ارجوكم بنات ساعدوني ابي حل

1. السلام عليكم يابنات


2. اولا ماجاب لي شقه

السلام عليكم يابنات

انا بقول قصتي من بدايه زواجي انا لي متزوجه 10 شهوور تقدملي واحد من الجماعه بس كويتي استانست قلت اهم شي متعلم ومتفتح ويمشيني لأي مكان ابيه تزوجت ورحت لشهر العسل مكه وجده وطايف يعني داخل المملكه ورجعنا وبدات المشاكل

اولا ماجاب لي شقه

ثانيا اهله ضحكوا علينا يقولون مجهزين الشقه وخالصين تخيلوا انا انقهرت قلت ليش ماجهزتوا قال امي بعد اضحكت علي قالت جاهزه ولا جهزت انا مصدقت لانه هو الي بيده يجهز الشقه شدخل امه قلت ابقعد عند امي لان تجيب شقه ماراح اسكن مع اهلك وانا شرطت بالعقد شقه بروحي ...راح ودور شقه بالكويت واثثه قعدت عند اهلي شهر تخيلو 11 كله وزواجي كان بشهر 10 غير كلام الناس الي مايرحم وجا بعد العيد الاضحى واخذني للشقه وبدت مأساتي مع هذا الرجل
تخيلو متعرف على وحده مغربيه قبل زواجي بسنتين وللحين يكلمها ويراسلها وكشفته ثالث شهر من زواجي شفت محادثته معها تخيلو يقولها كلام حب وخرابيط وانا اذا قلتله كلام حب قال بدينا بالمصلحه تبين شي تعقدت يابنات حتى اهلي مدروا بس اختي الي متزوجه هي الي تصبرني عليه واجهت بالحقيقه قال مو انا اخوي الي راع حريم واخوه ايش الي جابه لبيتنا ويقعد ع النت زوجي يبعد الشبه عنه واخوه متزوج وعنده ولدين
الحين بنات اذا مثلا عيت عن شغله قال ياليت ماخذ المغربيه ماترفض طلب وزعلت منه بس مافي فايده... الحين قعدن عند اهله اسبوع واذا قلت ابي بيتي قال لا ابقعد مع اختي لانها جايه من الرياض
غير الاسواق مايوديني ولا يمشيني بالكويت بس عيال اخوانه يودوني مع البنات
عندي حمات الله يخليلها عيالها كأنها امي ماتقصر بشي تعطيني فلوس
تخيلو يابنات في شركه بترول كويتيه ويعطيني كل شهر 50 دينار يعني يعادل بالسعودي 500 تقريبا يقول كل شي فيها حتى كروت الشحن والله والله يابنات ماتكفي انا اكلم اهلي بالسعوديه وتروح بسرعه الله يعين
وتخيلو الحين رافع اخته فوق يبي يمشيها يوكله من المطعم غير البطاقه الشحن كل شهر يعطيها وهي متزوجه وعندها عيال كبري
انا مقهوره حدي اه الله يعيني
تكفون قولولي شسوي؟؟؟؟؟