ارجوا من فراشات الدورة للغه الانجليزية الدخول بسرعه

1. Good mornig girls,how are you


2. والبرنامج راح يكون كالتالي:

Good mornig girls,how are you

صباح الخير بنات, كيفكم؟ هاد الموضوع مهم كتير لان راح يكون عليه كل روابط الدروس التحضيرية.
وكمان راح يكون عليه صورة الاوسمة يلي راح تنعطي للبنات مشان تشجعهم على التعلم واكيد راح اكون اول مشجعة ومساندة لاحلى بنات في دورة الافعى الحنونة التعليمية للغة الانجليزية . بس لا تفرحوا كتير بنات لان كل عضوة تقصر في واجباتها او تغيب كثير ومن دون مبرر راح ينسحب منها الوسام من على توقيعها وينكتب على توقيعها التبرير.
فمشان هيك بليز بنات بدي همتكم لطلب العلم والله معانا وراح يساعدنا لان دروس القواعد بدها تركيز وانا راح اعمل كل جهدي مشان اوصلكم فكرة كل درس.

والبرنامج راح يكون كالتالي:

كل يومين ينزل درس للقواعد وراح يكون معاه واجب .والواجب لازم ينحل وينبعت برسالة خاصة لي يعني انا راح استلم حل الواجبات في رسالة خاصة واصححها واقيم كل حل واحط نتايجه في موضوع تاني راح اعمله واثبته وبهيك راح يبان مستوى كل فراشة وراح يبين مدى فهمها وتركيزها .
وكل 10 ايام راح اطرح قصة قصيرة والفراشات راح تقراها وتكتب شو فهمت منها .اول شي لازم تقراها بصوت عالي مشان تعود لسانها على الكلام بالناجلش وتاني شي مشان تطور مهاراتها ومايهمكم اي شي .يعني لا تستحوا حبيباتي من عدم الفهم او شي تاني لاننا كلنا اخوات واحنا هون للافاده والاستفاده.واي سؤال عن اي درس ارجوا من البنات مايطرحوه على موضوع الدرس.لان فيه موضوع مخصص للاستفسارات وهو مثبت.يعني اي فراشة عندها سؤال تروح لموضوع الاستفسارات الخاص بالدورة وتكتب عنوان الدرس وشو التساؤل وانا راح ادخل ان شاء الله واشرح واوضحلها الشي يلي مو مفهوم واكيد الله راح يباركلنا ويوفقنا ويسهلنا.
وارجوا من كل فراشة مسجلة بالدورة تجي وتكتب بس اسمها هون بالاحمر مشان اسجلها عندي بدفتر واي اخت مابدها تكمل .تجي وتكب اسمها باللون الازرق وانا راح احدفها من الدفتر. وهاد كله لتحديد مستوى التركيز والفهم.
ومشان الاوسمة راح تكون كالتالي:
وسام العضو النشيط يلي مايغيب ودوم حاضر بردوده على الدروس
وسام العضو المميز يلي مستواه عالي في اللغه وهاد من خلال حله للتمارين وخلال تركيزه وفهمه للدروس
وملخص الدروس التحضيرية كالتالي:
اول درس تحضيري لدورة اللغه الانجليزية
ثاني درس تحضيري لدورة اللغة الانجليزية
ثالث درس تحضيري لدورة اللغة الانجليزية
رابع درس تحضيري لدورة اللغة الانجليزية
خامس درس تحضيري لدورة اللغة الانجليزية
سادس درس تحضيري لدورة اللغة الانجليزية
الافعال في اللغه الانجليزية الخاصة بالدورة
يلا بنات اسال ربي رب العرش العظيم ان يوفقني في توصيل الفكرة وتبليغ رسالة الدورة وان يوفقكم ويسهلكم في التعلم و