زوجي والحمل

مسائكم عطر الزهر
وزخات عطر ومطر
اول مره اكتب بها القسم بس بجد حسيت نفسي بحيره
قلت تساعدوني او تقنعوني شوي
السالفه ... ان عندي بنت وولد الله يحفظهم ويعطيهم من يتمناهم
المهم زوجي يقنع فيني احمل بس انا رافضه لاسباب وشرحته له ووافق نأجل الحمل
فتره لكن اليوم انصدمت ..
انا تعبانه شوي احس بغثيان ودوخه وكتمه قلت اكيد فايروس الي يصيب الناس كل سنه بالصيف
بس امي وخواتي شككوني قالوا لاتكوني حامل والدوره متاخره بس حاسه باعراضها
وانا راجعه البيت وزوجي طفشان مره قلت له وش رايك نمر الصيدليه وتجيب لي جهاز كشف الحمل
انقلب مزاجه 180 درجه وفرح وراح الصيدليه ويوم شفته جاد بطلت قلت تدري مره ثانيه انا حاسه بالام
الدوره قال لالا ان شاء الله انك حامل
رحت البيت رفض الا اسوي التحليل قلت خله يومين اتأكد قال لا الحين سويته والاكيد ان النتيجه سلبي
بعدها ماعاد كلمني ورجع ع النت وهو طفشان
انا ماجله الحمل لاسباب منها
اني ابي اصلح اسناني
وابي احج هالسنه
وانا معلمه بمكان بعيد والطريق متعب قلت خل ناجله لبعد الحج منها يمر كم من شهر دراسي لاني ابي
الشهور الاخيره تكون بالاجازه الصيفيه الجايه باذن الله
هو من اول موافق بس مادري وش مغيره
ولا ودي من ناحيه ماتكون ولادتي ببدايه السنه الدراسيه الجديده لان بنتي بتدرس وانا اخاف عليها لازم
ادرسها بمدرستي ويبي لها تدريس وانا باكون والده مالي خلقها وتدرون اول سنه تاسيس
قلت له لويرضيك احمل احمل بعد هالدوره ان الله كتب
قال ايه يرضيني بعدها حسيت اني تورطت ودي احج وادعي ربي بعرفه مشتاقه لذي اللحظه وودي عشان
بنتي محتاره تكفون شورو علي وش الصح