اذا زعلك زوجك

صراحة انا ما احب احد يرفع علي صوته او يغلط علي في الكلام على طول دموعي اربع اربع وزوجي على طول ما يتحمل ابكي عنده فيجلس يحاول اني ارض عنه

وعليكم السلام والرحمة والاكرام
اولا موضوع حساس ومهم جدا جدا تشكرين على طرحه ...
ثانيا ...
انا اشوف انه يتوقف على الزوجين وطبيعة كل واحد فيهم ..
اذا كانت البنت حساسة وتحصل اهتمام ودلع ...
بيصير صعب جدا جدا عليها انها تتقبل اي نوع من انواع القسوة او الكلام الجارح ...
واذا كان الزوج من النوع الرومنسي والحنون في اغلب الاحيان ....
لما يزعل زوجته او يغلط عليها تنجرح بقوة ...غير من اللي طبعه قاسي او مو رومنسي ...بتكون زوجته تعودت على هالاسلوب ...
الاهم ...ان الزوجين يكونون متوافقين يعني لو اجتمعت وحدة حساسة ودلع مع واحد قاسي معناها حياتهم بتصير خناق في خناق ....
هينا تبين ذكاء كل من الزوجين وبالذات الزوجة وتضحيتها علشان زوجها ...
لازم تعرف البنت وهي مقبلة على الزواج ان الدلع حلو بس اذا زاد عن حده يصير منفر للزوج ...
مثلا ...حتى لو كان حنون ومتفهم ..
بتزعل مرة بيراضيها مرة ثانية بيراضيها ..لي متى ؟
الرجال يملون ..بيمل منها ومن حساسيتها الزايدة ..وبيصير ما يعتذر ولا حتى يقول لها كلام ياخذ بخاطرها ...
بل بالعكس تصير هي اللي تعتذر وتدوس على نفسها ومشاعرها حتى لو هو الغلطان ..لانها عارفة انه ما بيعتذر ..
يعني بالمختصر المفيد حاولي قد ما تقدرين تمسكين نفسك في مواقف الزعل التافه ...
وتذكري الرجال يبون راحة بالهم لين جاو البيت ...
يعني لين صار خناق والا زعل والا حنة ..على طول الرجال يقوم ما يحب البيت والتواجد مع الزوجة ...
أتمنى أكون قدرت اوصل فكرتي كويس ...
وانا مو متزوجة بصراحة بس اتوقع هذي الامور اللي رح نواجهها لين تزوجنا ان شا الله ...

مشكوره وهج عل مرور
مشكوره ~*Zelda.Q*~ياقلبي وكلامج مضبووط وحلو هذا اللي حاصل اليوم الشات احلى من امس
بصراحه امس وييع بطيء والله طفشني

انا ابي اتكلم بصراحه لان هذا الموضوع مضيقني كثير
يعني >وحده تشرح من قلب/ههه
لما ازعل ابو اشباب ما كاني مخلوقه على وجه الارض يعني عنده اسلوب استفزازي عجيب
وكلامه حدثي ولا حراج كل كلمه اكبر من الي قبله يعني الصراحه يجرح وانا انسانه حساسه مره ما اتحمل وخاصه منه هو يقهرني .........................
بس اشكو لله
ادعولي لن الله يسخره لي الله يعافيكم

اذا غلط عليك يعتذر و العكس

مشكورات خواتي على مرور الحلو
شوفو صراحه انا زوجي كان مايعتذر بس والله كان يحز في خاطري
بس الحين لا الحمدلله صار اذا غلط يعتذر ويطيب خاطري
بصراحه حتى اهو حس بالفرق اذا اعتذر نكون احلى بكثير كل واحد يدور خاطر الثاني
بس اذا طنش ولا راضاني.. لا0 يتم الزعل بالقلب !!
بس على فكره زوجي يقول لي اعتذر منج بس مومعناته اني غلطان !!!!!!!
لا بس اعتذاري علشان ترضين. ههه
شفتو اشلون لرجال مايعترفون بغلطهم حتى اذا طيبو خاطر الزوجه
الله لايحرم كل زوجه من زوجها
ويرزق اللي ماتزوجو

موضوع رائع وفي نفس الوقت حساس
اذا كان موضوع عادي ومافي اهانه اراضي خصوصا اذا كانت نفسيتو تعبانه من ضغوطات عمل او غير ذالك
اما اذا كان موضوع في اهانه لي او لاهلي اراضي لاكن احسس بالذنب الى ان يعتذر ويحس بغلطتو
بس اهم شي نصيحه للجميع المشاكل الزوجيه لا تطلع برى البيت اذا طلعت انا بنظري ينهدم عش الزوجيه
يعطيك العافيه على الموضوع الرائع

my hirtمشكوره عل مرور
وكلامج حلو ان المفروض المشاكل ماتطلع برا البيت

بعد أنا بدخل معكم على أساس اننا كلنا بالهوا سوا خ
أما أنا زوجي إذا زعل يزبد ويرعد ولسانه طويل يعني مايسوي شي بس بلسانه
وانا خلاص تعودت عليه صرت والله أخليه يطلع كل الكلام ويجرح على راحته وهوينقهر مني إذا سكت ويحاول يستفزني ,انا مسويتها طناش
بس احيانا يراضيني واحيانا عادي نتصالح من غير اعتذار يعني نسولف بعد يوم ولا كأن شي صار
بس أنا أذا زود العيار لا والله ازعل لين يجي يراضيني
بس تصدقون دايم يقولي انه يعرف نفسه انه يغلط علي ومعترف اني صابره على أسلوبه واني انا ماني مقصره عليه وما في مثلي ............ وهذا الكلام منه هو اللي ينسيني طول لسانه
بس احسن شي الطناش انا مجربته لا تردون لانه لو رديتي عليه راح تزيد المشكله ولو سكتي حتى لو جرحك راح يجي يراضيك جربوها