع على طول
قبل تقريبا شهر ملكة والحمد لله وسرت عروسة ههه >> ياحليلها فرحانه
والحمد لله خطيبي مرة يجنن حبوب واخلاق ومرة ذوق >> الله يحفظ لي هوا
المهم انا عندي مشكلة في الأكل والله العظيم مو دلع وربي اني مااقدر أكل كثير مو دايت ورجيم والخرابيط دي >> ارحيمنا ياهو
بس والله لما أكل بطني تعورني لانو بعيد عنكم انا معايا قالون عصبي من سنتين تقريبا وطبعا مااقدر أكل اي شي لانو يعدم لي بطني
فأكلي سار شبسات وحلويات ومشرويات غازية اشياءخفيفة زي كدا
والله أبويا تعب وهوا يمنعني عنها بس من جد مااقدر أكل
طبعا طويل العمر أكتشف الشي............. دا مرة من المرات كان سهران عندي وقال قومي ياخبلة >> طبعا هذا دلعي
جيبي شي ناكلو انا مرة جيعان طبعا بفداغتي المعتادة رحت فتحت الدولاب وجبت منو شبس ليزز حار >> اموت في >> احم احم

وجبت حلويات وباسين وجلست أكل معا طبعاهوا ماعلق عادي

بعدها بفترة أهلو عزموناعلى العشا وطبعا انواع الأكل ماشاء الله وامو كل ماتشوفني تقولي ايش دا صحنك فاضي وتعبي انا ابغى أبكي ماابغى ومااقدر أقولها لا قمت وخليت صحني زي ماهو وطبعا سلايفي انواع الحش لانو انا أخر سلفة أدخل عليهم وانا السلفة رقم 8 ماشاء الله
المهم حماتي راحت وقالت لولدها الي هوا زوجي المصون مرتك اليوم مااكلت مدري اشبها ونطت أختو الملقوفة >> حاطه دوبها من دوبي
قالتلو لايكون بس أكلنا موعاجب السندريلا
هوا ماشاء الله عليه مرة عاقل >> غصبن عنو عمرو 31 وانا ياقلبي عليا 20 المهم
دق عليا وسواليف وهرج وبعدين قالي ايش رايك بالعشا اليوم قلت لو جاد الله عليهم ماشاء الله ماقصرو
قال سمعت أنك مااكلتي لايكون الأكل ماعجبك قلت لا ياعيني والله بالعكس الله يديهم العافية بس انا اكلي قليل
ومع الأيام اكتشف بنفسو أنو ما اكل غير الشبسات والأشياء دي
طبعا الوضع مرة مو عاجبو وكل يوم يهزئني ببأدب على أكل ويقولي ياخوفي نموت جوع
ولا يقولي ها كلمتي شركة ليز ترسلك معونة السنة ياربي ايش اسوي والله مااقدر أكل
وقبل يومين كان عندي زكانت بطني تعورني القالون وربي دابحني قام سألني أكلتي شي قلت بكل برائة ايوا أكلت ليز وببسي قبل ماتجي قام انفجر عليا قالي أسمعي هذا مو أسلوب بكرة بتحملي بتجلسي على هذا الأكل كيف تبغي البيبي يجي اذا انتي جسمك ضعيف وماتكلي كويس كيف حتتحملي حمل وولاده>>خوفني
وكيف حتهتمي بأكل البيبي وانتي أصلا ماتهتمي بأكلك انا بكيت وجلست أصرخ علية وادفو >> أنقهرت منو والله
وقلت لو مالك دخل فيا اكل زي انا ماابغى وعيالك لاتخاف عليهم ماراح يموتو جوع
وسار كل مايجي يتعنى يجي وقت الغدا او العشا عشان يجلس على قلبي وأكل وانا أكل وربي أتغصب الأكل واحياننا وربي ماابلغ أحس أني أبغى أبكي
ياربي ايش اسوي جيبولي حل
سوري طولت عليكم>>توك تكتشفي