اذا كنتي فنانه في المكياج دخلي ابي مساعده

الصراحه افضل طريقه لدمج بالاصبع

مشكورة يا اخت وردة مكه عل مرور بس الدمج بالاصبح ما ينفع غير عل مكياج الخفيف بس اذا ابي مكياج سهرة او ابي اسوي السموكي ايز مايضبط

طيب يقلبي في فرش خاصه لدمج من فورايفر مرة روعه
انتي أدمجي بطريقه من فوق لتحت بشويش اللون تتداخل انا اعرف بس مشكلتي يدي سريعه مررة
على شان كذا تلخبط االوان عليه

مو عارفه شلون اشرحها لج بس بحاول باللى اقدر عليه
.....................>> من النوع اللى ما اتعرف اتوصل المعلومه يعني بالعربي ما اعرف افهم
نرجع لسؤالج اشلون تدمجين اللون مثلا الاسود مع الوردي اوكي
الحين انتي حطيتي اللون الاسود على الجفن المتحرك حلو وبعدها حطيتي اللون الوردي على الجفن الثابت صح في شي ابي اقول لج اياه انتي يوم بتحطين على الجفن المتحرك ما بتيين تحطين فوق اللون الاسود على طول في طريقتين انا اسويها بعطيج اياها مرقمه اتفقناا حبيبتي
1- حطي اللون الاسود على الجفن المتحرك وخذي شوي اكثر من الجفن الثابت بعدها تعالي حطي اللون الوردي على اللون الاسود من الجفن الثابت واطلعي زياده على لاعلى واتركي مسافه صغيره من الجفن الثابت الى الحاجب لوضع اللون الابيض والا اللمعه المهم انتي يوم بتحطين اللون الوردي على اللون الاسود اللى في منطقه الجفن ادمجي اللونين بالفرشاه يعني خلي اللونين يتداخلون في بعضهم لابعض وبعدها وابدي زيدي اللون الوردي لفوق زي ما قلت لك علشان يطلع الفرق باللون
2- الطريقه الثانيه انج تحطين اللون الاسود على الجفن المتحرك فقط وايين تحطين اللون الوردي فوقه فاخذي من الجفن المتحرك وحطي فيه هم لون وردي يعني فوق الاسود وابدي حركي الفرشاه عليها فتتداخل الالوان مع بعضها وبعدها اطلعي فوق شوي شوي
فبتشوفين هنا ان طريقه واحد اللون الاسود المدموج مع لاوردي اكثر من طريقه رقم 2
بس لو تبين نصيحتي بما انج مو متمكنه في الدمج اعطيج طريقه ان شاء الله تفيدج
انتي يوم ترسمين العين اول شي حددي بالكحل القلم اللون الاسود على طرف العين فوق الرمش وخليه زي خط الالينر وانتي بكيفج تبينه بس زي الخط والا انج على طرف العين تسوين قوس او زي الرقم السبعه
بعدها بالفرشاه وزعي اللون شوي الى اعلى يعني كانج تبين تفتحين اللون حلو
بعدها بدرجاات اللون الوردي حطي الطبقه الاغمق وبعدها الفتح شوي ثم الافتح مع عمل الدمج بين الالوان
وشلون زي ما قلت لك قبل تحطين طبقه عل الجفن المتحرك وشوي من الجفن المتحرك وتجين باللون الافتح تاخذين فوق اللون الغامق الى الجفن لاثابت وبعدها من الجفن الثابت درجه افتح الي تحت الحواجب بشوي
وبعدهاا راح تشوفين ان اللون الاسود اللى رسمتي فيه عيونج اول شي باين على الخفيف من هنا تقدرين بالشدو الاسود او بفرشاه التحديد مع لون الاسود الكربوني من ماك تبللين شوي الفرشاه بالماي وتعيد على الخط اللى مبين شوي وبعدها تدمجين اللون لداخلمن برا لداخل اذا تبين لنص العين او انه على شكل سبعه اللى هي علامه الاكبر مال الرياضيات
واخر شي شوي بالفرشه حقت اللون الوردي علشان ما يكون في كت في الالوان على خفيف تعيدين على الجفن المتحرك مع شوي فوق اللون الاسود لو كان زاويه اما لو كان من فوق لتحت فما يحتاج تسوين بفرشاه التحديد اللى قلت لك عليها
انا عطيتج طريقتين وان شاء الله تفيدج
وبالنسبه للزاويه اللى تقولين عنها ما تضبطينها اول شي كل عين فينا تختف عن الثانيه ولو باختلاف بسيط ما يتلاحظ وهذا في كل شخص مو بس العين كل الجسم الجزء اليمين يختلف عن اليسار بس مع تكرارج وتمرينج راح تضبطينها يعني يبالها صبر وتمير ودقه
اسمحيلي كتبت وايد بس مثل ما قلت لج من النوع اللى ما اعرف افهم والا اوصل المعلومه مختصره وما انفع خير شر بالفهم والوصف

مشكو ورة يا اخت محتاج له الله يعطيكي الف عافيه والله كفيتي ووفيتي وجزاكي الله الف خير عالطريقه السهله وانشالله بجربها

شوفي هذا الفيديو عشان تقدري تشوفي على الطبيعة
http://www.mimi.mtejjal.com/mimi/mimi.html

اسمعي حبيبتي انا حابه افيدك
اول شيْ:
نوعية الفرشه لدمج فيه فرشه خاصه لدمج
هي تقريبا نحيفه وشعر الي فيها تقريبا قد ضفرك
الصغير هذي لدمج
وثاني شي نوعية الضل اذا كان مخملي ماراح
تقدرين تدمجين لأن المخملي مايدمج كثير بس
اذاكان عادي تقدرين تدمجين بلفرشه واسهل
طريقه لدمج بشكل دائري يعني عند الخط
الي بين الونين تدمجينه بشكل دائري وإنشاء الله
تستفدين .

مشكورة يا اخت يمنى والاخت غلا روحي وجزاكم الله الف خير عل نصائح

محتا111جه له
ماقصرتي يالغلا