ادعولي الزايدة اللحمية بالرحم

السلام عليكم
شخباركم يا بنات و الله ضايق خلقي بس حمدالله على كل حال
أدري أنه همومكم وايدة و الله يرزقكم ان شاء الله
قصتي الله يسلمكم رحت أمس للعيادة و كانت دكتورتي ريم صافي في اجازة دخلت على فوزية القطان و هي استشاريه و معروفه بالكويت
المفروض تعطيني ابر كلوميد هالشهر بعد ما سوت السونار الداخلي اكتشفت أنه في لحمية زايدة بالرحم و قالت اهي الي المانعة مثل طريقة اللولب و قالت لازم منظار علشان أشيلها و قالت مرة وحدة أشيل التكيس
و دكتورتي الله يسامحها ما قالتلي
قالت شواري ريلج و تعالي الاربعاء أحجزلج على اساس الاربعاء الياي
و الله خايفة حدي يا بنات ودي طمنوني من طلعت من العيادة و أنا أبجي مالي خلق أكل و لا لي خلق الدوام بس حمدالله على كل حال
الله يعافيكم طمنوني