ارجو المساعدة من ذوات الخبره والحكمه

جنا الجوف

15-12-2022 - 10:52 am

زوجي والحمد لله يحبني ويحترمني لاكنه عنيد (فقط اذا طلبت منه شئ امام اهله) يرفض , واذا مارفض يمضيها تريقه ودايما مفشلني قدامهم وانا للاسف عايشه معهم بنفس البيت يعني مافي مجال مااحتك فيهم واضطر احيانا اطلبه يجي ياخذنا من السوق او مشوار فإذا كانو اخواته معاي يرفض , اللي قاهرني انه بكذا يبين لهم ان مالي كرت عنده مع العلم ان مافي مشاكل بينهم بس يكره جداً يبين لأهله انه يوافقني على شي !!!
واخوانه التانيين العكس تماماً يفزعون لحريمهم
والله انحرق دمي من تريقة حمياتي علي وانا عجزت افهم ليش يسوي معاي كذا مع انه طيب و مايقصر معي لو اطلبه شي بيني وبينه

التعليقات (5)

Dlo3at Body

15-12-2022 - 02:10 pm

يوه غريبه..ليه كذا؟؟؟ الله يهديه ويسخره لك..
حبيبتي حاولي تقعدين معاه وتفهمينه ان غلط اللي يسويه وهو ليه يسوي كذا قدام اهله بس تكلمي معاه بهدوء.. وقوليله ان عادي يبين لاهله ان مهتم فيك بالعكس عشان يحترمونك...والله يعينك..

ريف الاشوااق

15-12-2022 - 03:11 pm

اول شي الله يوفقك وثاني شي اغلب الرجال صدقيني كذايخاف تنهز صورته قدام اهله وخلاص اذا بينك وبينه ينفذ لاتطلبين منه شي قدام اهله لاجاء عندك قولي له انتي عرفتي زوجك هالحين وش لك بوجع الراس

نادر وجودها

15-12-2022 - 04:12 pm

طيب لاتطلبين منه شيء قدامهم
يمكن هذا طبعه .. حاولي انك تتفاهمي
معاه بهدوءءء واذا مافي فايده
اقلمي نفسك على آآ مزاجه
الله يسخره لك يارب

جنا الجوف

15-12-2022 - 05:13 pm

دلوعة وريف ونادر وجودها اسعدتوني بمشاركتكم
لاكن انا ساكنه مع اهله واحتاجه يوقف معي
يعني مو حل اني اتحاشى اطلبة شي اذا احتجته
والله شي يموت قهر

وعلمتني الحياة

15-12-2022 - 06:14 pm

ياقلبي خلاص انتي فهمتي طريقة زوجك ريحي راسك ولاتطلبيه الا بينك وبينه
مالك ومال وجع الراس
لاتقولي شوف اخوانك كيف مع زوجاتهم,,, زوجك شكله يبغى يظهر ذاته عند اهله..
الله يسخركم لبعض...

زوجي والحمل←
بنات الله يوفق الي تواسيني وترد علي الان بنات تكفون انا بهم→